Akureyri - 08.05.2014, Page 12

12 17. tölublað 4. árgangur 8. maí 2014
AÐSEND GREIN EDWARD H. HUIJBENS
Bæjarmyndin til framtíðar
– græna Akureyri
Í stefnuskrá vinstrihreyfingarinnar
græns framboðs (VG) á Akureyri er
lögð fram skýr sýn á þróun Akureyr-
ar til framtíðar í þágu fjölbreyttra
samgöngumáta, þar sem fólki er gert
kleift að komast sinna ferða gang-
andi, hjólandi, með barnavagna eða
í hjólastól. Til þess að svo megi verða
þarf byggðin að vera þétt. Þjónusta,
vinnustaðir og skólar þurfa að vera
í hjarta hverfanna og skipulögð
þannig að fjölbreytt aðgengi sé að
þeim, ekki bara fyrir bíla.
Byggðin á Akureyri er byrjuð að
bera þess merki að hún dreifist um of.
Nýtt Hagahverfi er nýjasta birtingar-
mynd þess. Á þessari útþenslu vilj-
um við hægja og þess í stað hefja
uppbyggingu á skipulögðum reitum
miðbæjarins og Drottningarbrautar-
reits og hefja af krafti skipulag og
uppbyggingu byggðar á Oddeyrinni.
Til langrar framtíðar er sýn okkar sú
að starfsemi vöruflutninga og stærri
hafnsækin starfsemi verði á Dysnesi,
eins og lýst er í svæðisskipulagi og
Oddeyrartangi verði hafnarhverfi.
Skipulag nýrra hverfa á að okkar
viti að byggja á hugmyndafræði mið-
bæjarskipulags sem nú er verið að
samþykkja, þar sem íbúðir blandast
smærri verslun og þjónustu í grænu
og gönguvænu umhverfi og húsa-
myndir hafa yfirbragð eldri húsa,
sem Akureyri er þekkt fyrir.
Þétting byggðar og uppbygging
fjölbreyttra samgöngumöguleika
er undirstaða grænnar Akureyrar.
Í fyrsta lagi að gera fólki frekar
kleift að fara gangandi eða hjólandi
minnkar hávaða, dregur úr mengun
af völdum útblásturs og svifryks og
stækkar græn svæði, þar sem minna
fer undir malbik. Akureyri er í okk-
ar huga eitt stórt grænt svæði. Þau
eiga ekki að vera aðskilin götum
og byggingum á sérmerktum reit-
um, heldust blandast byggð og fjöl-
breyttum samgönguleiðum. Í öðru
lagi stuðlar þétting byggðar að
hagkvæmni í uppbyggingu innviða
og bættri nýtingu þeirra. Vatnsveita,
fráveita og rafmagn þarf að leiða um
skemmri veg og dreifi- og dælustöðv-
ar verða færri og öflugri. Þetta dregur
úr sóun og tapi á þessum verðmætu
auðlindum sem heitt og kalt vatn
og rafmagn eru. Það að þétta byggð
gerir uppbygginu fráveitu hagkvæm-
ari, en uppbygging hennar og öflugra
hreinsimannvirkja teljum við í VG
forgangsmál og höfum talað fyrir í
nú rúm 12 ár. Í þriðja lagi viljum við í
VG gera fólki kleift að ganga og hjóla
þar sem það stuðlar að bættri lýð-
heilsu þar sem það eykur möguleika
fólks á að hreyfa sig. Heilsa og um-
hverfisvernd þættast þannig saman
við skipulag byggðar á Akureyri og
því viljum við í VG hafa þessa þætti
í forgrunni þegar skipulagsmál eru
rædd á Akureyri.
Í huga okkar í VG er bæjarmynd
Akureyrar til framtíðar þétt byggð
með hlýlegu yfirbragði. Þar á fólk
að getað notið vandaðrar hönnunar,
gangandi, hjólandi eða á hægri bíl-
ferð umlukið gróðri í grænum skrúða
vors og sumars, hvítum kjólum vetr-
ar eða litadýrð haustsins.
Höfundur skipar 2. sætið á fram-
boðslista VG á Akureyri fyrir kom-
andi sveitarstjórnarkosningar
AÐSEND GREIN JÓN ÞORVALDUR HEIÐARSSON
Er hann náttúruverndarsinni?
Hann notar handsláttuvél, honum
finnst ekki verjandi að brenna bens-
íni til að slá garðinn. Honum finnst
þó koma til greina að nota rafmagns-
sláttuvél.
Hann sleppir aldrei terpentínu
út í náttúruna en hann þarf stund-
um að nota terpentínu til að hreinsa
pensla. Hann nýtir sér að terpentín-
an hreinsar sig sjálf ef hún stendur
nógu lengi, málningin sest til botns,
hann er því með nokkrar flöskur og
hellir á milli eftir þörfum.
