Akureyri - 07.08.2014, Page 4

4 28. tölublað 4. árgangur 7. ágúst
„Valdarán af sverustu gerð“
Eiríkur Haukur Hauksson hóf
störf sem sveitarstjóri Svalbarðs-
strandarhrepps sl. föstudag. Ráðn-
ing hans er mjög umdeild. 83 íbúar,
um 30% kosningabærra manna í
hreppnum, höfðu sent sveitarstjórn
bréf þar sem þess var óskað að
staða sveitarstjóra yrði auglýst en
það var ekki gert. Eiríkur er sjálfur
einn fimm kjörinna sveitarstjórnar-
fulltrúa en vék af fundi þegar sveit-
arstjórn samþykkti ráðningu hans
sem sveitarstjóra. Atkvæði féllu
þannig að þrír fulltrúar, allt karlar,
studdu að Eiríkur yrði sveitarstjóri
en tvær konur í sveitarstjórninni
lögðust gegn því, þar á meðal vara-
manneskjan sem kom inn í stað
Eiríks við afgreiðsluna. Halldór
Jóhannesson var einn þeirra sem
samþykkti tillögu að ráða Eirík
sem sveitarstjóra en þeir tveir eru
bræðrasynir og eru sagðir hafa ætt-
artengda hagsmuni í viðskiptum og
muni skipulagsmál kjörtímabils-
ins hafa bein áhrif á afkomu aðila,
tengdum Eiríki.
Eins og fram kemur á forsíðu
telur prófessor í stjórnmálafræði
að ekki sé of seint að endurskoða
ráðningu sveitarstjóra. Í samtali við
Akureyri Vikublað sagðist Eiríkur
Haukur þó telja að málið væri búið,
óánægjan væri úr sögunni. Hann
sagðist upptekinn við að reikna og
greiða út laun starfsmanna og hefði
því ekki tíma til að svara spurning-
um blaðamanns.
Ein rök nýkjörinnar sveitar-
stjórnar sem hafnaði beiðni íbú-
anna um að staðan yrði auglýst er
að beiðni um það hefði komið fram
of seint. Búið væri að ákveða að
ganga til samninga við Eirík Hauk.
Haft var eftir Eiríki í Fréttablaðinu
að normið væri að að auglýsa ekki
stöður sveitarstjóra. „Það er aðeins
gert í undantekningartilvikum ef
við skoðum landið í heild. Við sjáum
það líka í sveitarfélögum í kringum
okkur þar sem störf eru auglýst og
yfir fjörutíu manns sækja um en
enginn er ráðinn,“ sagði Eiríkur
Haukur í samtali við Fréttablað-
ið og vísar þar væntanlega til af-
greiðslunnar í Eyjafjarðarsveit þar
sem 49 sóttu um en sveitarstjórn
ákvað að hundsa allar umsóknir og
handvelja Karl Frímannsson sem
ekki sótti um stöðuna.
ÞUNG ORÐ FALLA
Íbúar í hreppnum sem blaðið hef-
ur rætt við segja að síðastliðin
kjörtímabil hafi starf sveitastjóra
í Svalbarðsstrandarhreppi alltaf
verið auglýst. Því sé það gagnrýni-
vert að önnur leið hafi verið farin
nú án vitundar kjósenda. Hinrik
Máni Jóhannesson verktaki segir
að í raun séu mun fleiri íbúar óá-
nægðir með ráðningu Eiríks Hauks
en sem nemi þeim 83 sem mót-
mæltu með undirskrift. Hann viti
dæmi þess að margir íbúar hafi hr-
ingt í varaoddvita hreppsins og lýst
óánægju, fólk sem ekki þorði að
skrifa nafn sitt opinberlega á lista
af ótta við að verða lagðir í einelti
af fjöskyldu Eiríks og sæta ofsókn-
um ef þeir skrifuðu undir. „Það
kom líka á daginn að Eiríkur fór á
bíl á milli bæja og talaði við fólk
og hvatti það til að skrifa ekki und-
ir. Undirskriftalistinn var sagður
persónuleg árás, runnin undan rifj-
um einnar maneskju sem er algjör
rógburður,“ segir Hinrik Máni.
ENN EKKI OF SEINT AÐ BAKKA ÚT
„Ég vil meina að það sé enn hægt að
bakka úr úr þessu þótt búið sé að
skrifa undir. Það er hægt að gera
það, mér finnst eindregið að sveit-
arstjórn verði að skoða þetta. Ég
hefði lagt til að sveitarstjón hóaði
saman til íbúafundar og byði ykkur
blaðamönnum á þann fund.“
Hann segir að Eiríkur hafi í
kosningabaráttunni ekki sagst
sækjast sérstaklega eftir sveitar-
stjórastöðu og hafi aðeins munað
örfáum atkvæðum að hann kæm-
ist ekki inn í hreppsnefnd. Vegna
fyrri starfa hans og hagsmuna-
tengdrar baráttu hefðu enn færri
kosið hann ef vitað hefði verið að
hann vildi verða sveitarstjóri. „Það
er mjög slæmt að þetta sé svona,
það eru mjög miklar hagsmuna-
tengingar, frændsemi og viðskipta-
hagsmunir sem blandast inn í þann
stuðning sem hann þó fær. Hvað
varðar skipulagsmál hafa Eiríkur
og félagar komið því til leiðar að
skipulagsnefnd hefur verið lögð
niður og þeir geta núna skipulagt
allt eins og þeir vilja í Svein-
bjarnargerði og í Veigastaðalandi,
segir Hinrik Máni.
