Akureyri - 08.05.2014, Page 13

8. maí 2014 17. tölublað 4. árgangur 13
AÐSEND GREIN SÓLEY BJÖRK STEFÁNSDÓTTIR
Við getum breytt
kerfinu
“Þetta fyrirkomulag er í hróplegu
ósamræmi við niðurstöður kosninga
og þar með vilja kjósenda”
Í vor munu sjö flokkar bjóða fram
til bæjarstjórnar hér á Akureyri og
ljóst er að allir frambjóðendur vilja
vinna bænum okkar gagn
þó skiptar skoðanir séu um
hvernig það sé best gert. Um
leið eru pólitískar línur að
óskýrast þar sem hluti flokk-
anna leggur ekki upp með
skýrar pólitískar hugsjónir
heldur frekar að um sé að
ræða hóp ólíkra einstaklinga
sem hver fyrir sig taki af-
stöðu í málum og málefnum
samkvæmt sinni persónulegu póli-
tísku skoðun þó reyndar hafi ekki
borið á slíku í hreinum meirihluta
L-listans síðastliðið kjörtímabil.
Svo það er greinilega ekki nóg. Þess
vegna er mikilvægt að efla samræðu-
og samvinnustjórnmál og velta upp
nýjum möguleikum til þess.
Við í VG viljum afleggja hefð-
bundna skiptinu í meirihluta og
minnihluta en þess í stað vinni
allir bæjarfulltrúar saman. Þannig
höldum við eðlilegra valdajafnvægi
í samræmi við niðurstöður kosninga.
Staðreyndin er þó sú að stór hluti
vinnunar fyrir bæjarbúa fer fram
í nefndum. Þar hefur meirihluta-
hópurinn hingað til eignað sér valda-
mesta embætti í hverri nefnd; for-
mennskuna. Þetta fyrirkomulag er í
hróplegu ósamræmi við niðurstöður
kosninga og þar með vilja kjósenda.
Sem dæmi má nefna að í kosningum
2010 hlaut L-listinn 45% atkvæða en
skipar 100% nefndarformanna. Við
leggjum til að nefndarformönnum og
nefndarmönnum verði skipt niður á
flokkana í samræmi við útkomu úr
kosningum sem.
Auk þessa er mikilvægt að
auka aðkomu íbúa að umræðu
og ákvörðunum. Fyrsta skrefið að
þessu bætta lýðræði er að auka
upplýsingagjöf um það sem fram
fer í stjórnsýslunni. Það þýðir ekki
að ætlast sé til að allir bæjarbú-
ar kynni sér öll mál sem tekin eru
til umræðu heldur að þeir
bæjarbúar sem áhuga hafa
eigi greiðlega aðgengi að
þeim gögnum sem liggja til
grundvallar ákvarðanatöku.
Með þessu eiga íbúarnir auð-
veldara með að beita virku
aðhaldi. Við leggjum til að
öll gögn sem bæjarfulltrúar
fá í hendur við umræðu um
málefni í nefndum og ráðum
séu gerð opinber með fundargerðum
innan marka persónuverndar og við-
eigandi laga.
Í vikunni bárust þær fréttir að
CCP hefði í ársreikningi sínum birt
upplýsingar um alla hluthafa í fé-
laginu. Þetta hefur víst ekki gerst
áður hjá stórfyrirtæki á Íslandi.
Þetta er mikilvægur liður í auknu
upplýsingaaðgengi og til mikillar
fyrirmyndar og vonandi að fleiri fylgi
eftir. Það er nefninlega þannig að
það þarf bara að ríða á vaðið, ekki
bara afsaka sig með því að þetta eða
hitt tíðkist ekki. Það eru ekki gild
rök í umræðunni um aukið aðgengi
að gögnum.
Einn liður í betra upplýsingaflæði
milli bæjarkerfis og bæjarbúa er að
haldið sé úti upplýsingagátt þar sem
íbúar hafa tækifæri til að koma að
ákvarðanatöku, forgangsröðun og
til að afla sér upplýsinga án mikill-
ar fyrirhafnar. Bæjarkerfið þarf að
taka frumkvæði í upplýsingagjöf til
íbúanna sem það þjónustar. Þetta er
pólitísk stefna okkar í VG.
