Fjarðarpósturinn - 20.11.2014, Blaðsíða 9

www.fjardarposturinn.is 9 Fimmtudagur 20. nóvember 2014
Þegar þessar blokkir verða fullbyggðar er Norðurbakkinn fullbyggður.
Mikill áhugi fyrir nýjum íbúðum
á Norðurbakkanum
Hraunhamar tryggði sér einkasölu á 72 íbúðum
VHE, Vélsmiðja Hjalta
Einarssonar, byggir nú vandaðar
íbúðir á Norðurbakkanum og eru
fyrstu íbúðirnar væntanlegar í
sölu um næstu áramót. Alls
verða þarna 72 íbúðir í tveimur
húsum og er uppsteypu á fyrri
blokkinni nær lokið. Húsin eru
teiknuð af PK arkitektum,
Pálmari Kristmundssyni og er
mikið gert til að gera þessar
íbúðir sem glæsilegastar. Hverri
íbúð fylgir bílastæði í kjallara og
með byggingu húsanna er bygg-
ingarframkvæmdum á Norður-
bakka lokið. Íbúðir sem VHE
hafa byggt í Hafnarfirði hafa
selst mjög vel, en fyrr á árinu
lauk fyrirtækið við byggingu á
fjölbýlishúsi við Dalsás.
VHE gerði nýlega einkasölu-
samn ing við fasteignasöluna
Hraun hamar um sölu á íbúð-
unum 72 og voru samningar þess
efnis undirritaðir 7. nóvember sl.
Segir Helgi Jón Harðarson
sölustjóri og einn eigenda
Hraun hamars að þetta sé mikil
viðurkenning fyrir fyrirtækið og
sé líka til marks um að menn
hafa mikla trú á sölu íbúða í
Hafnarfirði. Segir hann að sala
hafi verið mjög góð í Hafnarfirði
og hafi aukist töluvert á árinu.
Segir hann almenna ánægju
með búsetu á Norðurbakkanum
og eftirspurn mikil. Þegar hafi
fólk haft samband og viljað taka
frá íbúðir næst sjónum þó enn sé
nokkuð í land að þær verði íbúð-
ar hæfar. Nú sé í raun vöntun á
nýjum íbúðum í sölu, eftirspurnin
sé stöðugt að aukast.
Eins og kynnt var í síðasta blaði
verður brátt hafist handa við
frágang á bryggjukantinum með
göngustígum, ljósum og fl. og að
því loknu verður Norður bakkinn
kominn í endanlega mynd.
Fulltrúar Hraunhamars og VHE við undirritunina.
Helgi Jón Harðarson og
Unnar Hjaltason framkvæmda­
stjóri VHE.