Bæjarins besta - 08.01.2009, Blaðsíða 7

FIMMTUDAGUR 8. JANÚAR 2009 7
Gettu betur er enginn leikur
Spurningakeppni framhalds-
skólanna Gettu betur skipar sér
stóran sess í hjarta landsmanna.
Hún hefur alla tíð haft mikið
áhorf og fjölskyldurnar samein-
ast fyrir framan sjónvarpsskjá-
inn til þess að berja ungu snill-
ingana augum sem virðist vita
nokkurn veginn allan fjandann.
Í tæpan klukkutíma sitja þessar
ungu mannvitsbrekkur og svara
spurningunum eins fljótt og
mögulegt er, þó að þeir hafi
bara heyrt fyrsta orðið af fimm
setninga spurninga. Þetta virðist
vera leikur einn fyrir þeim en
það sem ekki allir vita er að
bakvið alla þessa þekkingu
liggja blóð, sviti og tár. Lið
Menntaskólans á Ísafirði er þar
ekki undanskilið. Þeir Halldór
Smárason, Hjalti Már Magnús-
son og Gunnar Atli Gunnarsson
skipa lið MÍ. Við litum inn á
æfingu hjá þeim á nýársdag og
áttum við þá létt spjall og tókum
þá í hraðaspurningakeppni í lok
viðtalsins . Æfingin fer fram á
heimili Halldórs og þegar inn
er komið sitja þeir Gunnar Atli
og Halldór niðursokknir í fróð-
leik og andspænis þeim situr
aðstoðarmaður þeirra, Baldur
Sigurlaugsson sem leggur fyrir
þá hraðaspurningar.
–Er þetta einn af þessum
þrælum sem þið voruð að segja
mér frá?
Gunnar Atli: „Nei hann Bald-
ur er ekki þræll. Fengum hann
hingað til að lesa hraðaspurn-
ingar fyrir okkur. Þrælar liðsins,
eins og við viljum kalla þá, sjá
um að afla okkur upplýsinga og
spyrja okkur hraðaspurninga.
Þeir komust ekki í kvöld og
Baldur hljóp í skarðið.“
–Sjálfviljugur þræll. Það
hljómar nýtt af nálinni. Hvar er
Hjalti?
„Hann er rétt ókominn,“ segir
Halldór og við þau orð rennur
Hjalti í hlað g beinast liggur því
beinast við að spyrja Hjalta, laf-
móðan, hvert er hans hlutverk í
liðinu en drengirnir hafa skipt
með sér spurningaflokkum til
þess að æfingar verði skipulagð-
ari.
Hjalti: „Mín sterkasta hlið eru
íþróttaspurningar. Ég hef mik-
inn áhuga á þeim en það sem ég
á að læra utan að er einhver
helvítis hellingur. Erlendar bók-
menntir, landafræði, ummæli,
list, söfn og setur á landinu...“
-Þetta hljómar svolítið sem
mikið efni að læra. Hvernig
gengur þér að muna allt þetta?
Ertu með einhverja séraðferð
sem hentar þér?
Páfagaukslærdómur
Hjalti: „Mér gengur ágætlega
að muna þetta. Þetta er svolítill
páfagauka lærdómur.“
–En hvert er þitt sérsvið
Gunnar Atli?
Gunnar: „Ég fylgist vel með
málefnum líðandi stundar, er
frekar vel að mér í þeim efnum.
En fyrir keppnina þá hef ég lært
utan að landsímanúmer, Nó-
belsverðlaunahafa, goðafræði,
sjónvarþætti, óskarsverðlaun,
ráðuneyti, forstjóra, ritstjóra og
bankamál. Eftir kreppuna tók-
um við þann pól í hæðinni að
Halldór tekur eldri bankamálinn
og ég tek það sem hefur gerst
eftir einkavæðingu. Halldór er í
bankamálum frá stofnun þeirra
til 2000.
–En Halldór, hvert er þitt
sérsvið?
Halldór: „Ég myndi segja að
saga og landafræði eigi vel við
mig. Mig líkar ágætlega að læra
einhverja lista líkt og úr bók-
menntum. Læra það sem festist
í hausnum. Svo erum við búnir
að reyna að lesa inn á dómara
keppninnar, Davíð Þór. Hann
er guðfræðingur að mennt og
þess vegna skelltum við biblí-
una á Hjalta.“
–Hvernig gengur að læra
Biblíuna?
Hjalti: „Halldór lét mig hafa
einhverja töfrabók um Biblíuna.