Höfundur skipar fyrsta sæti á
lista VG til sveitarstjórnarkosninga.
AÐSEND GREIN MATTHÍAS RÖGNVALDSSON
Við viljum aukna nýsköpun
Fjölbreytt atvinnulíf er hverju
sveitarfélagi nauðsynlegt. Eins og
dæmin sanna á okkar góða landi, þá
kann það ekki góðri lukku að stýra
að treysta um of á eina atvinnugrein.
Heilu byggðirnar eiga undir högg
að sækja þegar undirstöðugreinin
eina missir fótanna og oftar en ekki
eru það sjávarútvegsfyrirtæki sem
um ræðir.
Við Akureyringar erum þeirrar
gæfu aðnjótandi að búa við fjölbreytt
atvinnulíf. Hér eru starfandi öflug
sjávarútvegsfyrirtæki, gamalgróin
iðnfyrirtæki, blómleg framleiðsla,
fjölmiðlar og menningarstarfsemi
af ýmsum toga svo fátt eitt sé nefnt,
auk þess sem ferðaþjónustunni hefur
mjög vaxið fiskur um hrygg á undan-
förnum misserum.
Í nýrri atvinnustefnu Akureyrar-
bæjar sem samþykkt var samhljóða
undir forystu L-listans og skoða má
á vef bæjarins er að finna greiningu á
stöðunni eins og hún er í dag, en þar
er einnig að finna þær leiðir sem við
viljum fara til að gera gott enn betra.
Unnið er út frá sex lykilþáttum:
1. Rannsóknir og menntun
2. Ferðaþjónusta, verslun og
almenn þjónusta
3. Iðnaður, sjávarútvegur og
hefðbundnar atvinnugreinar
4. Lýðheilsa, heilbrigði og
umhverfismál
5. Menning og skapandi greinar
6. Stjórnsýsla og
stuðningsstofnanir
Okkar markmið er að samspil
þessara lykilþátta efli allt atvinnu-
líf og skapi bæjarbúum „öll lífsins
gæði“ þar sem þeir geta notið fram-
úrskarandi menningar, heilbrigðs
lífsstíls og fjölbreytilegra valkosta
í atvinnulífinu, jafnt hefðbundinna
sem nýstárlegra.
Sem mikill áhugamaður um at-
vinnumál og nýsköpun hef ég tek-
ið virkan þátt í nefndarstarfi sem
snýr að atvinnumálum á Akureyri
undanfarin ár. Ég hef þó ekki látið
þar við sitja, heldur er ég líka einn
af stofnendum Atvinnu- og nýsköp-
unarhelgarinnar, ANA, sem haldin
er árlega á Akureyri og hefur síðan
orðið fyrirmynd sambærilegra upp-
ákoma víða um land.Yfir 300 aðilar
hafa tekið þátt í ANA á Akureyri og
tugir sjálfboðaliða komið að fram-
kvæmdinni. Fleiri þúsund vinnutím-
ar hafa farið í þessar skemmtilegu
helgar undanfarin ár og ég leyfi mér
að fullyrða að þeir hafi verið hverrar
mínútu virði og ríflega það.
Í aðdraganda kosninga eru at-
vinnumálin ávallt áberandi, sem
eðlilegt er. Hefðin virðist mæla fyr-
ir um að aðkoma sveitarfélaga að
atvinnumálunum eigi og megi ekki
vera með beinum hætti, þ.e., sveitar-
félögin eigi aðeins að skapa frjóan
jarðveg fyrir einkafyrirtæki til að
vaxa í og dafna en fyrirtækin sjálf
eigi að sjá um eftirleikinn.
Í grunninn er ég sammála þessu
en þar sem nýsköpun er annars vegar
vil ég þó ganga lengra. Við í L-list-
anum viljum feta nýjar slóðir þegar
kemur að nýsköpun, með beinni
aðkomu sveitarfélagsins. Við viljum
koma á laggirnar Nýsköpunarhúsi
sem styður dyggilega við bakið á
frumkvöðlum með góðar hugmyndir.
Slíkt framtak kostar vissulega
peninga en ef rétt er að málum staðið
mun slík fjárfesting skila sér marg-
falt aftur til sveitarfélagsins með
fjölmörgum og fjölbreytilegum störf-
um, enda sanna dæmin að nýsköp-
unarfyrirtæki nútímans eru ekki
síður arðbær en hin hefðbundnu.
