Fréttatíminn - 01.08.2014, Síða 21

sem ég er að hjálpa þeim með, að byggja
upp sjálfstraust og hrinda hugmyndum sín-
um í framkvæmd. Og ástæðan fyrir því að
ég vel að gera það á einmitt rætur til þessa
kvölds fyrir svo mörgum árum,“ segir hún.
Með rekstur í blóðinu
Sigrún flutti til Þýskalands eftir stúdents-
próf og lauk þar meistaraprófi í arkítektúr.
Hún fór síðan til Sviss og lauk annarri
meistaragráðu, í tölvutengdum arkítektúr.
29 ára flutti hún til Íslands og fór að vinna
hjá hugbúnaðarfyrirtæki. „Ég hef alltaf
haft mikinn áhuga á fyrirtækjarekstri. For-
eldrar mínir voru ávallt með eigin rekstur,
fatahreinsunina Hraða á Ægisíðu, þar
sem við systkinin unnum meðfram námi
frá unga aldri. Þegar ég fór að vinna hjá
hugbúnaðarfyrirtækinu fór ég ósjálfrátt
að skipta mér af rekstrinum og varð síðar
framkvæmdastjóri,“ segir hún. Sigrún
starfaði sem framkvæmdastjóri nokkurra
fyrirtækja í hugbúnaðar- og tölvugeiranum
hér á landi þar til hún flutti til Bretlands um
hríð til að ljúka MBA námi hjá London Bus-
iness School árið 2007. Þá hafði hún lokið
meistaranámi í tölvunarfræði hér heima.
Þar kynntist hún manninum sínum sem er
bresk-svissneskur. „Ég kom heim í mánuð
eftir að ég lauk náminu í ágúst 2008 og
flutti út til Sviss tveimur vikum fyrir hrun,“
segir hún og hlær að tímasetningunni.
Alltaf haft trú á ástinni
„Þótt ég hafði alltaf sagt að ég myndi aldrei
láta karlmann stoppa mig í einu eða neinu
hafði ég áður átt kærasta til lengri tíma. Ég
hef alltaf haft mikla trú á ástinni. Foreldrar
mínir kynntust þegar þau voru 14 ára og
eru í dag 69 ára og ennþá hamingjusöm
þannig að ég hef haft rosalega góða fyrir-
mynd í þeim efnum. Ég sá hins vegar börn
þá sem hindrun í því að láta drauma mína
rætast. Ég myndi hins vegar ekki halda því
fram í dag enda hef ég mýkst að öllu leyti
í þessum málum,“ segir Sigrún og hlær.
Fyrir sex árum sá hún það að minnsta kosti
ekki sem hindrun að maðurinn sem hún
varð ástfangin af ætti tvo syni, þá þriggja
og fjögurra ára, og er hún því stjúpmóðir
tveggja drengja, sem eru nú 9 og 10 ára.
„Það er dálítið sérstakt að verða stjúp-
mamma þegar maður ætlaði ekki að verða
mamma,“ segir Sigrún. „En ég held ég sé
góð stjúpmamma,“ segir hún.
Sigrún er staðráðin í því að verja sem
mestum tíma á Íslandi þótt hún sé búsett í
Sviss. Hún á hér íbúð og dveljast þau hjón
hér í um þrjá mánuði á ári, um fimm vikur
á sumrin ásamt sonunum, um jólin og eitt-
hvað þess á milli. „Þegar drengirnir verða
eldri er markmiðið að vera helming ársins
hér og hinn í Sviss,“ segir hún.
Best að vera á Íslandi
Þrátt fyrir langa búsetu erlendis finnst Sig-
rúnu hvergi betra að vera en á Íslandi. „Ég
held að það ætti að skylda alla Íslendinga til
að búa í útlöndum í að minnsta kosti eitt ár
svo þeir læri að meta Ísland. Hér er dásam-
legt að vera. Fyrir utan það hvað náttúran
er stórkostleg þá er svo mikill kraftur í
fólki og svo mikið að gerast hér undanfarin
ár, frá hruni. Ég fylgist vel með „start-up“
geiranum úr fjarlægð og það er gaman að
sjá hve mikil gerjun er í gangi. Íslendingar
eru svo miklir „do-erar“ - fá hugmyndir og
framkvæma þær strax. Það er einmitt það
sem ég reyni að veita fólki innblástur til
að gera í gegnum fyrirtækið mitt,“ segir
Sigrún.
Fyrir stuttu stofnaði Sigrún ráðgjafa-
fyrirtæki á netinu, Sigrun.com, þar sem
áherslan er að styðja fólk í því að láta
drauma sína rætast. „Viðskiptavinir mínir
eru í langflestum tilfellum konur enda nálg-
ast maður konur með allt öðrum hætti en
karla og mín nálgun er mjög kvenlæg. Ég
tala mikið um ástríðu og áhugamál og lífs-
stíl og þess háttar, sem konur tengja frekar
við en karlar þótt ég taki hvergi fram á
vefnum mínum að ráðgjöfin sé sérstaklega
ætluð konum,“ segir Sigrún.
