Akureyri - 12.06.2014, Side 10

10 22. tölublað 4. árgangur 12. júní 2014
VILTU SEGJA SKOÐUN ÞÍNA?
Akureyri vikublað óskar eftir að komast í samband við bæjabúa sem
sjaldan eða aldrei hafa veitt viðtöl en væru til í að segja skoðun sína í
blaðinu eða veita stutt viðtöl. Vinsamlegast sendið okkur tölvu-
póst á bjorn@akureyrivikublad.is eða hringið í síma 862 0856.
LOF OG LAST VIKUNNAR
„Í Lofi og lasti vikunnar í blaðinu fyrir
þremur vikum birtist LAST á konu sem
vildi sjálf biðjast afsökunar á samskiptum
sínum við ófrísku konuna sem var við
Akureyrarsundlaug/íþróttahús nýverið. Ég
get ekki annað en tekið það beint til mín.
Mig langar mikið til að fá að LOFA
þessa sömu konu fyrir afsökunarbeiðn-
ina og þakka henni fyrir. Ég óska henni
alls hins besta. Kveðja, ófríska konan við
Akureyrarsundlaug,“ skrifar kona í bréfi til
blaðsins.
Mig langar að LOFA góða þjónustu í
Centró tískuverslun hjá henni Vilborgu,
segir kona sem hafði samband við blaðið.
Hún var búin að leita um allan bæ á Akur-
eyri að höfuðfati fyrir krabbameinssjúkling
en fann ekkert. Vilborg í Centró brást við
er hún heyrði af málinu, pantaði margar
gerðir og bauð konunni að koma og
skoða, bauðst einnig til að panta meira og
það sem meira var: „Hún opnaði fyrir mig
búðina bara út af þessu, utan hefðbund-
ins afgreiðslutíma. Þetta kalla ég frábæra
þjónustu og mér finnst um að gera að láta
þetta berast,“ segir konan...
LAST fær Menntaskólinn á Akureyri
vegna hárrar gjaldtöku á upptökuprófum.
Svo skrifar „pirruð móðir“. Hún segir að
hvert upptökupróf kosti 8000 krónur.“
Ég sjálf á barn sem þarf í upptökupróf,
en sem dæmi er einstaklingur í bekk míns
barns sem þarf í 3 upptökupróf og er bara
ekki víst að allir foreldrar megi við þessum
aukakostnaði. Öll börn eiga að mínu mati
að hafa kost á upptökuprófum, óháð
efnahag fjölskyldunnar. Annað sem má
LASTA skólann fyrir er kaup á gömlum
prófum, en þau kosta 500 krónur. Í t.d.
Háskólanum á Akureyri eru þessi próf sett
á vef skólans og nemendur geta þá sjálfir
prentað út ef þeir vilja og kostar það þá
10 - 15 krónur ef prentað er út í skólan-
um.
Vil endilega koma þessu á framfæri
því ég er komin með upp í kok af þessu
endalausa peningaplokki út um allt í þessu
þjóðfélagi,“ skrifar pirraða móðirin.
AKUREYRI VIKUBLAÐ 22. TÖLUBLAÐ, 4. ÁRGANGUR 2014
ÚTGEFANDI Fótspor ehf. ÁBYRGÐARMAÐUR Ámundi Ámundason 824 2466, amundi @ fotspor.is.
FRAMKVÆMDASTJÓRI Ámundi Steinar Ámundason, as @ fotspor.is.
AUGLÝSINGASTJÓRI Ámundi Steinar Ámundason, as @ fotspor.is. 578-1193.
RITSTJÓRI Björn Þorláksson, bjorn @ akureyrivikublad.is, 862 0856 MYNDIR Björn Þorláksson, Völundur Jónsson og fleiri.
UMBROT Völundur Jónsson PRENTUN Ísafoldarprentsmiðja - Svansmerkt prentun. DREIFING
14.500 EINTÖK ÓKEYPIS – UM ALLT NORÐURLAND
Egg andanna þykja hnossgæti
Löng hefð er fyrir því að Mývetningar
nytji varp anda. Mikl gróska er sögð
í fuglalífi í sveitinni þessa dagana og
var glampi í augum heimafólks í Vog-
um þegar eggjum var skipt í hluti eftir
bæjum. Þeir sem kunna að nytja anda-
varp skilja hverja önd eftir á hæfilega
mörgum eggjum til að hámarka líkur
á að ungar þeirra komist upp en oft
verpa margar endur í sama hreiðrið
og þarf þá að grisja verulega. Þar sem
eggin þykja hnossgæti segja heima-
menn þetta eitt af indælustu verkum
hverrar sumarbyrjunar. a
Mikið listfengi við erfiðar
aðstæður hjá leikfélaginu
Uppfærsla Leikfélags Akureyrar á
Gullna hliðinu eftir Davíð Stefánsson
verður gestasýning í Borgarleikhúsinu
í haust. Sýningin vakti mikla athygli
hér á Akureyri síðasta vetur og fékk
mikið lof gagnrýnenda og er tilnefnd
í sjö flokkum til Grímuverðlauna, sem
sýning ársins, leikstjóri ársins, leik-
kona ársins og fyrir tónlist, búninga,
lýsingu og sviðsmynd.
Það er Egill Heiðar Anton Pálsson
sem leikstýrir verkinu. Hljómsveitin
Eva skipuð þeim Sigríði Eir Zophoní-
asardóttur og Jóhönnu Völu Höskulds-
dóttur sömdu nýja tónlist við verkið,
um sviðsmynd og lýsingu sá Egill Ingi-
bergsson, búninga Helga Mjöll Odds-
dóttir en aðalhlutverk leika Aðalbjörg
Árnadóttir, Hannes Óli Ágústsson,
Hilmir Jensson, María Pálsdóttir. Þá
fékk Söngur hrafnanna eina tilnefn-
ingu til Grímunnar.
