Fréttatíminn - 01.08.2014, Síða 46

Fiskbúðinni við Freyju-
götu breytt í gallerí
Við Freyjugötuna, í miðbæ Reykjavíkur, var lengi vel starfrækt fiskbúð en þar hefur listagallerí-
ið Harbinger nú opnað dyr sínar. Steinunn Marta Jónsdóttir, eigandi gallerísins, segir nágrann-
ana vera sátta við breytingarnar þó mikil eftirsjá sé að fiskbúðinni.
É g hafði lengi haft hug á því að reka gallerí,“ segir Steinunn Marta Jónsdóttir sem rekur listagelleríið
Harbinger ásamt maka sínum, Kjartani
Friðrikssyni. Steinunn lærði myndlist í
Amsterdam og var alls ekkert á leiðinni
heim þegar hún varð barnshafandi.
„Ég hef ekki verið að stunda mikla mynd-
list síðan ég útskrifaðist þar sem mestur
tími hefur farið í fæðingarorlof. Planið var
aldrei að koma heim beint eftir útskrift en
svo urðum við ólétt og ákváðum að flytja
heim. Það er eiginlega bara ógerlegt að búa
í Hollandi með barn ef maður hefur ekki
fjölskyldunetið í kringum sig. Dagvistunin
þar er svo rosalega dýr,“ segir Steinunn en
hún átti tvö börn með stuttu millibili og hef-
ur því verið í löngu fæðingarorlofi. „Ég var
mikið á gangi um miðbæinn og alltaf með
augun opin fyrir rými undir gallerí. Svo
þegar ég sá að það átti að loka fiskbúðinni
fór ég bara og talaði við eigandann. Þetta
gerðist allt rosa hratt því 2 vikum eftir að
við fengum rýmið vorum við búin að opna
galleríið.“
Nágrannarnir vilja fiskbúð í hverfið
Móttökurnar hafa verið framar vonum og
fólk virðist taka breytingunum vel þrátt
fyrir að mikill missir sé að gömlu fiskbúð-
inni í hverfinu.
„Fólkið í húsinu er mjög ánægt yfir að
þurfa ekki lengur að búa við fiskilyktina þó
allir beri auðvitað sínum gömlu nágrönn-
um, Einari og Þóru, mjög góða sögu og
sakni þeirra. En fólkið í hverfinu var alls
ekki ánægt með að það væri ekki að koma
önnur fiskbúð og það er mjög mikil eftirsjá
að henni. Á meðan við vorum að rífa út úr
rýminu hér var fólk alltaf að koma skæl-
brosandi og spyrja hvort að það væri að
koma fiskbúð, en svo þegar við svöruðum
neitandi þá var brosið fljótt að hverfa. Fólk
var samt ánægt að heyra að hér ætti ekki að
koma hótel eða túristabúð,“ segir Steinunn
sem hefur heyrt að brátt muni opna fiskbúð
við Bergstaðastræti.
Erfitt að velja nafnið
Harbinger opnaði dyr sínar í júní og hefur
nú þegar verið með tvær sýningar. Stein-
unn segir stefnu gallerísins vera marg-
þætta.
„Við viljum hafa allavega þrjár sýningar
á ári sem eru á mörkum myndlistar og
handverks eða hönnunar. Svo langar okkur
líka mjög mikið að bjóða erlendum lista-
mönnum að sýna hér. En við stefnum á að
hafa nýja sýningu í hverjum mánuði og nú
þegar er komin dagskrá út árið.“ Hún segir
það hafa verið vandasamt að finna gall-
eríinu nafn. „Maður þarf að passa sig svo
vel að nefna ekki eins og einhver annar.
Þetta er enskt orð sem ég rakst á og fannst
merkingin eiga vel við það sem við erum að
gera. Merkingin er í raun mjög rómantísk
þó nafnið hljómi frekar eins og eftirnafn en
eitthvað rómantískt og ljóðrænt. Þetta er sá
sem fer á undan fylgdarliði eða herliði til að
finna gistingu fyrir nóttina. Þannig að þetta
er svona fyrirboðunarmaður.“
Halla Harðardóttir
halla@frettatiminn.is
... við
stefnum á
að hafa nýja
sýningu í
hverjum
mánuði og
nú þegar er
komin dag-
skrá út árið.
 Myndlist nýtt gallerí í reykjavík
Steinunn Marta Jónsdóttir rekur galleríið Harbinger við Freyjugötuna, í miðbæ Reykjavíkur. Hún segir mikla þörf vera fyrir
gallerí í Reykjavík því nóg sé af listamönnum sem vilji sýna. Galleríið opnaði dyr sínar í júní og nú þegar er komin dagskrá út
árið. Mynd Teitur
Djassinn dun-
ar á Jómfrúnni
Jómfrúin hefur undanfarin
ár verið með djasstónleika
á laugardögum og um verslun-
armannahelgina verður engin
undantekning. Á laugardaginn
eru það þau Kristjana Stefáns-
dóttir og Sigurður Flosason
sem leika fyrir gesti. Aðrir
hljóðfæraleikarar eru þeir
Eyþór Gunnarsson á píanó,
Valdimar K. Sigurjónsson á
kontrabassa og Einar Schev-
ing á trommur. Þau munu
flytja íslensk söngdjasslög
eftir Sigurð Flosason við ljóð
Aðalsteins Ásbergs Sigurðs-
sonar. Tónleikarnir fara fram
utandyra á Jómfrúartorginu.
