Fréttablaðið - 01.09.2014, Blaðsíða 58

1. september 2014 MÁNUDAGUR| LÍFIÐ | 26
Hvar eru sigurvegararnir í dag?
Raunveruleikaþátturinn America’s Next Top Model er einn sá farsælasti í heiminum en fyrir stuttu hófust sýningar á 21. seríu undir
harðri stjórn Tyru Banks. Í lok hverrar seríu er upprennandi fyrirsæta krýnd sigurvegari en hvað tekur svo við hjá módelunum? Frétta-
blaðið fór á stúfana og hafði upp á níu af þeim tuttugu fyrirsætum sem hafa borið sigur úr býtum í ANTM, eins og þátturinn er kallaður.
➜ Elskar raunveru-
leikasjónvarp
Adrianne Curry
1. sería
Adrianne hefur haft í nægu að
snúast síðan hún vann fyrstu
seríu ANTM, 2003. Tveimur
árum síðar tók hún þátt í
raunveruleikaþættinum The
Surreal Life. Þar hitti hún
eiginmann sinn, Christopher
Knight, sem er þekktastur fyrir
að leika í The Brady Bunch á
áttunda áratugnum. Þau gerðu
heimildarþætti um líf sitt, My
Fair Brady árið 2005. Adrianne
og Cristopher skildu árið 2012.
Þá hefur Adrianne einnig setið
fyrir í Playboy tvisvar.
➜ Á leiklistarbraut
Eva Marcille
Pigford
3. sería
Eva var iðin við kolann í
fyrirsætubransanum eft ir
sigurinn og vann meðal
annars fyrir DKNY, Samsung,
og CoverGirl. Undanfarið
hefur hún einbeitt sér að
leiklist, en er enn á skrá hjá
L.A. Models. Hún hefur
leikið hlutverk í Smallville,
The Young and the Restless
og í I Think I Love My Wife.
Þá var hún í tónlistarmynd-
böndunum Live It Up með
Jennifer Lopez og Best of
Me með Tyrese.
➜ Dómari í
fegurðarsamkeppni
Naima Mora
4. sería
Naima var dómari í Miss
Teen USA árið 2005 og gaf
út bókina Naima Mora‘s
Model Behavior árið 2012.
Hún hefur setið fyrir í
blöðum á borð við Elle,
Fuego, usWeekly, Radar, In
Touch og Star. Þá hefur hún
gengið tískupalla fyrir merki
á borð við Christopher
Deane, Gharani Strok og
Walmart. Hún fór með
hlutverk í óháðu myndinni
Sarbanes-Oxley 2006 og er
söngkona í Galaxy of Tar.
➜ Vekur athygli
á sóríasis
CariDee English
7. sería
CariDee var næstum því
rekin úr þáttunum en stóð
að lokum uppi sem sigur-
vegari. Hún hefur blómstrað
sem fyrirsæta og prýtt
forsíður blaða á borð við
Seventeen, Inked og In
Touch. Þá hefur hún setið
fyrir fyrir merki á borð við
L‘Oreal, JCPenney og Carlos
Campo. CariDee er auk þess
talskona bandarísku sóríasis-
stofnunarinnar og vill vekja
athygli á sjúkdómnum.
➜ Gafst ekki upp
Jaslene
Gonzalez
8. sería
Jaslene var rekin heim í
sjöundu seríu en lét ekki
deigan síga, reyndi aft ur og
sigraði í þeirri áttundu.
Jaslene hefur haldið sig við
fyrirsætubransann og hefur
sést í tímaritum eins og
usWeekly, In Touch, Vibe
Vixen, Seventeen og Latina.
Hún hefur einnig verið í
aðalhlutverki á fj órum
risaskiltum á Times-torgi í
New York síðustu ár.
➜ Eigin lína
Whitney Thompson
10. sería
Whitney er fyrsta og eina
fyrirsætan í yfi rstærð til að
fara með sigur af hólmi í
þáttunum. Eft ir að hún vann
varð hún talsmaður banda-
ríska átröskunarsambands-
ins. Hún hefur einnig leikið í
auglýsingu fyrir CoverGirl
með söngkonunni Rihönnu
og unnið fyrirsætustörf fyrir
Target, Saks Fift h Avenue og
Forever 21. Árið 2009 setti
hún síðan á markað skart-
gripa- og kertalínu sem
heitir Supermodel.
➜ Glæstar vonir
Nicole Fox
13. sería
Nicole varð hlutskörpust í
ANTM-seríunni þar sem
aðeins lágvaxnar fyrirsætur
máttu taka þátt. Síðan hún
sigraði hefur hún unnið
fyrirsætustörf fyrir merki á
borð við Forever 21 og
House of Harlow, sem er í
eigu Nicole Richie. Glöggir
sjónvarpsáhorfendur hafa
efl aust einnig tekið eft ir því
að henni hefur brugðið fyrir
í sápuóperunni Bold and
the Beautiful.
➜ Ofurmjótt mitti
Ann Ward
15. sería
Ann vakti verðskuldaða
athygli í ANTM þar sem hún
var með svo agnarmjótt
mitti. Hátískuheimurinn tók
Ann fagnandi eft ir sigurinn
og hefur hún til að mynda
setið fyrir í myndaþætti fyrir
ítalska Vogue. Þá hefur hún
einnig prýtt forsíðu tímarits-
ins Valet og gengið tískupall-
ana fyrir tískudrottninguna
Vivienne Westwood.
Sigraði eftir meðferð
Lisa D‘Amato
17. sería
Lisa var þátttakandi í seríu 5
en náði ekki að hampa
hnossinu. Eft ir það fór hún í
gegnum öldudal og endaði í
þættinum Celebrity Rehab til
að vinna bug á kókaín- og
áfengisfíkn. Hún tók aft ur þátt
í stjörnuseríu ANTM og
hrósaði sigri. Hún hefur verið í
herferðum fyrir Old Navy, Gap
og Target. Þá á hún feril í
tónlist og hefur til að mynda
unnið með LMFAO. Lisa gift ist
athafnamanninum Adam
Friedman árið 2012 og þau
áttu sitt fyrsta barn í fyrra.
Þátturinn var frumsýndur vestan
hafs þann 20. maí árið 2003.
Fyrst um sinn voru áhorfstölur
góðar og horfðu að meðaltali
rúmlega sex milljón manns
á fyrstu seríu. Síðan þá hafa
vinsældir þáttanna dvínað
jafnt og þétt og meðaláhorf á
tuttugustu seríu aðeins tæplega
tvær milljónir manna.
Format þáttanna var búið til
af ofurfyrirsætunni Tyru Banks
og hafa yfir 120 lönd framleitt
sína eigin útgáfu af þáttunum,
þar á meðal Ástralía, Kanada,
Danmörk, Kína, Finnland, Þýska-
land, Frakkland, Ítalía, Holland,
Noregur, Spánn og Svíþjóð.
VINSÆLDIR DVÍNA
TYRA BANKS
LÍFIÐ