Fréttir - Eyjafréttir - 30.04.1992, Blaðsíða 6
.............................................................................................................................................................................................................................'......................................................................................................................................................................................................................................................................................................................................-...................................................................:
• Sigurður Gunnarsson skorar mark á móti KA.
Mikið hefur mætt á Sigurði Gunn-
arssyni þjálfara meistaraflokks ÍBV
í handbolta og hans mönnum síðustu
daga og vikur í úrslitum íslandsmóts-
ins. Hann er nú að Ijúka sínu fjórða
tímabili hjá ÍBV, og því þriðja sem
þjálfari liðsins. Árangur liðs ÍBV
undir stjórn Sigurðar hefur verið
mjög góður, bikarmeistaratitill í
fyrra og nú komst liðið í (jórðungs-
úrslit. Varð reyndar að lúta í lægra
haldi fyrir FH í oddaleik, en er eftir
sem áður góður árangur.
í viðtalinu sem hér fer á eftir gerir
Sigurður upp veturinn, segir álit sitt
á úrslitakeppninni sem er í fyrsta
skipti með þessum hætti, áhangend-
um liðsins og síðast en ekki síst
strákunum sem hann segir eiga tals-
vert meira inni en þeir hafa sýnt til
þessa. Stóra spurningin er samt,
ætlar hann að vera áfram eða ekki?
Því gat hann ekki svarað, en segist
eiga erfitt með að sjá sjálfan sig
þjálfa annað lið en ÍBV hér á landi.
„Þetta form er skemmtilegt og
skapar mikla stemmningu, sérstak-
lega fyrir áhangendur liðanna, sem
allt snýst nú um, að fólk skemmti
sér,“ sagði Sigurður um úrslita-
keppnina.
„Pað er líka mun skemmtilegra
fyrir leikmenn að spila og æfa þegar
stemmningin er þetta mikil, en um
leið erfitt því þetta eru margir leikir
á stuttum tíma og allt úrslitaleikir.
Þessu fylgir gífurlega mikið andlegt
álag og spenna. Ég tala nú ekki um
hér, í ekki stærri bæ, fer ekki hjá því
að maður verði var við allan þennan
mikla áhuga. Allt hjálpast þetta að
til að gera keppnina skemmtilega en
um leið erfiða. En þetta er hlutur
sem verið er að reyna í fyrsta skipti
og þar af leiðandi þurfa menn að
venjast þessu.“
Lidid á talsvert inni
Sigurður segir að keyrslan hafi
verið fnikil á liðinu í úrslitunum, sex
leikir á tveimur vikum þar af fjórir
útileikir. „Þessu hafa fylgt miki!
ferðalög, við höfum þurft að fara
upp á land daginn fyrir leik og gista
eftir leiki. Þetta er dýrt en um leið
reynsla sem menn safna í sarpinn,
mjög dýrmæt reynsla," sagði Sigurð-
ur og lagði áherslu á orð sín.
Það fer ekki hjá því að Sigurði
þjálfari sárni tapið á móti FH. „Það
munaði litlu að við kæmumst áfram,
en ég get ekki sagt hvernig leikirnir
hefðu farið á móti Selfossi,“ segir
hann þegar liann er spurður hvort
hann hafi séð fyrir sér ÍBV hampa
íslandsmeistarartitlinum í vor. „Ég
get ekki sagt hvernig leikir á móti
Selfossi hefðu farið, en við áttum
möguleika á að sigra þá.“
Sigurður er lítillætið uppmálað
þegar hann er spurður að því hvort
hann telji ÍBV eitt af fjórum sterk-
ustu liðum landsins í dag. „Ég myndi
hiklaust, eins og við spiluðum í 80%
í úrslitakeppninni, stilla okkur upp
þar. Við erum að glíma við ákvcðinn
herslumun og hann vantaði. Við
vorum grátlega nærri úrslitunum, ef
við hefðum náð að jafna í fyrsta
leiknum á móti FH er aldrei að vita
hvernig hefði farið í framlengingu."
Hann telur að þessi herslumunur
sé til staðar og liðið hafi ekki enn náð
fullum þroska. „Ég tel að liðið eigi
enn talsvert inni. Þessir leikir gefa
strákunum þekkingu og reynslu sem
þeir búa að seinna meir."
Studningsmerm
ÍBV bestír
„Við erum ekki í vafa," segir hann
aðspurður hvaða lið eigi bestu stuðn-
ingsmennina. „Það eru stuðnings-
menn ÍBV, stuðningur þeirra hefur
verið ómetanlegur."
En hann segir að gott gengi liðsins
og frábærir stuðningsmenn virðist
fara í taugarnar á mörgum á fasta-
landinu. „Ég sé. að það fer í taugarn-
ar á fólki uppi á landi að við eigum
gott lið. Okkur var spáð 8. til 9. sæti
í deildarkeppninni, en við eru búnir
að afsanna það. Þegar forráðamenn
annarra liða tala um stuðningsmenn
okkar er eins og samstaðan hér fari í
taugarnar á þeim og nú vilja allir eiga
bestu áhorfendurnar, en við eruni
ekki í vafa og þessu þurfum við að
halda."
Sigurður Gunnarsson varar við að
menn láti velgengnina glepja sér
sýn.
„Þó vel hafi gengið núna og í fyrra
líka, mega liðsmenn, aðstandendur
og stuðningsmenn ekki láta deigan
síga og hafa í huga að árangur kemur
ekki sjálfkrafa. Félög hafa brennt sig
á því eftir velgengnistímabil að halda
að fyrri árangur geti skapað vel-
gengni."
Hann bendir á félög eins og Val,
Víking, Stjörnuna og fl. sem hafa
lent í þessu. „Hjá Stjörnunni voru
gerðar of miklar kröfur og óraunhæf-
ar. Það gekk ekki, fólki fækkaði á
leikjum og fannst allt ömurlegt."
En hvað um framhaldið. ætlar
Sigurður að þjálfa og leika með liði
ÍBVáfram?
„Ég hef ekki mikið hugsað út í það
ennþá. Ég tel sjálfur að enn búi mun
meira í þessum strákum. en það
tekur tíma að ná upp „klassaliði".
Ég sem þjálfari er að læra. geri
mistök sem ég læri af, en það er alltaf
spurning hvað þjálfari á að vera lengi
hjá hverju liði. Þetta er spurning um
tíma. Það getur verið að þjálfari sé
orðinn leiður á leikmönnum og þeir
á honum. Ég held þó að ég ætti erfitt
með að fara að þjálfa annað lið hér á
landi."
Hafa önnur félög rætt við þig?
„Það hefur verið rætt við mig, en
óformlega, en hér er ég orðinn rót-
gróinn."
BINGO!
BINGÓ í ÞÓRSHEIMILINU I KVÖLD KL. 20:30
Meðal vinninga: AEG ryksuga og rafdrifínn áleggshnífur
STUÐNINGSMANNAFÉLAG ÞÓRS