Gaflari - 03.04.2014, Blaðsíða 10

10 - gaflari.is
Ein af ástæðunum
fyrir því að ég ákvað
að gefa kost á mér í
stjórnmál í bænum
okkar er sú að mér
fannst mikilvægt að standa vörð um
og halda áfram að byggja upp Vellina
þar sem ég hef búið í næstum 10 ár.
Á meðan framkvæmdir og upp-
bygging hverfisins voru í hámarki
skall efnahagshrunið á og við það
stöðvuðust framkvæmdir skyndi-
lega. Eftir stóð hverfi þar sem víð-
ast hvar voru og eru, hálfkláruð verk-
efni. Íbúar hverfisins, og ég þar á
meðal, upplifðu eins og hverfið hafi
orðið út undan í uppbyggingu bæjar-
ins. En auðvitað einskorðaðist það
ekki við Vellina, það einfaldlega
hægðist verulega á framkvæmd-
um í bænum sem og annars staðar
á landinu við efnahagshrunið. Nú
þegar fjárhagsstaða bæjarins hefur
styrkst verulega er alveg ljóst að
fara þarf í fjölmörg verkefni á Völl-
unum.
Eitt af þeim verkefnum er grænkun
svæðisins. Samþykkt hefur verið að
gera það í áföngum á næstu árum
en mikilvægt er að sátt náist við
íbúa hverfisins hvernig þessi verk-
efni fara fram. Það þarf að ná sátt
við iðnaðarhverfið og hugsanlega
er ein leið til þess að skilja hverfin
betur að með gróðri. Auðvitað mega
sum iðnaðarhverfi taka sig veru-
lega á þegar kemur að umgengni.
Það sama á við um húsnæði sem
eru í eigu bankastofnana eins og á
Tjarnarvöllum í „græna” húsinu. Það
er fyrsta húsið sem við sjáum þegar
við keyrum inn í hverfið og þar er um-
gengnin til skammar.
Það eru áform um það að Lands-
net flytji rafmagnslínurnar og að
breytingar verði gerðar á spennu-
virkjunum sem liggja meðfram
Ásvallarbraut. Þetta verkefni hefur
tafist eins og við íbúar á Völlunum
höfum því miður orðið varir við. Nú
eru áform um að Landsnet ráðist í
þessi verkefni ekki seinna en árið
2016. Íbúar á Völlunum hafa lagt til
að farið verði í undirskriftasöfnun til
að setja frekari þrýsting á Landsnet
að hefjast handa fyrr. Mér finnst
það góð hugmynd. Krafa frá grasrót
bæjarbúa hlýtur að koma fyrirtæki
eins og Landsnet í skilning um það
að spennuvirki og rafmagnslínur
af þessari stærðargráðu eiga ekki
heima í slíkri nálægð við íbúabyggð.
Auk þess þurfa bæjaryfirvöld að
halda áfram að setja þrýsting á
Landsnet, enda liggur það fyrir að
það verður ekki auðvelt að selja lóð-
ir í framtíðinni í Skarðshlíðinni verði
frekari tafir á framkvæmdum. Þarna
geta Vallarbúar og bæjaryfirvöld
sett í sameiningu mikinn þrýsting á
verkefnið.
Sala á 25 íbúðum á einum sólarhring í
einni byggingu nýverið sýnir svo ekki
verður um villst að hér vill fólk búa.
Með tilkomu Ásvallabrautar mun
hverfið byggjast enn frekar upp. Það
er því mikilvægt að standa vörð um
hverfið okkar. Vallarbúar eru afar
ánægðir með hverfið sitt og hér líður
fólki vel. En við höfum sterkar skoð-
anir og viljum vera með í ákvarðana-
töku. Við viljum hafa áhrif á það hvernig
hverfið verður grænkað. Við viljum
þrýsta á fleiri sorptunnur í hverfinu.
Við munum væntanlega sjálf fara
af stað með undirskriftasöfnun og
þrýsta á Landsnet að þeir hefji brott-
flutning á rafmagnslínum og svona
mætti lengi halda áfram.
