Fréttablaðið - 28.10.2014, Side 6

28. október 2014 ÞRIÐJUDAGUR| FRÉTTIR | 6
1. Hversu margir vilja frjálsan inn-
fl utning landbúnaðarvara samkvæmt
könnun Fréttablaðsins?
2. Fyrir hvað fengu Frank Hall og Sverr-
ir Kristjánsson verðlaun á hryllings-
myndahátíð í LA?
3. Í hvaða íþrótt varð Lilja Lind Helga-
dóttir Norðurlandameistari um helgina?
SVÖR:
1. 53 prósent. 2. Tónlist og klippingu í
myndinni Juliu. 3. Í ólympískum lyftingum.
FÉLAGSMÁL Reykjavíkurborg mun
vinna náið með lögregluyfirvöld-
um við að taka betur á heimilis-
ofbeldismálum. Leitað er í smiðju
Suðurnesjamanna þar sem slíkt
samstarf hefur gefið góða raun.
Samstarfsverkefni gegn heim-
ilisofbeldi hófst á Suðurnesjum í
febrúar í fyrra, þar sem lögregl-
an á Suðurnesjum, fjölskyldu- og
félagsþjónusta Reykjanesbæjar
og félagsþjónustan í Grindavík,
Sandgerði, Garði og Vogum tóku
höndum saman. Reynslan af Suð-
urnesjum er af aukningu á nálg-
unarbanni og brottvísun af heim-
ili, ásamt því að fleiri mál fara til
ákæruvaldsins.
Dagur B. Eggertsson borgar-
stjóri og Sigríður Björk Guðjóns-
dóttir, lögreglustjóri höfuðborg-
arsvæðisins, hafa sammælst um
að vinna í þeim anda sem gert er
á Suðurnesjum. Um stórt sam-
vinnuverkefni er að ræða en ein-
stök smáatriði liggja ekki ljós
fyrir.
Dagur segir að síðastliðið vor
hafi verið samþykkt tillaga frá
Sóleyju Tómasdóttur borgar-
fulltrúa um átak gegn heimilis-
ofbeldi, og Mannréttindaskrif-
stofa Reykjavíkurborgar hafi
haft verkefnið til skoðunar. Fyrir
liggja hugmyndir um aðgerðar-
áætlun og unnið er að kostnaðar-
mati.
„Það hittist svo vel á að fyrr-
verandi lögreglustjórinn á Suður-
nesjum er núna orðinn lögreglu-
stjóri höfuðborgarsvæðisins og
því ljóst að það verður styrkur
að samstarfi við hana í þessum
efnum. Mér finnst augljóst að
þarna þarf að gera betur, og það
á að gera betur. Ekki síst til að
auka traust þolenda til bæði lög-
reglunnar og sveitarfélagsins og
til að lyfta þessum málum fram
í dagsljósið og koma þeim skýru
skilaboðum á framfæri að við
umberum ekki heimilisofbeldi,“
segir Dagur sem viðurkennir þó
að verkefnið sé sjálfsagt aðeins
flóknara en það er á Suðurnesj-
um. Verið sé að greina hvað verk-
efnið útheimti og hvernig skipta
eigi verkum. „Það er að ýmsu að
hyggja í framkvæmdinni en það
mun ekki draga úr okkur kjark-
inn við að leggja áherslu á þenn-
an málaflokk í sameiningu.“
svavar@frettabladid.is
Borg og lögregla skera upp
herör gegn heimilisofbeldi
Borgaryfirvöld og lögreglan á höfuðborgarsvæðinu ganga í smiðju Suðurnesjamanna í víðtæku samstarfi við
úrvinnslu heimilisofbeldismála. Mannréttindaskrifstofa Reykjavíkurborgar vinnur að aðgerðaáætlun.
OFBELDI Tilraunaverkefni á Suður-
nesjum hefur gefið góða raun og er
fyrirmynd breyttra áherslna í Reykjavík.
FRÉTTABLAÐIÐ/TEITUR
Á Suðurnesjum leggur lögregla sérstaka áherslu á
rannsókn heimilisofbeldismála og félagsþjónustur
sveitarfélaganna setja það í forgrunn að bæta þjónustu
við þolendur og gerendur; þolandanum er veitt fyrsta
aðstoð t.d. með því að fara með viðkomandi til læknis
ásamt því að hlúa að börnum ef þau eru til staðar.
Eftirfylgni er í öllum málum, þar sem samband er haft
við þolandann innan þriggja daga og gerandanum er
einnig boðin aðstoð við að vinna úr sínum málum.
Lögreglan og starfsmaður félagsþjónustu fara svo á
heimili þolanda innan viku frá því að tilkynnt var um
heimilisofbeldið.
➜ Sérstök áhersla á heimilisofbeldismál
Mér
finnst aug-
ljóst að þarna
þarf að gera
betur og það
á að gera
betur.
Dagur B. Eggertsson borgarstjóri
HEILBRIGÐISMÁL „Öldr-
uðum kemur til með að
fjölga um þrjú til fjögur
prósent á hverju einasta
ári næstu áratugina. Öldr-
unarþjónusta er fjársvelt í
dag og það þyrfti að bæta
verulega í.