Hann hengir allan þvott á snúru í
stað þess að nota þurrkara. Til hvers
að nota dýrmæta orku heimsins til
að þurrka eitthvað sem þornar af
sjálfu sér á nokkrum klukkutímum?
Þvílík orkusóun! Almennt er sóun
eitur í hans beinum, sérstaklega sóun
á orku.
Hann á hóflegan fjölskyldubíl
sem gengur fyrir bensíni. Hann
er mjög áhugasamur um að kaupa
metanbíl þegar það verður val-
kostur. Hann vill sem minnst vera
ábyrgur fyrir brennslu jarðefna-
eldsneytis. Hann styður háa skatta
á það. Honum finnst holur hljómur
í náttúruverndarmálflutningi þeirra
sem snattast innanbæjar á 3 tonna
bensínbílum.
Hann telur að það væri til
þæginda að eiga annan bíl til nota
innanbæjar, en það þyrfti þá helst
að vera rafmagnsbíll eða jafnvel raf-
magnsvespa. Innanbæjar skiptir lítil
drægni ekki máli. En honum finnst
líka góður kostur að ganga, hjóla
eða taka strætó.
Hann er reyndar á nagladekkj-
um á veturna því hann treystir
ekki nægilega öðrum lausnum. En
hann er með vetrardekkin á sér
felgum og tekur þau strax und-
an að vori um leið og götur eru
orðnar auðar. Ef tíðin breytist og
vetraraðstæður myndast aftur set-
ur hann vetrardekkin einfaldlega
undir aftur. Það er smá verk en í
sjálfu sér lítið mál.
Hann er hrifinn af rafmagnsbílum
og öðru sem má knýja með rafmagni
því honum finnst að rafmagnið sem
framleitt er í virkjunum landsins sé
umhverfisvænt. Í raun finnst hon-
um vatnsaflið vera frábær leið til að
framleiða orku. Hann er eiginlega
skotinn í vatnsafli. Hann vonar að
með sæstreng til Skotlands verði
óumdeilt að íslensk orka sé örlítið
lóð á vogarskál orkumála heimsins
og minni kolefnislosunar.
Hann telur samfélagslega skyldu
sína að flokka ruslið sem best. Hann
hafði lengi beðið eftir því að lífrænt
sorp yrði meðhöndlað sérstaklega.
Að sama skapi er hann sár og reið-
ur þegar hann sér virðingarleysi
annarra fyrir sorpflokkun, t.d. þegar
plasti er hent inn í söfnunargám fyrir
pappír. Verst þykir honum þegar fólk
hendir rusli á víðavangi. Honum
finnst það alveg ömurlegt, þá sýður
á honum. Hins vegar finnur hann til
einhverrar þrjósku að fara og tína
þetta rusl, honum finnst að aðrir eigi
ekki að geta hent rusli á víðavangi
í trausti þess að hann eða aðrir tíni
það upp.
Hann tekur sem minnst af inn-
kaupapokum í búðum. Þegar hann
verslar fer hann með innkaupapoka
með sér. Hann lítur upp til þeirra
sem hafa sleppt plastpokunum alveg
og nota eingöngu innkaupatöskur.
Hann telur það almennt í þágu
umhverfisins að nýta hluti vel. Hann
vill nýta föt sem best og vill helst
nota þau þar til þau eru nánast gat-
slitin. Af þessum sökum kemst hann
stundum í kast við tískulögregluna
þegar hann er í fötum sem eru ekki
alveg eftir nýjustu straumum. En
hann lætur það yfir sig ganga.
Alveg frá barnsaldri hefur það
verið honum runnið í merg og bein að
það væri eitthvað mjög rangt við það
að henda mat. Hann vill ekki kaupa
mat til að henda honum. Það finnst
honum óverjandi sóun. Hann er eig-
inlega hálfgerður matarrusladallur
á heimilinu. Borðar það sem aðrir
vilja ekki. Hann kann sér samt hóf,
hann er ekki hlaupinn í spik, enda
fyndist honum það einnig vera sóun
að borða meiri mat en hann þarf.
Honum finnst skelfilegt að heyra að
30% af öllum mat á Íslandi sé hent.
Þar hlýtur þjóðin að geta gert betur
hugsar hann.
En hvað má segja um þennan
mann? Er hann græningi? Er hann
náttúruverndarsinni?
Hann myndi jaðra við það að
teljast græningi ef hann byggi á
meginlandi Evrópu. Þ.e. teljast
náttúruverndarsinni. En það er svo
skrýtið að á Íslandi er hann ekki
settur í þann flokk. Á Íslandi hefur
nefnilega mælikvarðinn á náttúru-
vernd verið að vera á móti virkjunum.