Hinrik Máni segir samfélag-
ið nánast loga í deilum. Hann er
ómyrkur í máli en telur sig þó túlka
rödd margra. „Hér hefur verið
framið valdarán af sverustu gerð.
Þeir sem fylgja Eiríki að málum
hafa persónulega hagsmuni af því
að gera það valdarán mögulegt. Það
er allt brjálað hérna innan svetar-
félagsins, gríðarlegur hiti og menn
krefjast breytinga.“
FJANDINN LAUS MEÐ ÍBÚAFUNDI?
Akureyri Vikublað ræddi við íbúa í
Svalbarðsstrandarhreppi sem segja
að Eiríkur Haukur sé framúrskar-
andi og duglegur einstaklingur.
Hann hefur síðastliðin ár gegnt
starfi fjármálastjóra hjá Leikfélagi
Akureyrar. Sú staða hefur nú verið
lögð niður en Eiríki líkt og öðrum
starfsmönnum var sagt upp í sumar.
Valtýr Hreiðarsson sem
kjörinn var oddviti Svalbarðs-
strandarhrepps á síðasta fundi
telur að þrátt fyrir óánægju sumra
íbúa sé það í hans huga vond hug-
mynd að blása nú til íbúafundar
um málið. Of seint sé að bakka út
úr ferlinu. Þótt 30% íbúa hafi sett
nafn á lista séu þó 70% sem ekki
hafi gert athugasemd. „Sveitar-
stjórn tók þessa ákvörðun og ég
held að það sé best að halda sig
við hana. Fjandinn gærti orðið
laus hér ef haldinn yrði íbúafund-
ur.“
Lögfróðir menn hafa nefnt að
vafi sé á að Eiríkur Haukur sem
sagði sig úr sveitarstjórn þegar
hann var kjörinn sveitarstjóri hafi
haft lagaheimild til þess. Um þegn-
skyldu sé að ræða sem hann hafi
heitið að gegna þegar hann fór
fram fyrir kosningar og gaf kost á
sér. Valtýr hafnar að um lögleysu sé
að ræða. „Ég býst við að það standi
í landslögum án þess að ég viti það
að ekki sé hægt að þvinga mann til
þegnskyldu.“ Að auki bendir odd-
vitinn á að með því að Eiríkur sé
hættur sem sveitarstjórnarfulltrúi
hafi kona færst upp, Anna Karen
Úlfarsdóttir, sem bæti kynjahlut-
föll í sveitarstjórn.
Jón Hrói Finnsson, fráfarandi
sveitarstjóri Svalbarðsstrandar-
hrepps, segist aðspurður ekki vilja
tjá sig um deiluna. Hann sé að leita
sér að nýrri vinnu. Spurður hvort
hann sækist eftir stöðunni áfam
ef ákvörðun sveitarstjórnar verður
endurskoðuð segir hann að hann
myndi e.t.v. hugsa sinn gang ef til
hans yrði sérstaklega leitað.
Steinsmiðja Akureyrar • Glerárgötu 36 • S: 466 2800 • sala@minnismerki.is • www.minnismerki.is
Opnunartímar: Mán. - fim. kl. 13:00-18:00, föst. kl. 13:00-17:00
Frábært úrval af minnismerkjum!
Fagmennska • Gæði • Gott verð • 25 ára reynsla
FRÉTTASKÝRING
Björn Þorláksson
EIRÍKUR HAUKUR HAUKSSON: Telur að
óánægjan sé úr sögunni.
GRÉTAR ÞÓR EYÞÓRSSON: Telur enn
ekki of seint fyrir sveitarfélagið Sval-
barðsstrandarhrepps að endurskoða
ákvörðun sína. Betri stjórnsýsla að
auglýsa stöðu sveitarstjóra.
HINRIK MÁNI JÓHANNESSON VERKTAKI:
Segir allt brjálað í samfélaginu. Vill
íbúafund sem opinn verði blaða-
mönnum.
ÍBÚAR Í SVALBARÐSSTRANDARHREPPI skiptast í tvö horn eftir að Eiríkur Haukur
Hauksson var ráðinn sveitarstjóri án auglýsingar. Annar hópurinn segir Eirík
duglegan og snjallan en hinn hópurinn talar um „valdarán“.