Hún starfar undir yfirskriftinni „Turning
Passion Into Profits“ þar sem hún aðstoðar
konur við að fá tekjur af því sem þær hafa
ástríðu fyrir. „Ég hjálpa þeim að breyta
áhugamáli sínu í bisness,“ útskýrir Sigrún.
„Fyrst aðstoða ég þær við að finna hug-
myndina og skilgreina hana og svo hjálpa
ég við að skoða hvort það sé yfirleitt ein-
hver viðskiptahugmynd því við fáum að
sjálfsögðu ekki borgað fyrr allt það sem
getur talist áhugamál okkar. Svo styð ég
þær í gegnum prófun á hugmyndinni og
fylgja henni eftir og útfæra hana út frá þeim
lífsgildum sem þær hafa, til að mynda hvort
þær langi mest til að vinna einar eða með
öðrum, hvernig þær vilji haga vinnutíma
sínum og þar fram eftir götunum. Þetta eru
mestmegnis konur sem eru svokallaðir „sol-
opreneur“ eða ein-frumkvöðlar sem ætla
sér ekki endilega að byggja upp stór fyrir-
tæki, heldur einungis að búa sér til fyrir-
tæki sem þær hafa gaman af að vinna við
og skilar þeim tekjum sem þær vilja hafa,“
segir Sigrún. „Ég hjálpa þeim að búa til
draumabisnessinn sinn,“ segir hún og hlær.
„Margir halda að sé ekki hægt, en þetta er
hægt, þótt þetta gerist ekki á einni nóttu,“
segir hún.
Mikil þörf í Bandaríkjunum
Hún segir að mikil þörf sé fyrir ráðgjöf sem
þessa, sérstaklega í Bandaríkjunum þar
sem ákveðin bylgja sé í gangi. „Þar kemur
þessi þörf hjá konum þegar þær eru búnar
að eignast börn, því þar eru skilyrðin ekki
hin sömu og hér hjá okkur, konur hafa ekki
sömu tækifæri og við sem getum treyst á
dagvistun fyrir börnin okkar. Þessar kon-
ur vilja vinna en ráða vinnutímanum sínum
sjálfar. Þær fara þá oft að leita á netinu og
finna fyrirtæki eins og mitt til að aðstoða
þær við að búa til tekjur úr því sem þær
hafa menntað sig í eða starfað við eða hafa
mikinn áhuga á,“ segir Sigrún.
Hún býður upp á stutt en krefjandi nám-
skeið á netinu og áframhaldandi stuðning,
jafnt í hópum sem á einstaklingsgrunni.
Fjöldi viðskiptavina hennar eru frá Banda-
ríkjunum, en einnig
frá Sviss. „Það er
áhugavert hve marg-
ar svissneskar konur
hafa tekið námskeið
hjá mér. Kannski er
ég, Íslendingurinn, að
koma einhverri breyt-
ingu til leiðar hér í
Sviss, það er aldrei
að vita,“ segir hún og
hlær. „Við Íslendingar
erum að minnsta
kosti fyrirmyndir því
við erum komin svo
miklu lengra í jafn-
réttisbaráttunni en
þjóðir í Mið-Evrópu.
Það vantar oft fyrir-
myndir. Ef konur vilja
láta drauma sína ræt-
ast þurfa þær fyrir-
myndir,“ segir hún.
Sigrún hikar ekki
við að nota hugtakið
„femínisti“ um sjálfa
sig. „Sumir eiga í
vandræðum með
það hugtak en ég er
femínisti og það þýðir
að ég vil jafnrétti og
að ég vil að fólk geti
látið drauma sína ræt-
ast, bæði karlar og
konur. Konur þurfa ef
til vill aðra nálgun en
karlarnir, þær þurfa
sumar að vera í hópi
til að láta drauma sína
rætast og fá staðfest-
ingu frá öðrum á því
að þær séu að taka réttar ákvarðanir. Það á
kannski eftir að breytast,“ segir hún.
Sigríður Dögg Auðunsdóttir
sigridur@frettatiminn.is
Við, Íslend-
ingar, erum
að minnsta
kosti fyrir-
myndir því
við erum
komin svo
miklu lengra í
jafnréttisbar-
áttunni en
þjóðir í Mið-
Evrópu,“
Nú geturðu greitt
reikningana í Appinu
E
N
N
E
M
M
/
S
ÍA
/
N
M
6
3
6
5
3
islandsbanki.is Netspjall Sími 440 4000 Facebook
Við erum stöðugt að þróa Íslandsbanka Appið til að létta
þér lífið í dagsins önn.
• Hærri úttektarheimild í Hraðfærslum - Nýjung!
• Yfirlit og greiðsla ógreiddra reikninga - Nýjung!
• Yfirlit og staða reikninga
• Myntbreyta og gengi gjaldmiðla
• Vildartilboð Íslandsbanka og fjöldi annarra aðgerða
Íslandsbanka Appið
Sæktu Íslandsbanka Appið
á islandsbanki.is/app
fréttir 21 Helgin 1.-3. ágúst 2014