Bæjarins besta - 08.01.2009, Blaðsíða 22

22 FIMMTUDAGUR 8. JANÚAR 2009
Margir byrja nýja árið á átaki og ætla að snúa til heilbrigðari lífs-
hátta eftir gegndarlaust átið yfir hátíðirnar. Þeir eru ófáir sem
hafa strengt þess heit á nýárinu að koma sér í form og losna loks
við óæskilegu aukakílóin. Líkamsræktarstöðvar fyllast fyrsta
mánuðinn á árinu en heimsóknum fer síðan óðum fækkandi því
fáir halda út í átakinu. Bæjarins besta leitaði svara við því af
hverju svo margir gefast upp og hvaða góðu ráð er gott að hafa að
leiðarljósi þegar fyrstu skrefin til heilbrigðara lífernis eru stigin.
Einkaþjálfarinn Árni Ívar Heiðarsson sat ekki á svörunum.
–Hvaða ráð gefur þú fólki sem ætlar að taka á því eftir jólaslen-
ið?
„Það er langbest að byrja á því að velja sér hreyfingu sem við-
komandi finnst skemmtileg. Hvort sem það er að synda, ganga
eða hvað sem er. En kosturinn við líkamsræktarstöðvar er sá að
það er hægt að gera svo fjölbreytta hluti þar. Það er hægt að lyfta
lóðum, hlaupa, hjóla og ýmislegt fleira. Einnig er það ekki vit-
laus hugmynd að fá sér þjálfara til að koma sér af stað. Þeir geta
hjálpað manni við að setja sér raunhæf markmið og kenna manni
réttu handtökin. Svo skiptir miklu máli að finna jafnvægi milli
hreyfingar og matarræðis. Þessar gullnu reglur þekkja flestir; að
drekka meira vatn, hreyfa sig meira, passa sykurinn og borða
reglulega og hollar máltíðir, meðal annars meira grænmeti og
ávexti. Ég myndi segja að fimm lykilatriði þess að ná árangri séu
hreyfing, rétt mataræði, hvíld, vellíðan og gleði.
Það að hreyfa sig hefur alveg gríðarlega góð áhrif bæði á lík-
amlega og andlega heilsu. Manni líður mikið betur, ekki síst í
skammdeginu og þegar neikvæðar fréttir dynja á manni eins og
á seinnihluta þessa árs. Það skiptir líka miklu máli að sleppa ekki
morgunverðinum og hafa skammtana hóflega. Fólk þarf að setja
sér markmið, skrifa þau niður, búa til plan og skuldbinda sig til
að standa við það. Og svo er bara að vera þolinmóður og jákvæð-
ur. Streita getur verið mjög slæm þegar maður er að reyna koma
sér í form svo það er um að gera að reyna af fremsta megni að
njóta lífsins og hafa gaman af því sem maður er að gera.“
– Nú fyllast líkamsræktarstöðvar vanalega strax eftir áramót
en smátt og smátt fækkar í þeim aftur og fólk gefst upp. Af hverju
heldurðu að það stafi?
„Óþolinmæði. Líka það að fólk hefur ekki sett sér skýra stefnu.
Maður verður að átta sig á því hvað mann langar að gera til
dæmis í sumar. Maður þarf að finna sér markmið, hvort sem það
er að hlaupa Óshlíðarhlaupið, upp í Naustahvilft eða missa 10 kg.
Allt er hægt ef fólk setur sér þriggja til fjögurra mánaða markmið.
Góðir hlutir gerast hægt og það er ekki nóg að æfa í mánuð og
hætta svo. Maður þarf að tileinka sér breyttan lífstíl og þá er allt
hægt. Það hefur ekkert upp á sig að byrja að æfa í janúar og ætlast
til að missa 10 kg strax, það bara gerist ekki þannig. En það er
hægt að ná flottum árangri ef maður byrjar í janúar og setur sér
markmið fram í júní. Segjum sem svo að viðkomandi missi 2,5
kg á mánuði þá missir hann 12,5 kg á fimm mánuðum sem er
nátt-úrulega mjög gott. Svo eru nú ekki allir sem vilja eða þurfa
að grenna sig. Sumir þurfa að auka þol og bæta heilsuna, það
eykur vellíðanina.
