Gaflari - 03.04.2014, Qupperneq 12

12 - gaflari.is
Auglýsingasími Gaflara
544 2100
auglysingar@gaflari.is
TILVERAN
Menntun? Rekstrar- og stjórnunar-
fræðingur
Starf? Gæða- og öryggisstjóri hjá
Fjármálaeftirlitinu
Hvaða bók er á náttborðinu? Er
með 4-5 á borðinu núna! Þú getur
fundið t.a.m. Sögu Íslandsmótsins
í Knattspyrnu, nýjustu Útkallsbók-
in, nýjustu Yrsubókin... og slatta af
barnabókum til að þjónusta yngsta
eintakið á heimilinu.
Eftirlætis kvikmyndin? Fyrir utan
Með allt á hreinu þá er það síðasta
myndin sem ég ákvað að horfa á án
þess að sofna!
Playlistinn í ræktinni? Playlisti í
ræktinni??? Ég er svo oldie goldie að
ég hef látið það duga að hlusta á mín-
ar eigin hugsanir!
Fallegasti staðurinn í Hafnarfirði?
Þessi er erfið. Margir fallegir staðir í
og í kringum Hafnarfjörð. Til að nefna
einhvern þá er það Hellisgerði. Magn-
að. Má ekki gleyma Suðurgötu 82
fegurðin uppmáluð.
Eftirlætis húsverkið? Þvottavélin er
langbesti „vinur” minn hittumst dag-
lega ég og þessi elska.
Hver eru helstu áhugamál þín? Úti-
vera (frábær göngusvæði í kringum
Hafnarfjörð), sem eldgamall og slitinn
keppnismaður í fótbolta þá er ekki
hægt að losna við þá bakteríu, og svo
er ég kominn með ljósmyndadellu alveg
óvart. Finnst ofsalega gaman að fara í
leikhús og tónleika með konunni.
Hvað var það sem heillaði þig við
Guðrúnu Ágústu? Fyrir utan hvað
mér þótti og þykir hún falleg kona þá
var það útgeislunin. Við byrjuðum að
tala saman eins og við hefðum þekkst
í mörg ár. Smullum saman.
Hvernig kynntust þið? Dulúðleg
örlög sem leiddu okkur á sama stað
(Harpa) á sömu stundu og ást við
fyrstu sýn. Tilviljanir eru ekki til –
sumt á að gerast.
Helsti kostur Guðrúnar Ágústu?
Rúna er skilningsrík, umburðarlynd,
sanngjörn og um leið heiðarleg, hrein-
skilin, ákveðin og fylgin sér. Ég þykist
vita að hún sé mjög góður stjórnandi
og á auðvelt með að setja sig í spor
annarra og ekki þykjast hafa vit á öllu.
Það er frábær kostur.
Helsti galli Guðrúnar Ágústu?
Hmm, hún hefur ekki nógu mikinn
áhuga á fótbolta né Bítlunum. Er enn
að sannfæra hana um að helgarferð
til Liverpool sé skemmtun!
Deilið þið sömu stjórnmálaskoðun?
Við erum nokkuð sammála um grund-
vallaratriðin en vissulega skiptumst
við á skoðunum eins og gengur. Við
erum samt ekki að kryfja bæjar-
stjórnmálin á heimilinu.
Hvernig er að vera maki bæjar-
stjóra? Ósköp venjulegt. Spái sjaldn-
ast í það. Hún er þannig karakter
að hún setur sig heldur ekki í neinar
stellingar þó hún gegni þessu starfi
eða einhverju öðru. Hún varaði mig
fyrirfram við að hún hefði líklegast
aldrei tíma til að hitta mig. Hún er svo
skipulögð að ég kvarta ekki. Ég hef
líka farið með í vinnuferðir erlendis
þar sem við getum í leiðinni notið
þess að vera saman (nei nei, greiðum
minn kostnað sjálf).
Hvernig hljómar síðasta sms-ið sem
þú fékkst frá Guðrúnu Ágústu? „Já,
já í fínu lagi” Næst síðasta sms-ið var
allt öðruvísi og rómantískara.
KÍKT Í KAFFI Nú styttist í bæjarstjórnarkosningarnar og af því tilefni ætlar
Gaflarinn að kíkja í kaffi til betri helmings oddvita þeirra flokka sem bjóða
fram í Hafnarfirði, spyrja þá spjörunum úr og gægjast á bak við tjöldin.
Einar Áskelsson, maki
Guðrúnar Ágústu bæjarstjóra
Hollráð Steinars
Brátt vorar og fólk fer að huga að
görðum sínum ef það er ekki þegar
byrjað á því. Sumir eru margreynd-
ir í garðverkunum, aðrir hafa aldrei
komið nálægt garðrækt og horfa á
garðinn út um gluggann ráðalaus-
ir. Steinar Björgvinsson, fram-
kvæmdarstjóri Skógræktarfélags
Hafnarfjarðar, mun á næstu vikum
liðsinna Hafnfirðingum með góð
ráð fyrir garðverkin.
Trjáklippingar: Nú er fínn tími að
klippa limgerði/hekk. Einnig er
upplagt að grisja berja- og skraut-
runna. Þá klippum við burt alveg
niður við jörð elstu greinarnar.
Þær eru sverari, yfirleitt dekkri
og liggja frekar útaf en þær sem
yngri eru. Einnig er tímabært að
snyrta tré.
Hreiðurkassar: Nú eru síðustu
forvöð að setja upp hreiðurkassa
í garðinum því brátt hefst varptími
garðfuglanna. Hreiðurkassar skulu
vera minnst 3m frá jörð. Annars
eru grenitré vinsælasti varpstað-
ur garðfugla. Garðfuglar éta ýmis
sníkjudýr í grasflötum, nytjaplönt-
um og öðrum garðagróðri. Nánari
upplýsingar á gaflari.is