Nægir þar að nefna dæmi á borð
við Marel, Össur, Quizup, Meniga.is
og svo mætti lengi áfram telja.
Í atvinnumálunum gildir að hafa
mörg og mismunandi egg í mörgum
og mismunandi körfum – og hlúa vel
að þeim öllum!
Höfundur er oddviti L-listans.
AÐSEND GREIN INGIBJÖRG ISAKSEN
Ánægjulegt ævikvöld
Á komandi árum mun hlutfall bæj-
arbúa sem teljast til eldri borgara
aukast hægt og bítandi. Við sem sam-
félag þurfum að velta fyrir okkur
hvernig hægt er að bæta lífsgæði
þessa aldurshóps. Margt bendir til
þess að heilsa eldri borgara í fram-
tíðinni verði betri en áður hefur verið
vegna bættra lífskjara, úrræða heil-
brigðisþjónustu almennt, betri fjár-
hags og möguleika til líkamsræktar.
Það hlýtur að vera markmið samfé-
lagsins að sem flestir geti notið eldri
áranna sem best. Akureyrarbær
þarf í þessu samhengi að endurskoða
áætlanir hvað varðar búsetuúrræði
eldri borgara með markvissum hætti
í þeim tilgangi að til séu viðeigandi
úrræði í þessum málaflokki sem
öðrum. Það þarf að auðvelda þeim
sem hafa heilsu, getu og áhuga til að
stunda útivist, sinna áhugamálum og
sækja þjónustu á vegum bæjarins.
Ef fjárhagur er knappur er vert að
skoða hvaða leiðir þarf að fara til að
auðvelda eldri borgurum að sækja
þá þjónustu sem greiða þarf fyrir.
Ánægjulegt ævikvöld hlýtur með-
al annars að innifela möguleikann
á að geta valið sér tómstundir og
dægradvöl við hæfi.
Langtímaátak í heilsueflingu eldri
borgara
Betri heilsa eldri borgara eykur líkur
á því að einstaklingar geti lifað sjálf-
stætt og án utanaðkomandi aðstoð-
ar. Því viljum við auka heilsueflingu
aldraðra með langtímaátaki. Í því
felst meðal annars að fela íþróttaráði
að kanna alla hugsanlega möguleika
til að bæta aðgengi að íþróttamann-
virkjum bæjarins. Í kjölfarið er
hægt að skoða möguleikann á því að
stofna íþróttafélag aldraðra sem hef-
ur það að leiðarljósi að auka hreyf-
ingu og bæta heilsu þessa aldurshóps
í samvinnu við Félag eldri borgara
og íþróttaráð.
Tómstundastyrkur
Við framsóknarfólk á Akureyri vilj-
um bjóða upp á tómstundastyrk fyrir
eldri borgara á svipaðan hátt og gert
er fyrir ungmenni í flestum sveitarfé-
lögum landsins. Margvíslegar leið-
ir eru til þess að fjölga möguleik-
um eldri borgara til tómstunda og
heilsubætandi hreyfingar miðað við
getu hvers og eins. Sem dæmi má
nefna golf, sund, íþróttatíma und-
ir handleiðslu fagfólks, gönguhópa
o.s.frv.
Við styðjum hugmyndir Félags
eldri borgara um Öldungaráð sem
verði stefnumótandi við skipulag
mála sem varða eldri borgara Ak-
ureyrar.
Þessi atriði ásamt fleirum er hluti
af okkar leiðum til að gera góðan
bæ betri.
Höfundur skipar 2. sæti lista
Framsóknarflokksins til bæjarstjórn-
arkosninga.
SÓLEY BJÖRK
STEFÁNSDÓTTIR
Það þarf að auðvelda þeim sem hafa
heilsu, getu og áhuga til að stunda
útivist, sinna áhugamálum og sækja
þjónustu á vegum bæjarins.Ingibjörg Isaksen
... enda sanna
dæmin að
nýsköpunar­
fyrirtæki nútímans
eru ekki síður arðbær en
hin hefðbundnu
MATTHÍAS RÖGNVALDSSON