Þeir sem eru á móti virkjunum eru
náttúruverndarsinnar en aðrir ekki.
Virkjanaumræðan hefur verið svo
fyrirferðarmikil að allt annað sem
fólk getur lagt af mörkum í daglegu
lífi hefur oft fallið í skuggann.
Ég er samt náttúruverndarsinni
hugsar hann, hvað sem þið segið!
Höfundur er lektor við HA og
skipar 6. sæti á lista BF til sveitar-
stjórnarkosninga á Akureyri
AÐSEND GREIN ODDUR HELGI HALLDÓRSSON
Fjárhagur Akureyr-
ar er mjög traustur
Við lok kjörtímabils og framlagningu
ársreikning fyrir 2013 er verðugt
að bera saman tölurnar á milli árs-
reikninga 2009 og 2013, eða hvernig
þróunin hefur verið á kjörtímabilinu.
Ljóst var strax að mjög mikil
aukning yrði á útgjöldum bæjar-
ins, þar sem þrjú stór mannvirki
voru tekin í notkun árið 2010. Þetta
eru Hof, Íþróttasvæðið á
Þórsvelli og Fimleikahús
við Giljaskóla. Þessi þrjú
mannvirki kalla á árlegan
kostnaðarauka í rekstri upp
á um 500 milljónir.
Það var alveg ljóst að í
kjölfar hrunsins yrði erfitt að
ná endum saman í rekstrin-
um, en með mikilli aðhalds-
semi og þrautseigju starfs-
fólks hefur tekist að halda uppi góðu
þjónustustigi í bænum. Reynt var að
hlífa fræðslu og velferðarmálum við
hagræðingu eins og hægt var. Má
segja að það hafi tekist, en samt hef-
ur heldur ekki tekist að bæta þar í.
Eru fjárframlög til þessara tveggja
stærstu málaflokka nánast á pari
við framlög 2009 á verðlagi ársins.
Við lögðum strax höfuðáherslu á það
við áætlun verklegra framkvæmda að
kostnaðaráætlanir væru raunhæfar og
að þær ættu að standast. Oft var það
mikil vinna að sjá til þess að áætlanir
stæðust og það hefur tekist við flestar
framkvæmdir. Nefni ég hér þær helstu:
Kostnaður við Hjúkrunarheimilið
Lögmannshlíð var áætlaður um 1200
milljónir, en kostnaður varð um 1100
milljónir.
Við erum búinn að leggja í áfram-
haldandi uppbyggingu Naustaskóla
um 1 milljarð frá 2010 og er það í
samræmi við áætlanir.
Áætlanir um gervigrasvöll á KA-
-svæði gerðu ráð fyrir 260 milljónum.
Raunin varð rétt tæpar 260 milljónir.
Að kaupa Húsmæðraskólann og
breyta honum fyrir núverandi starf-
semi átti að vera um 200 millj-
ónir. Raunin varð 204 milljónir.
Okkur hefur tekist að
afsanna það sem áður var
talið allt að því ófrávíkjan-
leg regla að opinberar fram-
kvæmdir fari alltaf langt
fram úr áætlunum.
Við áramót 2009-2010
voru skuldir bæjarins 23,5
milljarðar. Framreiknaðar
til verðlags um áramót 2013-2014
með neysluverðsvísitölu er núvirði
þessara skulda um 27,5 milljarðar.
Skuldir bæjarins í árslok 2013
eru 23,3 milljarðar. Við höfum því
lækkað raunskuldir bæjarins um
rúma 4 milljarða eða amk 15%.
Samkvæmt reglum um fjár-
hagsleg viðmið sveitarfélaga, mega
skuldir, sem hlutfall af tekjum ekki
fara yfir 150%. Þetta hlutfall hefur
breyst hjá okkur frá því að vera yfir
140% árið 2009 í það að vera 112%
árið 2013.
Af framansögðu er því ljóst að
fjárhagsstjórnun bæjarins hefur
verið mjög góð á kjörtímabilinu og
fjárhagur bæjarins er mjög traustur.
Höfundur er bæjarfulltrúi
L-listans
„
ODDUR HELGI
HALLDÓRSSON
Honum finnst skelfilegt að heyra
að 30% af öllum mat á Íslandi sé
hent. Þar hlýtur þjóðin að geta
gert betur hugsar hann.Jón Þorvaldur Heiðarsson
Byggðin á Akureyri
er byrjuð að bera
þess merki að hún
dreifist um of. Nýtt
Hagahverfi er nýjasta
birtingarmynd þess.
EDWARD H. HUIJBENS