Akureyri - 07.08.2014, Qupperneq 2

2 28. tölublað 4. árgangur 7. ágúst
Fólk er að flytja að sunnan
„Það er hreyfing til Akureyrar , fólk
er að flytja að sunnan í bæinn,“ seg-
ir Arnar Guðmundsson, löggiltur
fasteignasali á Akureyri.
Fjallað hefur verið í fjölmiðl-
um um auglýsingu sem Arnar fyr-
ir hönd Fasteignasölu Akureyrar
setti upp fyrir nokkru. Þar segir að
vegna fjölgunar opinberra starfa
á Akureyri vanti fleiri eignir á
skrá. Arnar segist hafa sett auglýs-
inguna upp sumpart í gríni. Ekki
hafi enn reynt á að viðskipti þar
sem ástæðan sé með órækum hætti
flutningur Fiskistofu til Akureyrar
sem að óbreyttu þýðir tugi nýrra
starfa á Akureyri. Hann merki þó
greinilega vaxandi eftirspurn og
Fiskistofumálið verði viðbót við
þróun sem hafi hafist fyrir nokkru.
Fjölgun fasteignaviðskipta sé
30% ef bornir séu saman fyrstu
sex mánuðir 2014 við fyrstu sex
mánuði ársins 2013. Þá hafi júlí
verið sérlega líflegur mánuður
mánuður viðskiptalega og mikil
hreyfing sem sé óvanalegt þegar
heitasti tími ársins er annars vegar
og margir í fríi.
6-10% HÆKKUN
„Það er greinilegt að eftirspurnin er
vaxandi og það hefur leitt til hærra
verðs. Ætli við séum kannski ekki
að tala um 6-10% hækkun frá ári
til árs,“ segir Arnar og getur þess
aðspurður að merki kreppunnar
séu ekki lengur sjáanleg.
Athygli hefur vakið að verð-
munur milli einbýlis og fjölbýlis er
mun minni á Akureyri en til dæmis
í Reykjavík. Spurður hvort hreyf-
ingin nú hafi haft einhver áhrif á
þann verðmun segir Arnar að ef
eitthvað er sé munurinn á verði
einbýliseigna og fjölbýliseigna enn
að dragast saman. „Maður sér meiri
hækkun í fjölbýlinu þessa daga.“
Arnar getur þess að bankarnir
séu nú „á fullu“ að lána fé til fast-
eignakaupa sem sé allt önnur saga
en fyrir tveimur til þremur árum.
„Það er stemmning yfir Akureyri.“
-BÞ
15 ný störf á Glerártorgi
Gera má ráð fyrir að 15 ný störf
skapist á Akureyri um miðjan
mánuðinn þegar Lindex opn-
ar stóra verslun á Glerártorgi 16.
ágúst næstkomandi. Búðin er 470
fermetrar en fyrr á árinu var samn-
ingur undirritaður af hálfu Eikar
fasteignafélags og forráðamanna
Lindex.
Albert Þór Magnússon, annar
tveggja aðaleigenda Lindex, segir
að það hafi komið forráðamönnum
Lindex á óvart hve margt fram-
úrskarandi fólk hafi sóst eftir vinnu
í búðinni á Glerártorgi. Án þess að
sérstaklega hafi verið auglýst eftir
fólki slagi umsóknir í 100 og margt
frábært fólk sé þar á meðal.
„Við verðum m.a með línu sem
hönnuð er af Gaultier, hann hefur
ekki áður verið kynntur akureyrsk-
um áhgangendum tísku,“ segir Al-
bert Þór m.a., spurður um sérstöðu
búðarinnar á Akureyri.
Lindex er ein stærsta tískufata-
keðja Norður Evrópu með nærri
500 verslanir í 16 löndum.
Lindex býður upp á tískufatnað
fyrir konur, undirföt og fylgihluti
sem og fatnað á börn og unglinga á
hagkvæmu verði að sögn aðstand-
enda. Í fyrirtækinu starfa um 40
hönnuðir sem einnig hafa fengið til
samstarfs þekkta hönnuði á borð
við Missoni og Matthew Williams-
son auk þess sem stjörnurnar Gwy-
neth Paltrow, Penelope Cruz og
Kate Hudson hafa unnið með fyr-
irtækinu við vorlínur fyrirtækisins
undanfarin ár.
„Þetta er frábært skref fyrir okkur
en við opnuðum Lindex í Smáralind
árið 2011, Lindex Kids í Kringlunni
á síðasta ári og nú er komið að því
að opna á Glerártorgi. Við erum
þakklát fyrir hversu vel hefur tek-
ist til með staðsetningu og hlökkum
mikið til að bjóða Akureyringum og
nærsveitungum upp á tískuupplifun
á heimsmælikvarða.“ -BÞ
Íþróttabraut við HA?
Jóhannes Gunnar Bjarnason,
íþróttakennari sem barist hefur öt-
ullega fyrir nýrri íþróttafræðibraut
við Háskólann á Akureyri, segir að
nú vanti aðeins herslumuninn á að
íþróttafræðibraut verði bætt við
kennaradeildina hjá Háskólanum
á Akureyri. Miðað er við að hefja
kennslu haustið 2015.
