Bæjarins besta - 22.01.2009, Blaðsíða 8

8 FIMMTUDAGUR 22. JANÚAR 2009
Afdrifaríkasta ákvörðun lífs þíns?
Að koma út úr skápnum.
Hvar langar þig helst að búa?
Í Sóltúni á Ísafirði.
Hver var hamingjusamasta stund lífs þíns?
Þegar mamma sagði mér að ég væri himneskur
Mestu vonbrigði lífs þíns?
Þegar Lennon var myrtur.
Mesta uppgötvunin í lífi þínu?
Ástin.
Uppáhaldslagið?
Ó Jesú bróðir besti.
Uppáhaldskvikmyndin?
Margar, en Guðföðurs-myndirnar koma upp í hugann.
Uppáhaldsbókin?
Vefarinn mikli frá Kasmír, Brekkukotsannáll og Hundrað ára
einsemd.
Ógleymanlegasta ferðalagið?
Þau eru mörg, en ég get ekki gleymt þjóðhátíðinni 1974 í
Vatnsfirði og bíltúrnum sem henni fylgdi.
Uppáhaldsborgin?
New York.
Besta gjöfin?
Ástin.
Telur þú að líf sé á öðrum hnöttum?
Já og hellingur af því.
Hvaða hlut geturðu alls ekki verið án?
Tækja sem spila tónlist.
Fyrsta starfið?
Sendill hjá Póst og Síma á Ísafirði þegar ég var 12 ára.
Draumastarfið?
Að vera Guð.
Hvaða frægu manneskju hefur þér verið líkt við?
Marilyn Monroe
Fallegasti staðurinn á Íslandi?
Ísafjarðarkaupstaður klukkan fimm að morgni sunnudags.
Skondnasta upplifun þín?
Þegar ég varð ástfanginn í fyrsta skipti.
Aðaláhugamálið?
Fólk.
Besta vefsíðan að þínu mati?
WhoIsDead.com.
Hvað ætlaðir þú að verða þegar þú yrðir stór?
Heilaskurðlæknir eða flugmaður.
Hver er þinn helsti kostur að þínu mati?
Frekja.
En helsti löstur?
Hógværð.
Besta farartækið?
Ísland ehf.
Hver er uppáhaldshátíðardagurinn þinn?
Heimir Már Pétursson er einna þekktastur sem
fjölmiðlamaður og stjórnmálafræðingur en einnig
hefur hann vakið athygli sem framkvæmdastjóri
hinnar sívinsælu hátíðar Hinsegin dagar þar sem
fagnað er fjölbreytileika mannkynsins. Í nóvember
gaf hann út sitt fimmta ljóðasafn og það er því ljóst
að Heimir á sér margar hliðar.
Inn að beini
Heimir Már Pétursson,
skáld og fréttamaður
Gamlársdagur – svo frábært að hafa náð einu ári í viðbót.
Til hvaða manneskju lítur þú mest upp til?
Mömmu og John Lennon.
Ef þú mættir heita hvað sem er, hvað myndirðu heita?
Hamar.
Á hvaða tíma sólarhrings kanntu best við þig?
Klukkan korter í fimm að morgni.
Í hvaða stjörnumerki ertu?
Nautinu.
Lífsmottóið þitt?
666.
„Myndin er tekin við íbúðarhúsið í
Ögri. Þ.e. íbúðarhúsið sem pabbi og
mamma hafa búið í síðan þau tóku við
búskap í Ögri árið 1967. Íbúðarhúsið var
fram að því uppi við kirkjuna (það hús er
byggt 1894). Á þeim tíma (1967) var það
orðið lélegt en hefur nú verið gert upp og
þjónar starfsfólki Landsbanka Íslands.
Á myndinni er ég ásamt Hafliða bróður
mínum. Þessi mynd er trúlega tekin
sumarið 1975 (ég 11 ára). Þarna er ég
ennþá ljóshærður en varð dökkhærður á
aldrinum 11-12 ára.“
Halldór Halldórsson, bæjarstjóri
Ísafjarðarbæjar.
Æsku myndin
Samdrátt-
ur í fiskafla
Afli landaður á Vestfjörð-
um dróst saman á síðasta ári
miðað við árið 2007. Á tíma-
bilinu janúar til desember var
16.838 tonnum landað af
þorski í vestfirskum höfnum
í fyrra miðað við 18.063 árið
og nemur samdrátturinn því
9%.
Einnig dregst ýsuaflinn lít-
illega saman en hann var
12.201 tonn á síðasta ári en
var 12.755 tonn árið 2007.
Mesti þorskaflinn Vestfirð-
inga kom á land í Bolungarvík
eða 4.749 tonn en því næst
kom Ísafjörður með 3.711
tonn. Sömu sögu er að segja
af ýsuaflanum en þar voru
Bolvíkingar með 2.930 tonn
en Ísfirðingar 2.470 tonn.
47 gjald-
þrotabeiðnir
Gjaldþrotabeiðnir til Hér-
aðsdóms Vestfjarða á síðasta
ári voru 47 og fjölgaði um
þrettán frá árinu 2007. Á
tímabilinu september til des-
ember í fyrra voru gjaldþrota-
beiðnir til Héraðsdómsins 14
en voru 15 á sama tímabili
árið 2007.
Á fyrstu níu mánuðum síð-
asta árs voru gjaldþrotabeiðn-
ir 33 á móti 22 árið 2007.
Gjaldþrotabeiðnir hafa ekki
borist til héraðsdómsins á
nýju ári.
Úlfar ehf.,
bauð lægst
Bæjarráð Ísafjarðarbæjar
hefur samþykkt að gengið
verði til samninga við Úlfar
ehf., um lóðarfrágang við
dvalarheimilið Tjörn á Þing-
eyri, með þeim fyrirvara að
staðfesting á hlut heilbrigð-
isráðuneytis í verkinu berist.
Úlfar ehf., bauð lægst í verkið
en fjögur tilboð bárust. Tilboð
Úlfars hljóðaði upp á 10,7
milljónir króna eða 64,3% af
kostnaðaráætlun.
Einnig bauð Brautin sf.,
15,3 milljónir króna, Gröfu-
þjónusta Bjarna bauð 13,5
milljónir og Sigmundur F.
Þórðarson bauð 12,4 millj-
ónir. Kostnaðaráætlun hljóð-
aði upp á 16,6 milljónir króna.
Heilbrigðiseftirlitið áformar
að leggja 10 milljónir til
verksins og er gert ráð fyrir
að þeir fjármunir komi fljót-
lega.