Fréttablaðið - 01.09.2014, Blaðsíða 64
1. september 2014 MÁNUDAGUR| SPORT | 32
FÓTBOLTI Allt fram til ársins 2011
hafði meistaraflokkum Stjörn-
unnar í knattspyrnu hvorki tek-
ist að vinna bikarinn á Íslandi né
Íslandsmeistaratitilinn. Kvenna-
lið Stjörnunnar braut blað í sögu
félagsins þann 30. ágúst 2011
þegar stúlkurnar urðu Íslands-
meistarar í fyrsta sinn en síðan þá
hafa þær haft góð tök á íslenskri
kvennaknattspyrnu. Fjórum árum
síðar eru tveir bikarmeistara-
titlar komnir í hús ásamt einum
Íslandsmeistaratitli og stefnir allt
í að annar Íslandsmeistaratitillinn
í röð og sá þriðji á fjórum árum
komi nú í haust.
Öruggt á Laugardalsvelli
Stjarnan vann öruggan 4-0 sigur
á Selfossi í bikarúrslitum um
helgina og varð í annað sinn í sögu
félagsins bikarmeistari. Þær eiga
möguleika á því að vinna tvenn-
una í fyrsta sinn í sögu félags-
ins en þegar fjórir leikir eru eftir
eru þær með sex stiga forskot á
Breiðablik í öðru sæti.
„Þessi tilfinning er alltaf jafn
æðisleg, við vorum með klár
markmið fyrir þetta tímabil og
það var að vinna tvöfalt og að
vinna bikarinn var stórt skref í
átt að því. Við höfum oft átt erf-
itt með þessa keppni og mættum
erfiðum liðum á leiðinni sem gerir
þetta enn betra. Þetta var æðisleg-
ur dagur og gaman að taka þátt í
þessu, stemmingin var frábær og
það var sett nýtt áhorfendamet,“
sagði Harpa Þorsteinsdóttir sem
var hetja Stjörnunnar í leiknum
en hún skoraði fyrstu þrjú mörk
liðsins.
„Við vorum með ágætis stjórn á
leiknum og gáfum fá færi á okkur
og náðum sem betur fer marki
rétt fyrir lok fyrri hálfleiksins,
það skipti gríðarlega miklu máli í
lokin. Svo náum við að setja annað
mark sem gerir eiginlega út um
leikinn að mínu mati og við náðum
að bæta við mörkum eftir það.
Lokatölur leiksins segja ekki alveg
til um hvernig hann spilaðist, það
var meira jafnræði í þessu við
þurftum að hafa virkilega fyrir
þessu. Þær vörðust virkilega vel
þótt þeim hafi ekki gengið vel að
að skapa sér færi.“
Gullkynslóð Stjörnunnar
Allt frá árinu 2011 hefur verið
sterkur kjarni í Stjörnuliðinu
sem leiðir liðið. Ásgerður Stef-
anía Baldursdóttir og Anna Björk
Kristjánsdóttir hafa verið lykil-
leikmenn liðsins öll árin fjögur en
ásamt þeim eru leikmenn á borð
við Hörpu Þorsteinsdóttur, Söndru
Sigurðardóttur, Önnu Maríu Bald-
ursdóttur og Kristrúnu Kristjáns-
dóttur.
„Við erum búnar að byggja gríð-
arlega góðan grunn og við erum
með gott lið núna sem hefur spilað
lengi saman og við þekkjum hvor
aðra mjög vel. Þetta er ekkert að
hætta núna, ég ætla rétt að vona
það. Það heldur áfram uppgangur-
inn í Garðabænum,“ sagði Harpa
létt að lokum og tók fyrirliði liðs-
ins, Ásgerður Stefanía Baldurs-
dóttir undir það. „Við stefnum að
tvennunni í ár og við þurfum að
einbeita okkur að deildinni núna.
Við þurfum að vera vel gíraðar í
næstu leiki, mótið er ekki búið þótt
staðan sé góð,“ sagði fyrirliðinn.
Hugarfarsbreyting hjá félaginu
„Þetta eru búin að vera frábær
ár hjá Stjörnunni síðustu ár, strák-
arnir eru búnir að standa sig frá-
bærlega þótt það hafi ekki komið
bikarar. Það varð hugarfars-
breyting hjá félaginu sem er að
skila þessum árangri í dag,“ sagði
Ásgerður sem segir að framtíðin
sé björt í Garðabænum.
