Bæjarins besta - 23.08.2012, Blaðsíða 6

6 FIMMTUDAGUR 23. ÁGÚST 2012
Útgefandi: Gúttó ehf., kt. 680501-2620, Silfurgötu 1, 400 Ísafjörður, sími 456 4560, fax 456 4564. Ritstjóri: Sigurjón J. Sigurðsson,
sími 892 5362, bb@bb.is. Blaðamenn: Thelma Hjaltadóttir, símar 456 4693 og 849 8699, thelma@bb.is. · Guðmundur Björn Þorbjörnsson,
sími 692 8686, gudmundur@bb.is · Ritstjóri netútgáfu bb.is: Sigurjón J. Sigurðsson. Ljósmyndari: Halldór Sveinbjörnsson, sími 894 6125,
halldor@bb.is. Ábyrgðarmenn: Sigurjón J. Sigurðsson og Halldór Sveinbjörnsson. Lausasöluverð er kr. 400 eintakið m. vsk. Veittur er afsláttur
til elli- og örorkulífeyrisþega. Einnig sé greitt með greiðslukorti. Önnur útgáfa: Ferðablaðið Á ferð um Vestfirði. ISSN 1670 - 021X
Spurningin
Styður þú réttindabar-
áttu samkynhneigðra?
Alls svöruðu 486.
Já sögðu 348 eða 72%
Nei sögðu 138 eða 28%
Netspurningin er birt viku-
lega á bb.is og þar geta
lesendur látið skoðun sína
í ljós. Niðurstöðurnar eru
síðan birtar hér.
Helgarveðrið
Horfur á föstudag:
Norðaustlæg eða
breytileg átt. Víða
rigning á sunnanverðu
landinu, en skýjað og
úrkomulítið fyrir norðan.
Heldur kólnandi.
Horfur á laugardag
og sunnudag:
Norðaustan- og
austanátt. Víða skúrir
og hiti 5 til 15 stig,
hlýjast suðvestanlands
en svalast á annesjum
fyrir norðan.
Ritstjórnargrein
Vegurinn að heiman er vegurinn heim
Halda má til haga að á blómatíma togaraútgerðar og frystihúsa
kom þriðjungur aflaverðmætis frystra afurða á Bandaríkjamarkað
frá Vestfjörðum. Síðari tíma fyrirkomulag fiskveiða á Íslandi er
óþarfi að rekja. Horfast verður í augu við að fiskveiðar og fiskvinnsla
nær trúlega aldrei sömu hæðum í atvinnulífi Vestfirðinga og áður.
Þann tíma ársins sem þeim er einungis heimilt að mæna dreymnum
augum til hafs verða þeir því að finna sér eitthvað annað til dundurs
en að sækja gull í greipar hafsins.
Ferðaþjónusta er sögð vera orðin þriðji stærsti atvinnuvegur
landsmanna. Hvaðanæva af landinu berast fregnir um um fram-
kvæmdir sem allar miða að því að taka á móti ferðamönnum. Fjós-
um og frystihúsum er umbylt í hótel og alls kyns söfnum komið á fót
til uppfræðslu erlendra trúrista um hvernig mörlandinn lifði af öld-
um saman við aðstæður sem lagt hefðu normal þjóðflokka að velli;
að ekki sé minnst á sögusetur um forna kappa, sem hjuggu menn í
herðar niður fyrir það eitt að þeir lágu vel við höggi. Stríðsuppöldum
útlendingum þykir mannsbragur að slíku.
Ef væntingar ganga eftir getur fyrirhugað Fosshótel á Patreksfirði
orðið lyftistöng fyrir byggðarlagið. En, hótelið eitt og sér nægir
ekki. Hótel þrífst ekki án gesta og til að gestir geti komist að hótelinu
þurfa samgöngur að vera í boði. Nú reynir á að ríkisvaldið sjái sóma
sinn í að koma á boðlegu vegakerfi við landshlutann. Heilsársvegir
innan Vestfjarða og við aðra landshluta er forsenda þess að Vest-
firðingar geti talist hlutgengir í móttöku ferðamanna. Án greiðra og
öruggra samgönguleiða getum við gleymt öllum draumum um
ferðaþjónustu á Vestfjörðum. Vegurinn að heiman og vegurinn
heim verður að vera greiðfær allt árið.
Vestfirðir hafa vissulega upp á margt að bjóða. Stór hluti þjóðar-
innar hefur aldrei stigið þar niður fæti og margur hver landinn hefur
fram til þessa talið áhættu í því fólgna að leggja leið sína vestur.
(Bíllinn gæti skemmst á holóttu götutroðningunum!) Útlendingar,
sem hingað hafa komið eiga flestir hins vegar eina ósk við brottför:
að koma aftur.
Vestfirðingar eru sér meðvitaðir um að lokamarki í ásættanlegum
samgöngum um Vestfirði verður ekki náð einn, tveir og þrír. En þeir
krefjast þess að til að vega upp áratuga vanrækslu verði nú þegar
gengið rösklega til verks og sleitulaust haldið áfram þar til samgöngur
á Vestfjörðum geta með sanni talist boðlegar.
