Fréttablaðið - 01.09.2014, Blaðsíða 20
1. september 2014 MÁNUDAGUR| TÍMAMÓT | 20TÍMAMÓT
Hjartans þakkir fyrir auðsýnda samúð
og hlýhug vegna andláts og útfarar
eiginmanns míns, föður okkar,
tengdaföður, afa og langafa
PÉTURS ANDRÉSAR
BALDURSSONAR
Strikinu 8, Garðabæ,áður til heimilis
Skagabraut 4, Akranesi.
Sérstakar þakkir færum við starfsfólki hjúkrunarheimilanna
Vífilsstaða og Ísafoldar ásamt heimahjúkrun Garðabæjar fyrir
einstaka aðstoð og umönnun.
Anna Helgadóttir
Baldur Pétursson Linda Hrönn Sigvaldadóttir
Helgi Pétursson
Pétur Pétursson
Inga Pétursdóttir Þorgeir Kristófersson
Guðlaug Pétursdóttir Guðni Gunnarsson
og fjölskyldur.
Ástkær eiginmaður minn,
faðir, tengdafaðir, afi, og langafi,
SIGURÐUR EMIL MARINÓSSON,
fyrrverandi framkvæmdastjóri
Sælgætisgerðarinnar Mónu,
Boðaþingi 5, Kópavogi,
lést á hjúkrunarheimili Hrafnistu í Boðaþingi,
Kópavogi, föstudaginn 15. ágúst. Útför hans fer fram frá
Fríkirkjunni í Reykjavík fimmtudaginn 4. september kl. 13.00.
Ágústa Kristín Sigurjónsdóttir
Jakobína Edda Sigurðardóttir Gunnar Eiríksson
Gunnar Sigurðsson Hólmfríður Þorvaldsdóttir
Emilía Sigurðardóttir
Ágúst Sigurður Sigurðsson Aðalheiður Ólafsdóttir
Hjalti Sigurðarson Hrönn Hrafnsdóttir
Sigurjón Atli Sigurðsson Jóney Hrönn Gylfadóttir
barnabörn og barnabarnabörn.
Kvikmyndahús í Reykjavík
hófu í fyrsta skipti almennar
sýningar á talmyndum 1.
september 1930. Sýndar voru
bandarískar dans- og söngva-
myndir með tali og tónum.
Gamla bíó auglýsti sýningar
á kvikmyndinni Hollywood
revýan í dagblöðum en þar
sagði: „Talmynd, söngur, dans
og hljóðfærasláttur. Skraut-
legasta „revýu“-kvikmynd, sem
gerð hefir verið með þátt-
töku 25 bestu leikara Metro
Goldwyn-fjelagsins ásamt 200
dansmeyjum og 100 manna
hljómsveit.“ Panta þurfti að-
göngumiða.
Reykvískir bíógestir fögnuðu
þessari nýbreytni og fylltu
kvikmyndahúsin dag eftir dag.
Kvikmyndir, eða lifandi myndir,
voru sýndar í fyrsta skipti á Ís-
landi sumarið 1903 fyrir tilstilli
tveggja útlendinga, D. Fernan-
der og R. Hallseth. Bíósýningar
voru næstu ár vinsæl afþreying
víða um landið. Reykjavík Bio-
graftheater var opnað 1906 en
eftir að Nýja bíó var stofnað í
Reykjavík 1912 var það iðulega
kallað Gamla bíó.
ÞETTA GERÐIST: 1. SEPTEMBER ÁRIÐ 1930
Þögnin rofi n í kvikmynda-
húsum Reykjavíkur
GAMLA BÍÓ
Kvikmyndahúsið
sýndi dans- og
söngvamyndina
Hollywood revýan
1. september
1930.
MERKISATBURÐIR
1689 Pétur mikli Rússlandskeisari lagði skatt á skeggvöxt karl-
manna.
1715 Lúðvík 14. konungur Frakklands dó eftir 72 ára valdatíð.
1923 Stór jarðskjálfti skók Japan og lagði borgirnar Yokohama
og Tókýó í rúst. Skjálftinn var 7,2 á Richter-kvarða og fórust
um 140 þúsund
manns.
1939 Seinni
heimsstyrjöldin
hófst. Þjóðverjar
gerðu loftárásir á
Pólland.
1941 Gyðingar í
Berlín voru skikk-
aðir til að ganga
með Davíðsstjörn-
una.
1972 Einvígi ald-
arinnar var haldið
í Laugardalshöll.
Robert Fischer
varð heimsmeist-
ari í skák.
1985 Skipsflak
Titanic fannst á
botni Norður-Atl-
antshafsins, 500
kílómetra suðaust-
ur af Nýfundna-
landi.
1988 Flugvöll-
urinn í Kabúl
stórskemmist
í eldflaugaárás
afganskra skæru-
liða.