„Það kom frábær þjálfari á
sínum tíma sem fékk okkur til
þess að hugsa betur og hann á
risastóran þátt í þessum árangri
hjá okkur. Allt félagið virðist
hafa tekið við sér því yngri flokka
starfið blómstrar í félaginu og ég
hef fulla trú á því að strákarnir
vinni deildina í fyrsta sinn í ár,“
sagði fyrirliðinn sem hefur trú á
því að liðið muni berjast áfram um
titla á næstu árum. „Þessu er ekki
lokið, við erum með gríðarlega
sterkan og mjög ungan hóp sem á
mörg ár eftir svo það er langt í að
gullaldarárum Stjörnunnar ljúki
eins og staðan er í dag,“ sagði fyr-
irliðinn Ásgerður. kristinnpall@365.is
FÓTBOLTI Aron Einar Gunnarsson,
fyrirliði íslenska landsliðsins og leik-
maður Cardiff, segir að hann verði
tilbúinn í leikinn gegn Tyrklandi á
Laugardalsvellinum á þriðjudaginn
næstkomandi. Aron Einar meiddist í
leik gegn Wolves í ensku 1. deildinni
á dögunum og hefur ekki verið
í leikmannahóp Cardiff í undan-
förnum leikjum en hann staðfesti við
Fréttablaðið að hann væri kominn af
stað á ný.
„Ég fór meiddur af velli í leiknum
gegn Wolves og það tók rúmlega viku
að komast af stað á ný. Ég byrjaði
bara að æfa aftur á föstudaginn og
það var tekin ákvörðun um að ég
myndi æfa með varaliðinu í staðin
fyrir að fara í þennan leik til þess
að þetta myndi ekki endurtaka sig.
Ég er því tilbúinn í þennan leik með
íslenska landsliðinu,“ sagði Aron sem
er spenntur fyrir leikjunum.
„Ég verð tilbúinn í þessa leiki rétt
eins og aðrir leikmenn. Þetta verður
erfiður riðill en við erum tilbúnir í
þessa baráttu. Það eru flestir leik-
mennirnir að spila þessa dagana
sem er bara jákvætt fyrir liðið,“
sagði landsliðsfyrirliðinn Aron Einar
en Ísland tekur á móti Tyrklandi á
þriðjudaginn næstkomandi. - kpt
Verð tilbúinn í leikinn gegn Tyrklandi
SPENNTUR Landsliðsfyrirliðinn er klár í
slaginn gegn Tyrkjum. FRÉTTABLAÐIÐ/VILHELM
FÖGNUÐUR Leikmenn Stjörnunnar fögnuðu með stuðningsmönnum sínum eftir 4-0 sigur á Selfoss í bikarúrslitunum. Stjar-
nan stefnir að fyrstu tvennunni í sögu félagsins en þær eru með gott forskot á toppi Pepsi-deildarinnar. FRÉTTABLAÐIÐ/ANDRI MARINÓ
Hörputónar í Laugardalnum
Stjarnan vann fj órða titil sinn á síðustu fj órum árum með 4-0 sigri á Selfoss í bikarúrslitaleiknum um hel-
gina. Eft ir mörg mögur ár þar á undan er markmið liðsins að vinna tvennuna í fyrsta sinn í sögu félagsins.
GOLF Kristján Þór Einarsson úr
Golfklúbbnum Kili og Karen
Guðnadóttir úr Golfklúbbi Suður-
nesja stóðu uppi sem stigameist-
arar í Eimskipsmótaröðinni í ár.
Þetta var ljóst eftir að síðasta
móti ársins, Goðamótinu, lauk á
Akureyri í gær.
Kristján Þór sigraði síðasta
mótið en hann hafði þegar tryggt
titil sinn en það var meiri spenna
í kvennaflokki. Kristján lék loka-
hring mótaraðarinnar á fjórum
höggum undir pari og skaust upp
fyrir Gísla Sveinbergsson.
Karen var með gott forskot á
næsta keppenda, Signýju Arn-
órsdóttir, og tryggði sér sigur-
inn með því að lenda í öðru sæti
sem nægði henni til þess að sigra
stigakeppni kvenna örugglega.
Karen vann mótaröðina í fyrsta
sinn en hún hefur lent í vandræð-
um með að sýna nægilegan stöð-
ugleika á mótum í ár.
Vildi sýna stöðugleika
„Þetta var auðvitað bara frábært
að geta sýnt hvað maður getur á
þessu stigi og sýna stöðugleikann.
Ég hef ekki unnið mót en stöðug-
leikinn sýnir að maður er góður
kylfingur í mörgum mótum. Ég
tók þátt í öllum mótum með það að
markmiði að enda ofarlega og það
tókst nokkuð vel,“ sagði Karen en
hún var ánægð með spilamennsku
sína á mótinu um helgina.
„Ég spilaði heilt yfir vel fyrir
utan að ég púttaði mjög illa í dag.