Þeir hefjast klukkan 15
og standa til klukkan 17.
Aðgangur er ókeypis.
Tónleikastaðurinn Græni hatturinn á
Akureyri stendur fyrir tónleikum alla
verslunarmannahelgina, eins og aðrar
helgar. Um helgina er dagskráin einkar
vegleg og ættu allir að finna eitthvað
við sitt hæfi. Hljómsveitin Dúndur-
fréttir spilar á föstudagskvöldinu. Á
laugardeginum er það stuðsveitin
Retro Stefson sem fær fólk til að
dilla sér og helginni lýkur svo með
tónleikum hljómsveitarinnar Kaleo á
sunnudagskvöldið. Bæði Retro Stefson
og Kaleo eru einnig meðal atriða
á þjóðhátíð í Vestmannaeyjum um
helgina, svo þær verða á faraldsfæti.
Hatturinn lifandi alla helgina
Blús á Rósenberg
Á Café Rósenberg í Reykjavík verða tónleikar
föstudag og laugardag. Á föstudeginum verða
blústónleikar með hljómsveitinni Gorelick. Dagskrá
sveitarinnar samanstendur af þekktum blússlög-
urum í bland við eigið efni. Gítarleikarinn Beggi
Smári leiðir sveitina en aðrir hljóðfæraleikarar eru
þeir Hjörtur Stephensen gítarleikari, Helge Haahr
trommuleikari og Valdimar Olgeirsson bassaleikari.
Hálfvitalæti á Flúðum
Gleðisveitin Ljótu hálfvitarnir munu leika og syngja
fyrir gesti og gangandi á Flúðum um helgina. Nánar
tiltekið í félagsheimilinu. Hálfvitarnir munu halda
tvenna tónleika á laugardags- og sunnudagskvöld.
Þetta er ekki í fyrsta sinn sem þeir njóta veður-
blíðunnar á Flúðum um verslunarmannahelgi og er
fólki bent á að mæta í spariskóm.
 tónlist norsk-íslenskur kvendjassari
Oddrún spilar á Íslandi í fyrsta sinn
Oddrún Lilja Jónsdóttir er 22 ára
djassgítarleikari sem hefur verið
búsett í Noregi frá fæðingu, fyrir
utan eitt ár sem hún bjó á Íslandi
fyrir um 10 árum. Hún hefur haldið
tónleika víða um heim. Síðustu árin
hefur hún farið í fjölda tónleikaferða
um Afríku, Evrópu og til New York.
Nú loksins ætlar hún að halda
tónleika á Íslandi, nánar tiltekið á
Hressó sunnudaginn 3. ágúst og á
KEX Hostel þriðjudaginn 5. ágúst.
„Ég útskrifaðist sem djassgítarleik-
ari í Osló í vor og er búin að spila út
um allan heim og það hefur verið
draumur minn lengi að spila á Ís-
landi, og nú loksins er komið að
því,“ segir Oddrún sem á íslenska
móður og norskan föður.
Það eru ekki margar konur sem
eru hljóðfæraleikarar í djassheim-
inum. „Nei alltof fáar. Ég byrjaði að
læra á fiðlu en svo uppgötvaði ég
gítarinn og þá gerðist þetta mjög
náttúrulega. Við smullum saman.“
Á efnisskránni verða lög eftir
Oddrúnu í bland við annað efni.
„Þetta verða lög eftir mig ásamt
norskum þjóðlögum, íslenskum
sálmum og efni frá þeim sem eru
að spila með mér. Allir koma með
hugmyndir. Ég hef ferðast mikið til
Afríku og Indlands og er mjög heill-
uð af þeim löndum og eru lögin mín
innblásin af ferðum mínum þangað.“
Oddrún fann sér tónlistarmenn á Ís-
landi til þess að spila með og kallar
kvartettinn Fjórir fjórðungar. „Ég
þekkti þau ekki neitt. Ég vann smá
undirbúningsvinnu og kynnti mér
íslensku senuna þegar ég var síðast
á Íslandi og hafði svo bara samband
við þau og þau voru öll til í að vera
með. Sem var ótrúlega gaman.“
Kvartettinn skipa, auk Oddrúnar,
þau Sigrún Jónsdóttir básúnuleik-
ari sem hefur spilað mikið í Brasi-
líu að undanförnu. Leifur Gunnars-
son bassaleikari sem er útskrifaður
frá Rytmisk Musikkonservatorium
í Kaupmannahöfn og Matthías
Hemstock trommuleikari, sem er
einn fremsti trommuleikari lands-
ins. Tónleikarnir á Hressó hefjast
klukkan 21 og á KEX klukkan 20.30
Í vetur ætlar Oddrún að setjast aftur
á skólabekk og fara í meistaranám
í djassgítarleik og vonandi verða
heimsóknir hennar til Íslands tíð-
ari í framtíðinni.
Hannes Friðbjarnarson
hannes@frettatiminn.is
Kvartettinn Fjórir Fjórðungar, þau
Sigrún, Oddrún, Matthías og Leifur.
46 dægurmál Helgin 1.-3. ágúst 2014
Kringlunni - Skeifunni - Spönginni