Ófeigur Friðriksson Vallarbúi og er í 4.
sæti á lista Samfylkingarinnar
H a f n a r f j ö r ð u r
stendur á tímamót-
um. Valið stendur
um hvort við ætlum
að láta slæma fjár-
hagsstöðu draga úr okkur kjark eða
ætlum við að snúa vörn í sókn, byggja
upp og horfa bjartsýn fram á veginn?
Meirihluti vinstri manna hefur eftir
tólf ára samfellda valdatíð sína kom-
ið bæjarfélaginu í hóp allra skuldsett-
ustu sveitarfélaga landsins. Skuldirn-
ar nema nú um 40 milljörðum króna
eða um 1.500 þúsund krónum á hvern
íbúa. Nýlegt tilboð um endurfjár-
mögnun hluta lána bæjarins breytir
engu þar um. Fyrirhuguð endurfjár-
mögnun, sem Seðlabankinn á reyndar
eftir að veita heimild fyrir, gengur út
á að framlengja lánunum. Þar vegur
þyngst um 10 milljarða króna lán hjá
slitastjórn Depfa-banka en einnig er
um að ræða endurfjármögnun á um
1,5 milljarða króna skammtímaskuld-
um, sbr. yfirdráttarheimild ofl.
Meirihlutinn virðist ekkert hafa lært,
ekki hafa nein raunveruleg úrræði
til að leysa skuldavandann eða auka
tekjurnar og hyggst bara halda áfram
á sömu braut skuldasöfnunar.
Auka þarf umsvif í bæjar-
félaginu
Við sjálfstæðismenn höfum lagt til
leiðir sem miða að því að lækka skuld-
ir, auka tekjur og treysta fjárhags-
stöðu bæjarins. Eina þeirra lögðum
við fram í desember síðastliðnum
um að sett yrði af stað atvinnuþró-
unarverkefni. Í tillögunni var gert ráð
fyrir að markaðs- og kynningarmál
sveitarfélagsins yrðu efld með átak
í sölu atvinnulóða, nýsköpun og með
atvinnuþróun að leiðarljósi. Leitað
yrði nýrra leiða til að efla og fjölga
fyrirtækjum í bænum til að auka
tekjur bæjarins og fjölga atvinnu-
tækifærum. Gert var ráð fyrir að 30
milljónir króna yrðu settar í verkefnið
en að lóðasöluátakið skilaði 300
milljónum króna á þessu ári. Þessari
tillögu, eins og flestum öðrum upp-
byggilegum tillögum sjálfstæðis-
manna á kjörtímabilinu, var hafnað.
Núverandi meirihluti virðist hafa
lagt árar í bát, ýtir vandanum sífellt á
undan sér og hefur fulltrúa minni-
hlutans ekki með í ráðum.
Mörg tækifæri í skapandi
greinum
Fjölmörg tækifæri eru á sviði menn-
ingar-, lista- og ferðamála og leysa
þarf úr læðingi þann mikla kraft
sem býr í hafnfirsku skapandi fólki.
Það eru augljós merki þess að eftir
ládeyðu hefur bjartsýnin og baráttu-
gleðin brotist fram og fólk eygir von
um breytingar í bænum. Við Hafn-
firðingar búum við sérstöðu á meðal
annarra sveitarfélaga á höfuðborgar-
svæðinu í mörgu tilliti, hér eru gömlu
húsin, höfnin, miðbærinn, hraunið og
upplandið. En ekki síst býr hér kröft-
ugt fólk sem er tilbúið að láta til sín
taka. Við sjálfstæðismenn viljum
sækja fram, auka umsvif og líf í bæn-
um og leyfa einstaklingunum að njóta
sín. Við ætlum að breyta og byggja
upp til framtíðar fyrir Hafnarfjörð.
Það er kominn tími til.
Rósa Guðbjartsdóttir oddviti Sjálf-
stæðisflokksins í Hafnarfirði.
U N
bókhald ehf
Allt á einum stað
- Bókhaldsþjónusta
- Stofnun félaga
- Skattframtöl
- Húsfélagaþjónusta
- Ársreikningar
568 5730 | unbokhald@unbokhald.is | Reykjavíkurvegi 64
UMRÆÐAN
Stöndum vörð um Vellina okkar
Með kjark og bjartsýni að leiðarljósi