Ég var að spila vel alla helgina en
púttin voru ekki að detta í dag,“
sagði Karen í gær. Kristján Þór
var skiljanlega sáttur með sigur-
inn sem kórónaði frábært tímabil
hans.
„Tilfinningin er bara mjög góð,
þetta er góður endir á góðu tíma-
bili að sigra lokamótið,“ sagði
Kristján sem var ánægður með
spilamennskuna á mótinu við erf-
iðar aðstæður í gær.
Gefur mér sjálfstraust
„Spilamennskan í dag var virki-
lega góð, það voru mjög erfið-
ar aðstæður, mikill vindur og að
koma inn á fjórum höggum undir
pari og án skolla var frábært.
Þetta gefur mér bara enn meira
sjálfstraust fyrir það sem er næst
á dagskránni hjá mér svo maður
hlýtur að vera sáttur.“ - kpt
Kristján og Karen stigameistarar á Eimskipsmótaröðinni
Kristján Þór lauk frábæru keppnisári á stigatitli Eimskipsmótaraðarinnar. Þá stóðst Karen pressuna á Goðamótinu á Akureyri um helgina.
GOTT ÁR Kristján hefur átt frábært
tímabil. FRÉTTABLAÐIÐ/DANÍEL
STÖÐUGLEIKI Karen lék stöðugt golf á
mótaröðinni í ár. MYND/GSIMYNDIR.NET
FÓTBOLTI Harpa Þorsteinsdótittir
varð um helgina fimmta konan til
þess að skora þrennu í bikarúr-
slitaleik kvenna í 4-0 sigri Stjörn-
unnar á Selfoss. Harpa, sem
hefur verið einfaldlega óstöðv-
andi í sumar, hefur skorað 27
mörk í öllum keppnum í sumar,
þar af sjö mörk í tveimur leikjum
gegn Selfossi.
Harpa kom Stjörnunni á bragð-
ið með fyrsta marki leiksins með
glæsilegum skalla í lok fyrri
hálfleiks, gríðarlega mikilvægt
mark sem róaði taugar Stjörnu-
kvenna til muna. Harpa bætti svo
við tveimur mörkum þegar tíu
mínútur voru til leiksloka sem
gerðu endanlega út um leikinn.
Hið fyrra kom eftir vel útfærða
aukaspyrnu og nýtti Harpa sér
mistök í varnarleik Selfoss til að
bæta við þriðja marki leiksins.
„Ég veit það ekki, þetta hefur
gengið vel í sumar,“ sagði Harpa
létt þegar borið var undir hana
hvort Selfoss væri uppáhaldsand-
stæðingur eftir mörkin sjö.
ÞRENNUR Í SÖGU BIKARÚRSLITA-
LEIKS KVENNA Í FÓTBOLTA
1) JÓNÍNA VÍGLUNDSDÓTTIR 1991
fyrir ÍA á móti Keflavík í 6-0 sigri.
2) ERLA HENDRIKSDÓTTIR 1996
fyrir Breiðablik á móti Val í 3-0 sigri.
3) MARGRÉT LÁRA VIÐARSDÓTTIR
2006
fyrir Val á móti Breiðabliki í 3-3 jafntefli.
4) HÓLMFRÍÐUR MAGNÚSDÓTTIR 2008
fyrir KR á móti Val 2008 í 4-0 sigri.
5) HARPA ÞORSTEINSDÓTTIR 2014
fyrir Stjörnuna á móti Selfossi í 4-0 sigri. - kpt
Fimmta konan
með þrennu
ÓTRÚLEG Harpa fagnar þriðja marki
sínu í leiknum. FRÉTTABLAÐIÐ/ANDRI MARINÓ
FÓTBOLTI Kjartan Henry Finnbogason, framherji KR, er
líklegast á förum frá félaginu til B-deildar félagsins Horsens
í Danmörku en þetta Rúnar Kristinsson, þjálfari KR, við
blaðamenn eftir leik en Kjartan gaf ekki kost á sér í við-
tölum eftir 2-3 tap KR gegn Stjörnunni.
Kjartan Henry hefur verið gríðarlega mikilvægur KR-liðinu
undanfarin ár og skoraði hann meðal annar sigurmark
leiksins í uppbótartíma í bikarúrslitaleiknum gegn Fram.
„Það er mjög líklegt að það gerist á morgun að hann
fari til Danmerkur. Það er ekki búið að ganga frá
neinu og því ætla ég ekki að tjá mig meira um það
að svo stöddu,“ segir Rúnar.
Kjartan Henry snýr því aftur í atvinnumennsku
en hann fór á sínum yngri árum til skoska
stórveldisins Celtic. Kjartan sem er uppalinn í KR
hefur einnig leikið í Noregi og Svíþjóð. - kpt
Kjartan á leiðinni til Danmerkur
SPORT