Ragnheiður Skúladóttir leikstjóri
segir þetta mikla viðurkenningu fyr-
ir Leikfélag Akureyrar og starfsfólk
þess. „Þetta er hvatning til leikhússins
að halda áfram að framleiða gæðaleik-
list sem kætir og bætir. Þó að erfitt hafi
verið í ári hjá leikhúsinu undanfarið
eru þessar tilnefningar og viðbrögð
áhorfenda til merkis um að þrátt fyrir
allt hafi tekist að vekja mikil viðbrögð
og áhuga á starfsemi Leikfélags Akur-
eyrar.“
Spurð um óvissu framtíðar Leikfé-
lags í kjölfar hallarekstrar undanfarið
segir leikhússtjóri: „Það er aukaaðal-
fundur hjá LA 19. júní. Efni fundar-
ins er að kynna skýrslu samráðshóps
LA, SN og MH um fyrirhugaðan sam-
rekstur félaganna þriggja. Vonir standa
til að einnig verði hægt að kynna á
þeim fundi starfsemi næsta árs. a
Á MYNDINNI ERU Ólafur Stefánsson býflugnabóndi, Ólöf Hallgrímsdóttir frumkvöðull í ferðaþjónustu og eigandi Vogafjóss, Sólveig
Pétursdóttir listakona með meiru og Ari Gunnarsson sem nýtti hvítasunnuhelgina í fermingu.
Háskólinn – flagg-
skip Norðurlands
Hermt hefur verið að dauði og djöfull einkenndi e.t.v. atvinnu- og vitsmunalíf á Akureyri ef ekki nyti við
tveggja „stofnana“, annars vegar Háskólans á Akureyri
og hins vegar Samherja. Þetta er umdeild staðhæfing
en ég hef fylgst með þróun Háskólans á Akureyri sem
fréttamaður allt frá stofnun og einnig stundað nám við
skólann – ekki alls fyrir löngu. Í stuttu máli er niðurstaða
mín að mikilvægi Háskólans á Akureyri sé vanmetið
á landsvísu og ekki síst í eigin heimabyggð, Akureyri.
Þegar umsóknarfrestur rann út í síðustu viku höfðu
1082 umsóknir um skólavist borist HA. Þetta er mesti
fjöldi umsókna frá stofnun skólans. Ein deild skorar þar
hæst í vinsældastökki milli ára. 82ja% prósenta aukning
er í grunnnám í fjölmiðlafræði, en svo skemmtilega vill til
að hægt væri að kenna sérstakt námskeið um fjölmiðla og
Samherja og gæti þar margt áhugavert komið á daginn.
Einnig sækja fleiri um en í fyrra í sjávarútvegsfræði,
líftækni, sálfræði, félagsvísindum, hjúkrunarfræði og í
kennaradeild, þar sem aukningin er veruleg eða um 60%.
Næsta laugardag verða útskrifaðir frá Háskólanum
á Akureyri yfir 300 nemendur. Sá sem hér skrifar var í
útskriftarhópnum fyrir tveimur árum. Það var gleðidagur,
því gæði námsins höfðu komið mér á óvart. Fjölþættur
bakgrunnur kennara nýttist mjög vel. Kennarar komu
frá ýmsum heimshornum, sumir fyrirlestranna fóru fram
á ensku, námsefnið reyndi á fjölþætta ástundum og
námskröfur voru ágætar. Allir sem lögðu vinnu í námið
voru líklegir til að komast yfir hindranir en enginn fór
dansandi diskó í gegn. Kennarar skólans voru boðnir
og búnir til að veita ráðgjöf og liðveislu. Vísanir þeirra
á heimildir voru mjög áhugaverðar. Nemi í grunnnámi í
háskóla er eins og á sundi í miðju Atlantshafinu. Hlut-
verk kennara er að kasta til hans litlum flotholtum og
siglingartækjum svo hann komist yfir hafið og fari að
læra á hvernig svamla skuli í menntasjónum. Stundum er
hafið lygnt en stundum úfið. Að njóta leiðsagnar kennara
sem koma utan frá, hafa menntað sig í nágrannalöndum
og færa svo heim til Akureyrar dýnamíska alþjóðlega
strauma er hreinlega ómetanlegt fyrir nemendur.
Í opnuviðtali blaðsins í dag er rætt við dósent í
kennaradeild við Háskólann á Akureyri. Dósentinn
bendir á að skólar eins og HA hafi skyldur við nær-
samfélag ekki síður en heimsbyggðina alla. Dósentinn
rekur byggðalegt mikilvægi skólans en sannað þykir að
byggðaröskun hefði orðið meiri ef framsýnit fólk hefði
ekki komið HA á fót fyrir ekki svo löngu síðan.
Háskólinn á Akureyri hefur fjöregg ungs fólks í hendi
sér og vel þarf að hlúa að stofnuninni svo eggin brotni
ekki. HA er enginn sveitaskóli þótt hann sé staðsettur
utan höfuðborgarsvæðisins. Þvert á móti er sumt sem
bendir til að HA sé heimsborgarleg stofnun sem hafi
sérstaka þýðingu í byggðalegu tilliti. Tryggja þarf sjálf-
stæði skólans og fjárhagslegar bjargir um alla tíð. En það
þarf líka að gagnrýna skólann og veita honum aðhald.
Öll þurfum við aðhald.
Björn Þorláksson