Bæjarins besta - 21.05.2009, Blaðsíða 3

FIMMTUDAGUR 21. MAÍ 2009 3
Skuldir jukust um 460
milljónir á fimm árum
Heildarskuldir og lífeyris-
skuldbindingar Ísafjarðarbæjar
námu 3,9 milljörðum króna í árs-
lok 2007 og höfðu þá aukist um
rúmar 460 milljónir frá árinu
2002. Þetta kemur fram í svari
Halldórs Halldórssonar bæjar-
stjóra við fyrirspurn frá Sigurði
Péturssyni, bæjarfulltrúa Í-list-
ans, um skuldir Ísafjarðarbæjar
1996-2008. Þar sem ársreikning-
ur er enn í vinnslu liggja upplýs-
ingar um skuldastöðu sveitarfé-
lagsins síðasta árs ekki fyrir.
Frá árinu 1996 jukust heildar-
skuldir Ísafjarðarbæjar úr 1.446
milljónum í 3.913 milljónir
króna. Varað er þó við að hætt sé
við ónákvæmni á sameiningar-
árinu 1996 en þá er byggt á árs-
hlutareikningum 6 sveitarfélaga.
Þá voru skuldir endurmetnar á
árunum 1998-2001 vegna félags-
lega húsnæðiskerfisins og reynd-
ust þær hærri en reiknað var með
við sameiningu.
Bæjarstjóri bendir á að nýjar
reglur um ársreikninga tóku gildi
2002 og var þá byrjað að reikna
lífeyrisskuldbindingar inn í heild-
arskuldir bæjarins. Eru því árin
1996-2001 ekki að fullu saman-
burðarhæf við árin 2002-2007.
Hafa þær hækkað úr 470 milljón-
um árið 2002 í 781 milljón árið
2007, eða um 311 milljónir.
Beitu- og krókastærð skiptir
verulegu máli við línuveiðar
samkvæmt rannsókn á stærðar-
vali á þessum þáttum sem Haf-
rannsóknastofnunin hefur unnið
að. Rannsóknirnar hafa staðið
yfir frá því í fyrra og hafa nú
þegar verið farnir fimm dagróðr-
ar með Ramónu ÍS sem gerð er
út frá Ísafirði. Gerður hefur verið
samanburður á fimm mismun-
andi krókastærðum og tveimur
beitustærðum. Aflabrögð hafa
verið misjöfn eins og gengur, en
þokkalegur ýsu-, þorsk- og stein-
bítsafli hefur fengist. „Stærri
fiskur bítur frekar á stóra beitu
og að sama skapi veiðist mun
meiri smáfiskur ef beitan er smá.
Þó beitustærðin sé meira afger-
andi þáttur en krókastærð, þá
skiptir krókastærð einnig máli
og að jafnaði veiðist stærri fiskur
á stærri króka við línuveiðar“,
segir í á vef Hafró um niðurstöð-
urnar.
Þrátt fyrir að sambærilegar rann-
sóknir hafi verið framkvæmdar
erlendis hefur ekki verið sýnt
með óyggjandi hætti að króka-
stærð hafi áhrif á stærðarval við
línuveiðar. Áhrif beitustærðar á
stærðarval er hins vegar betur
þekkt, en mönnum hefur ekki
borið gæfa til að blanda króka-
og beitustærðum saman á nægi-
lega skipulega hátt til að draga
skýra mynd af áhrifunum.
„Upplýsingar um stærðarval
mismunandi króka- og beitu-
stærða nýtast sjómönnum sem
geta þannig meðvitað beitt veið-
arfærinu til að hámarka verðmæti
afla á sóknareiningu. […] Náist
að draga úr smáfiskadrápi eykst
aflaverðmæti til lengri tíma litið“,
segir í skýrslu um niðurstöðurnar
sem nálgast má á hafro.is.
Stærri fiskur veið-
ist á stærri króka
Bolungarvík tapaði 116 milljón-
um króna á síðasta rekstrarári
Tap á rekstri Bolungarvíkur-
kaupstaðar nam 116 milljónum
króna árið 2008. Rekstrartekjur
námu 617 milljónum króna og
voru 49 milljónum króna yfir
áætlun. Hagnaður fyrir afskriftir
og vexti var 79 milljónir króna á
móti 67 þúsund króna tapi rekstr-
arárið á undan. Viðsnúninginn
má það 14% aukningu á tekjum
miðað við árið á undan sem og
að laun hækkuðu einungis um
1,3% og annar rekstrarkostnaður
lækkaði um 5%. Rekstrargjöld
fyrir afskriftir og fjármagns-
kostnað námu fimm milljónum
króna eða 1% yfir endurskoðaðri
fjárhagsáætlun.
Framlag A-hluta til B-hluta
sjóða var 63 milljónir króna.
Gríðarlegur fjármagnskostnaður
skýrir mikinn rekstrarhalla á ár-
inu 2008. Þannig hefur fjár-
magnskostnaður samstæðunnar
þrefaldast á milli ára og hækkað
úr 54 milljónum króna í 169
milljónir króna. Þar af var fjár-
magnskostnaður B-hluta sjóða
107 milljónir króna. Eigið fé
samstæðunnar var neikvætt í árs-
lok um 179 milljónir króna en
eigið fé A hluta var jákvætt um
125 milljónir króna.
Algjör viðsnúningur hefur orð-
ið í veltufé frá rekstri frá árinu
2007 þegar það var neikvætt um
tólf milljónir króna. Á árinu 2008
var veltufé frá rekstri jákvætt um
46 milljónir króna og er því um
58 milljón króna bata að ræða
frá árinu á undan. Til þess að
sveitarfélagið geti staðið undir
afborgunum af lánum þarf þó að
gera enn betur. Á árinu 2008
námu fjárfestingar sveitarfélags-
ins 176 milljónum króna. Þar
munar mest um endurbyggingu
félagsheimilisins, en einnig var
fjárfest í snjóflóðavörnum og
stálþili á höfn. Afborganir lang-
tímalána námu 102 milljónum
króna en sveitarfélagið tók ný
langtímalán að upphæð 101
milljón króna.
Hagnaður Bolungarvíkurhafn-
ar árið 2008 var 4,7 milljónir
króna. Tekjur hafnarinnar jukust
um tæp 20% og rekstrargjöld
lækkuðu um tæp 9%. Þá hækkaði
fjármagnskostnaður um 90% á
milli ára. Skuldir og skuldbind-
ingar sveitarfélagsins aukast úr
960 milljónum króna árið 2007 í
1.195 milljónir króna á árinu
2008, en nettóskuldir aukast úr
846 milljónir króna í 1.069 millj-
ónir króna eða um 223 milljónir
króna. Fastafjármunir hækka á
sama tíma úr 783 milljónum
króna í 891 milljónir króna eða
um 108 milljónir króna. Stefnt
er að því að Bolungarvíkurkaup-
staður skili rekstrarafgangi á ár-
inu 2009. – birgir@bb.is