1991 Úsbekistan lýsti yfir sjálfstæði frá Sovétríkjunum.
1997 Forseti Íslands og forsætisráðherra sendu leiðtogum
Bretlands samúðarskeyti vegna fráfalls Díönu prinsessu.
2004 Safnahús Þjóðminjasafns Íslands við Suðurgötu var
opnað að nýju eftir að hafa verið lokað í nokkur ár.
Úthlutað var úr styrktarsjóði Halldórs
Hansen við hátíðlega athöfn í Sölv-
hóli, tónlistarsal Listaháskóla Íslands,
fimmtudaginn 28. ágúst. Þetta er í
tíunda skipti sem veitt eru verðlaun
úr sjóðnum en sjóðurinn var formlega
stofnaður árið 2004 eftir að barnalækn-
irinn, Halldór Hansen, ánafnaði Listahá-
skóla Íslands veglegt tónlistarsafn sitt
og arfleiddi skólann að öllum eigum
sínum þegar hann lést árið 2003. Megin-
markmið sjóðsins er að styrkja uppbygg-
ingu og styðja við tónlistarsafn skólans.
Auk þess veitir sjóðurinn árlega styrki
til tónlistarnema sem hafa, að mati sjóð-
stjórnar, náð framúrskarandi árangri á
sínu sviði. Stjórn sjóðsins skipa Fríða
Björk Ingvarsdóttir, rektor Listahá-
skóla Íslands, Árni Tómas Ragnarsson,
læknir, Mist Þorkelsdóttir, fyrrverandi
deildarforseti tónlistardeildar Listahá-
skólans og Árni Heimir Ingólfsson, tón-
listarfræðingur. Í hátíðarávarpi Fríðu
Bjarkar Ingvarsdóttur fjallaði hún um
velgjörðarmann sjóðsins, Halldór, sem
hún kallaði bæði mikinn mannvin og
hugsjónamann sem vildi með sjóðnum
„efla hag tónlistar á Íslandi og koma
íslenskum tónlistarmönnum í tengsl við
alþjóðlega strauma.“
Að þessu sinni fengu tveir ungir tón-
listarmenn úthlutað 600 þúsund krón-
um. Þau Baldvin Ingvar Tryggvason
klarínettuleikari og Jónína Björt Gunn-
arsdóttir söngkona en þau útskrifuðust
bæði með B.Mus-gráðu frá tónlistardeild
Listaháskóla Íslands síðastliðið vor.
Baldvin Ingvar hefur æft klarinettu-
leik frá því að hann var sjö ára gam-
all, fyrst við Tónlistarskóla Álftaness
en síðar við Tónlistarskólann í Reykja-
vík. Baldvin hefur meðal annars leik-
ið með Sinfóníuhljómsveit unga fólks-
ins, Sinfóníuhljómsveit Norðurlands og
Ungsveit Sinfóníuhljómsveitar Íslands,
en þar hefur hann gegnt stöðu leiðara
þrisvar sinnum. Baldvin segir styrkinn
koma sér mjög vel en hann er að hefja
nám við Royal College of Music í Lond-
on. „Þetta fer allt beint í skólagjöldin,“
sagði Baldvin þakklátur og spenntur en
hann flytur til London um miðjan sept-
ember. Þar mun hann njóta leiðsagnar
klarínettuleikarans Barnaby Robson,
sem heimsótti LHÍ á síðasta skólaári.
Barnaby, sem er tónskáld og klarinettu-
leikari, hefur komið að gerð tónverka
við margar vinsælar sjónvarpsseríur og
kvikmyndir.
Jónína sem flytur til New York í sept-
ember segir styrkinn koma sér vel því
mikill kostnaður fylgi því að flytja á
milli landa og hefja nám en hún hefur
nám við söngleikja- og kvikmyndadeild
New York Film Academy núna í haust.
Jónína er fædd á Akureyri árið 1990 en
hún hóf ung nám í fyrst píanó- og síðar
fiðluleik. Sautján ára gömul færði hún
sig yfir í söngnám en hún lauk fram-
haldsprófi í klassískum söng árið 2011.
Jónína hefur komið fram víða, bæði sem
einsöngvari og með kórum. Hún söng
meðal annars og dansaði í uppsetningu
Leikfélags Akureyrar á Rocky Horror
árið 2010.
Fengu styrk úr sjóði
Halldórs Hansen
Baldvin Ingvar Tryggvason klarínettuleikari og Jónína Björt Gunnarsdóttir söngkona hefj a
bæði nám erlendis um miðjan september og segja styrkina koma sér vel enda uppihald í
London og New York dýrt svo ekki sé talað um skólagjöldin.
STYRKHAFARNIR Baldvin Ingvar Tryggvason og Jónína Björt Gunnarsdóttir með Fríðu Björk Ingvarsdóttur, rektor Listaháskóla Íslands.