Stúdíó Dan er orðin mjög flott stöð og
mikið komið af nýj- um tækjum og við
reynum að bjóða upp á sem besta
þjónustu. Mjög gott er því að æfa þar
og því ekki eftir neinu að bíða að
hressa sig við á nýju ári með reglu-
legri hreyfingu. Þar getur fólk líka
haft samband við mig ef það vill fá
einhverja aðstoð. Þótt það sé ekki
nema smá spjall um hvernig best sé að
ná sínum markmið- um. Aðalatrið-
ið er bara að byrja.“
Lífs stíll Lykilatriði að setjasér raunsæ markmið
Kjarninn
eftir Pétur Tryggva
Meðal sýningargripa á hinni
árlegu listsýningu og listakaup-
stefnu COLLECT í London á
nýliðnu ári var silfurskálin Kjarni
eða Core eftir Pétur Tryggva
silfursmið á Ísafirði. Arkitektinn
heimsfrægi Sir Norman Foster
keypti skálina og hefur hana í
kastala sínum í Sviss ásamt
öðrum listaverkum og listmun-
um sem hann hefur safnað. Á
forsíðu netkynningar COLL-
ECT fyrir næstu sýningu á kom-
andi vori er stór mynd af Core
sem helsta aðdráttarafli síðustu
sýningar.
Pétur Tryggvi Hjálmarsson
er Ísfirðingur að uppruna en
fluttist ungur til Reykjavíkur,
þar sem hann stundaði nám í
gull- og silfursmíði. Fyrstu sýn-
ingu sína hélt hann í Bogasal
Þjóðminjasafnsins árið 1979 en
allt frá þeim tíma hafa verk hans
verið á fjölmörgum listsýning-
um víða um lönd. Árið 1981
hélt hann til Kaupmannahafnar
til frekara náms í listgrein sinni
næstu árin. Hann sneri síðan
aftur heim til Íslands en gerði
stuttan stans og settist að í
Kaupmannahöfn árið 1988. Þar
var hann búsettur allt til 2001
þegar hann fluttist á æskuslóð-
irnar á Ísafirði, þar sem hann
hefur haft vinnustofu sína síðan.
Um þessar mundir vinnur Pét-
ur Tryggvi að því að koma sér
upp annarri vinnustofu í Kaup-
mannahöfn enda er honum fé-
lagsskapurinn þar náinn. Hann
hefur í mörg ár verið félagi í
hinu fámenna og lokaða gildi
danskra silfursmiða og raunar
eini útlendingurinn í þeim fé-
lagsskap. Hann hyggst samt
hafa vinnustofu sína á Ísafirði
áfram og koma heim til ein-
hverrar dvalar öðru hverju.
Pétur Tryggvi hefur hlotið
margvíslegar viðurkenningar
fyrir verk sín, allt frá Íslandi og
Danmörku til Japans. Fyrir
tveimur árum hlaut hann nafn-
bótina bæjarlistamaður Ísafjarð-
Hönnun mín
arbæjar.
Aðferðina við smíði silfur-
skála í ætt við Kjarnann eða
Core þróaði Pétur Tryggvi sjálf-
ur á nokkrum undanförnum ár-
um. Hráefnið er silfurplata og
einu verkfærin eru hamar og
steðji þar sem hann formar
silfrið með óteljandi fíngerðum
höggum. Sjálfur sagði hann
reyndar eitt sinn að Kjarninn
væri smíðaður með 400 gramma
hamri og óendanlegri þolin-
mæði. Þegar Pétur Tryggvi
hófst handa við skálina árið
2007 var hann með í höndunum
átta kílóa ferhyrnda silfurplötu,
40 cm á kant og 5 mm á þykkt.
Nokkrum mánuðum síðar var
verkið fullgert.