Ef sú ákvörðun verð-
ur tekin að setja aukið
fjármagn í málaflokk-
inn sem mér finnst raunar frek-
ar ótrúlegt að verði gert þá þarf
að svara spurningunni: Hver á að
hugsa um gamla fólkið?“
segir Pétur Magnússon,
forstjóri Hrafnistuheim-
ilanna. Hann verður einn
frummælenda á málþingi
sem haldið verður í dag
um hverjir muni vinna
á heilbrigðisstofnunum
framtíðarinnar.
Pétur segir að eins
og staðan sé í dag vanti
hjúkrunarfræðinga og sjúkraliða
til starfa á hjúkrunarheimili fyrir
aldraða. Til að mæta því hafi
ófaglært starfsfólk verið ráðið til
starfa í auknum mæli.
„Við erum ekki að mennta nógu
marga heilbrigðisstarfsmenn í
dag,“ segir hann og telur að nei-
kvæð umræða um heilbrigðismál
undanfarin ár hafi skaðað ímynd
heilbrigðisstétta.
Pétur telur að núverandi kerfi
í öldrunarþjónustu verði ekki við
lýði eftir 30 til 40 ár.
„Við verðum að aðlaga okkur
breyttum aðstæðum og ríki og
sveitarfélög verða að taka af
skarið um hvaða þjónustu þau
ætla að veita öldruðum. Ég spái
því að hið opinbera muni draga úr
fjárframlögum og aldraðir verði
sjálfir að greiða í mun meiri mæli
fyrir þjónustuna,“ segir Pétur.
Hann segir að það verði að
fjölga búsetuúrræðum fyrir aldr-
aða. Bjóða upp á mismunandi stór-
ar íbúðir og mismikla þjónustu.
„Það þarf að finna úrræði sem
eru ekki eins dýr og þau sem við
höfum í dag,“ segir hann.
- jme
Öldruðu fólki fjölgar um þrjú til fjögur prósent á ári næstu áratugina samkvæmt mannfjöldaspám:
Borga meira fyrir þjónustu í framtíðinni
PÉTUR
GUÐMUNDSSON
FERÐAÞJÓNUSTA Áætlað er að um
100 þúsund ferðamenn hafi komið í
Fjallabyggð árið 2013. Það þýðir 50
prósenta aukningu frá árinu 2010.
Þetta kemur fram í samantekt sem
unnin var fyrir sveitarfélagið.
Markaðs- og menningarnefnd
Fjallabyggðar segir samantektina
varpa góðu ljósi á gífurlega fjölgun
ferðamanna í Fjallabyggð og á
mikla þýðingu Héðinsfjarðarganga
fyrir ferðamannastraum til Siglu-
fjarðar og Ólafsfjarðar. Mikilvægt
sé að bæjarfélagið komi enn betur
til móts við ferðaþjónustuna með
bættri aðstöðu, upplýsingum og
merkingum. - gar
Áhrif Héðinsfjarðarganga:
Sífellt fleiri til
Fjallabyggðar
SIGLUFJÖRÐUR Fimmtíu prósent
fjölgun ferðamanna á þremur árum.
FRÉTTABLAÐIÐ/PJETUR
STJÓRNMÁL Þing Norðurlanda-
ráðs hefst í Stokkhólmi á morgun.
Helstu mál til umræðu á Norður-
landaráðsþinginu eru leiðtoga-
fundur norrænna forsætisráð-
herra, nýting sameiginlegra
fiskstofna, viðurkenning Palest-
ínu sem sjálfstæðs ríkis, norrænt
sambandsríki og framkvæmd
tilskipana Evrópusambandsins.
Verðlaun Norðurlandaráðs verða
veitt í ráðhúsinu í Stokkhólmi í
tengslum við þingið. Hlé er gert
á fundum Alþingis í þessari viku
vegna Norðurlandaráðsþingsins.
Alþingi kemur næst saman til
fundar 3. nóvember. - jme
Þing Norðurlandaráðs sett:
Viku fundarhlé
á Alþingi
VEISTU SVARIÐ?
NÝ UPPLÝSINGASÍÐA UM FJÁRMÁL Á LÍFEYRISALDRI
Íslandsbanki | Kirkjusandi | 155 Reykjavík | Sími 440 4900 | vib@vib.is facebook.com/VIB.stofan | @vibstofan | www.vib.is
HOLLRÁÐ VIÐ
STARFSLOK
Fjármál flækjast til muna þegar taka lífeyris hefst. Starfsfólk VÍB hefur sérhæft sig í fjármálum
í aðdraganda og kjölfar starfsloka. Við höfum sett upp einfalda vefsíðu þar sem leitast er við
að svara áleitnum spurningum er kunna að brenna á fólki á þessum tímamótum.
» Hvernig eru greiðslur og skerðingar Tryggingastofnunar?
» Hvernig og hvenær ætti ég að taka út séreignarsparnaðinn minn?
» Hvað þarf ég að vita varðandi skattkerfið?
» Hvaða áhrif hefur ávöxtun sparifjár?
Kynntu þér málið á vib.is/60 eða bókaðu fund þér að kostnaðarlausu í síma 440 4900.