Kennsluskrá er að sögn Jó-
hannesar tilbúin, bæjaryfirvöld
séu afar jákvæð hvað varðar
afnot af íþróttamannvirkjum og
standi viðræður yfir. „Nýr rektor
er áformunum hliðhollur en eðli-
lega áhyggjufullur vegna Illuga
og hans skjaldsveina í ráðuneyti
menntamála. Þeir eru víst fremur
rúðustrikaðir. Búið er að ræða við
þingmenn sem hafa vígbúist vegna
embættismannahers áðurnefnds
Illuga. Kennarar við HA , deildar-
formaður og deildarforseti hafa
öll verið einstaklega áhugasöm
um verkefnið og Finnur Friðriks-
son fyrrum nemandi minn og síðar
kennari hefur unnið mikið þrek-
virki í uppsetningu kennsluskrár
og verkefnisins í heild sinni,“ segir
Jóhannes í færslu á facebook.
Íþróttafræðibraut við HA mun
að hans sögn hafa gríðarlega já-
kvæð áhrif á íþróttalíf í héraðinu.
„Sérstaða bæjarins felst í hinni
margvíslegu íþróttaaðstöðu ekki
síst í vetraríþróttum. Í nánasta
umhverfi HA eru öll þau íþrótta-
mannvirki sem þarf til kennslu og
ég efast um að betri aðstæður finn-
ist þótt lengi verði leitað. Í náinni
framtíð munum við þurfa marga
sérmenntaða íþróttakennara því
lýðheilsa ungs skjákynslóðarfólks
stefnir lóðbeint til þjóðargjald-
þrots. Þegar augu stjórnvalda opn-
ast mun stétt íþróttakennara verða
enn mikilvægari. Meðalstarfsaldur
íþróttakennara er 5-6 ár þannig
að ekki veitir af nýliðun,“ segir Jó-
hannes Gunnar Bjarnason. -BÞ
SÁ ÆVISTARF-
IÐ HRYNJA
Áhugafólk um framgang júdóí-
þróttarinnar á Akureyri brást af
miklum krafti við frétt sem birtist
í síðasta tölublaði Akureyri Viku-
blaðs um að framtíð júdóíþrótt-
arinnar væri í uppnámi vegna
húsnæðiseklu og kostnaðar við
að standsetja nýtt húsnæði til
æfinga.
„Greinin vakti gríðarleg við-
brögð. Margir styrktu okkur og
einn einstaklingur lánaði okk-
ur það sem upp á vantaði til að
standsetja húsnæðið svo að við
getum haldið áfram,“ segir Jón
Óðinn Waage, einn þekktasti júd-
óþjálfari landsins og lykilmaður
í framgangi íþróttarinnar á Ak-
ureyri sem skartar ótal titlum og
glæstum árangri í tímans rás.
Bærinn ætlar að skoða mál
júdófélagsins Draupnis á næsta
ári. „Þetta hafi valdið okkur miklu
hugarangri og persónulega sá ég
ævistarf mitt hrynja vegna þessar-
ar stöðu sem við komum okkur
ekki sjálf í,“ segir Jón Óðinn.
Hann segir að stuðningur við
íþróttagreinar sé mjög mismikill
hjá bænum og telur því að um
mismunun sé að ræða. -BÞ
Fann eigin byssu
á Hvalasafninu
Ólafur Gunnarsson sjómaður á Ak-
ureyri staðhæfir að byssa sem hann
hafi leigt vestur á firði árið 1980 en
aldrei fengið borgað fyrir sé nú í
óleyfi hans safnmunur á Hvalasafn-
inu á Húsavík. „Upp komast svik
um síðir,“ segir Ólafur.
Hann telur að hann hafi fengið
ranga byssu senda heim af Vest-
fjörðum og honum hafi brugðið í
brún þegar hann kom á Hvalsafnið
á Húsavík nýverið og fann með því
að skoða skrásetninganúmer bys-
sunnar að hún var hans eign.
„Ég þekkti byssufótinn strax og ég
sá hana þarna á safninu og þá athug-
aði ég númerið á henni og það er
sama númer og í byssuleyfinu mínu.“
„Samkvæmt lögum er byssan
þarna á mína ábyrgð, svo þannig er
málið grafalvarlegt, þar sem þetta
er virkt vopn,“ segir Ólafur. -BÞ
Leikskólinn Hulduheimar óskar eftir að ráða leik-
skólakennara eða starfsmann með aðra háskóla-
menntun sem nýtist í starfi í 100% stöðu. Æski-
legt er að viðkomandi geti hafið störf sem fyrst.
Viðkomandi verður staðsettur í Seli.
Nánari upplýsingar um starfið er að finna á heimasíðu
Akureyrarbæjar, akureyri.is þar sem sótt er um rafrænt.
Umsóknarfrestur er til og með 20. ágúst 2014

Leikskólinn Hulduheimar