Hún heitir Biblían á hundrað
mínútum. Ég hef því hlustað á
hana og les greinar á netinu.
Þetta er svolítið erfitt. Biblían
er ekkert smá löng,“ segir Hjalti
og þeir félagar skella samstundis
upp úr.
Halldór: „Svo er geimurinn
líka mikið efni að læra utan af.“
Hjalti: „Já, já, og af hverju fæ
ég að læra þessar helvítis plöntur
utan af ár eftir ár?“
Halldór: „Við vorum búnir
að ræða þetta Hjalti minn. Það
sem fjarþjálfari okkar, Stefán
Pálsson hefur lagt ríka áherslu
á er að við æfum hraðaspurn-
ingar vel. Þaðan koma flest stig-
in og geta haft úrslitaáhrif á
hver vinnur keppnina.“
–Hafið þið eitthvað farið út í
andlegu hliðina á keppninni?
Gunnar Atli: „Við höfum lagt
áherslu á keppnina sjálfa og
hvernig við högum okkur þar.
MÍ hefur alltaf keppt í Svæðis-
útvarpi Vestfjarða en í ár förum
við suður og tókum þátt í salnum
þar. Það munar mikið um að
heilsa upp á dómarann og spjalla
við hann fyrir keppnina því ef
að upp kemur vafaatriði þá er
oftast léttara fyrir hann að dæma
vafaatriði í vil hressu gauranna
sem spjölluðu við hann fyrir
keppnina heldur en einhverja
gaura sem eru í heyrnatólunum
hans.“
–Hefur þetta verið draumur
ykkar frá því þið voruð börn að
taka þátt í keppninni?
Hjalti: „Það er draumur okkar
að komast í sjónvarpshluta henn-
ar.“
Halldór: „Já, og líka draumur
okkar að fá að taka þátt.
Hjalti: „Ef við komumst í
sjónvarpshluta keppninnar þá
finnst mér að útskrifa eigi okkur
úr skólanum með 140 einingar.“
Halldór: „Þetta eru trúar-
brögð. Þessi lið sem komast ár
eftir ár í sjónvarpið eru búin að
leggja gríðarlega mikla vinnu á
sig til þess að komast þangað.
Þetta er ekki einhver leikur.“
Við létum staðar numið á
þessu stutta spjalli við lokaorð
Halldórs og blaðamaður ákvað
að reyna á liðið með hraðaspurn-
ingum sem hann útbjó fyrir
drengina.
–Hver trommaði fyrst með
Bítlunum?
Halldór og Gunnar: „Pete
Best.“ (Rétt)
–Hvaða ár og í hvaða borg
vann Bjarni Friðriksson brons-
verðlaun í júdó á Ólympíuleik-
unum?
Halldór: „1984 í Los Angel-
es.“ (Rétt)
–Hvaða ár var Morgunblaðið
stofnað?
Halldór: „1913.“ (Rétt)
–Hvaða krydd er notað á graf-
lax?
Halldór: „Dill.“ (Rétt)
–Hvert er lengsta fljót í Evr-
ópu og í hvaða landi er það?
Halldór: „Volga í Rússlandi.“
(Rétt)
–Hvert er stærsta samfellda
láglendissvæði jarðar?
Gunnar: „Við pössum á þessa.“
(Rangt. Rétt svar: Síberíuslétt-
an.)
–Hvar var fyrsta Parísahjólið
smíðað?
Gunnar Atli: „Við segjum
London.“ (Rangt. Rétt svar:
Bandaríkjunum.)
–Hverjir hafa gegnt stöðu for-
seta Íslands?
Hjalti: „Sveinn Björnsson,
Ásgeir Ásgeirsson, Kristján
Eldjárn, Vigdís Finnbogadóttir
og Ólafur Ragnar Grímsson.“
(Rétt)
–Hver er aðalpersóna Heims-
ljóss eftir Halldór Laxness?
Hjalti: „Ljósvíkingurinn Ólaf-
ur Kárason.“
–Hvernig komust Danir inn á
Evrópumótið í knattspyrnu árið
1992?
Halldór: „Það var af því að
Júgóslavíu var meinuð þátttaka
vegna stríðsástands í landinu.“
(Rétt)
Átta spurningar réttar af tíu
mögulegum. Ágætis frammi-
staða hjá liðinu. Miðað við nið-
urstöðu spurninganna og hversu
hratt þeir svöruðu fær liðið átta
í einkunn frá Bæjarins besta.
– birgir@bb.is
Halldór Smárason, Gunnar Atli Gunnarsson og Hjalti Már Magnússon.