Hreint út sagt eru Vestfirðingar orðnir langþreyttir á að verma
efsta sæti niðurskurðarlista ríkisvaldsins, í vegagerð sem öðru, ára-
tugum saman.
s.h.
Undirbúningur Bláberja-
daga í Súðavík er á lokastigi
en bæjarhátíðin verður hald-
in í annað sinn dagana 24. -
26. ágúst. „Þetta lítur allt
vel út og við erum að leggja
lokahönd á undirbúninginn
enda hátíðin rétt handan við
hornið,“ segir Eggert Niel-
sen einn skipuleggjenda há-
tíðarinnar. Um er að ræða
nokkurs konar uppskeruhá-
tíð þar sem þemað er bláber.
Á dagskránni kennir ým-
issa grasa en hún er afar
fjölskylduvæn. Þá verða
handverk og ýmsar bláberja-
afurðir til sölu á markaðs-
torgi við Melrakkasetrið auk
þess sem slegið verður upp
flóamarkaði. „Við óskum
eftir því að fólk sem er með
listmuni, handverk eða eitt-
hvað annað sem þeir vilja
selja hafi samband við okk-
ur,“ bætir Eggert við.
Bláberjahlaupið verður á
sínum stað en keppt verður
í þremur vegalengdum,
hálfu maraþon, 10 km og 3
km. Bláberjamessa verður
að Eyri í Seyðisfirði og
keppt í uppskriftakeppni og
bláberjapæjuáti. Þá þykir
berjasprettan með betra
móti í ár og stefnir allt í
góða hátíð að sögn Eggerts.
– thelma@bb.is
Stefnir í
góða Blá-
berjadaga
Kanadísk góðgerðasamtök, On
Guard for Humanity, hafa gert
langtímasamning við vatnsfyrir-
tækið Brúarfoss Iceland ehf. á
Ísafirði um kaup á íslensku vatni.
Vatnið er ætlað til nota í flótta-
mannabúðum og víðar um heim
þar sem vatnsskortur ríkir eða
vatn er ódrykkjarhæft sökum
mengunar. Gert er ráð fyrir að
flytja vatnið út frá fimm stöðum
á landinu, þar á meðal frá Ísafirði.
Frá þessu er greint í Morgun-
blaðinu. Þar er haft eftir Alberto
de Sousa Costa, forstjóra og
stjórnarformanns samtakanna, að
vatnið verður flutt í sérhönnuðum
gámum sem uppfylla allar alþjóð-
legar kröfur. Þegar ákveðinni
eftirspurn hefur verið náð er fyr-
irhugað að notast við sérstök
tankskip við vatnsflutninginn.
Verkefnið er alþjóðlegt og
verður unnið í nánu samstarfi
við hjálparsamtök og frjáls fé-
lagasamtök sem aðstoða fórnar-
lömb stríðsátaka, náttúruhamfara
og annarra hamfara víða um heim
þar sem ekki er aðgangur að
hreinu vatni,“ segir Alberto.
Hann segir kaupin á íslenska
vatninu vera fjármögnuð með
framlögum og styrkjum frá ein-
staklingum í Kanada, einkaaðil-
um og opinberum stofnunum. Þá
munu samtökin fá fjármagn
vegna viðskipta með kolefnis-
kvóta í þeim löndum sem vatnið
verður flutt til. Hann segir verk-
efnið og hugmyndafræði þess
hafa fengið góðar móttökur bæði
erlendis og hér á landi. Fjölmörg
fyrirtæki á Íslandi, í Kanada og
Evrópu hafi sýnt mikinn áhuga.
Ísfirskt vatn flutt til þróunarríkja
„Það er allnokkuð um hús hér
sem eru notuð sem sumarhús og
eru í eigu brottfluttra Önfirðinga
eða utanaðkomandi fólks,“ segir
Guðmundur Björgvinsson for-
maður íbúasamtakanna á Flat-
eyri. Bæjarins besta greindi ný-
lega frá því að á Þingeyri sé orðið
erfitt fyrir fólk sem vill búa í
plássinu að festa kaup á húsnæði.
Mikið af húsunum á Þingeyri eru
því einungis sumarhús, en þótt
Guðmundur segi það vissulega
einnig eiga við á Flateyri, sé þó
hægt að finna þar húsnæði.
Húsnæðið er þó að sögn Guð-
mundar aðallega í eldri kantinum.
„Það er lítið til af nýju húsnæði
og það sem er til sölu er eldra
húsnæði og þarfnast aðhlynning-
ar.“ Guðmundur segir atvinnu-
stigið í bænum skipta öllu máli í
þessu samhengi. „Ef það er eitt-
hvað að gera er fólk að leita að
húsnæði. Atvinnustigið er dapurt.
Það er í raun sér kafli út af fyrir
sig hvernig stjórnvöld reyna að
hjálpa þessu bæjarfélagi,“ segir
Guðmundur, en hann er ósáttur
við að byggðakvóta hafi verið
úthlutað jafn seint og raun bar
vitni, og brátt sé veiðiárið á enda.
Lítið af nýju húsnæði á Flateyri
Flateyri við Önundarfjörð. Ljósm: © Mats.