Bæjarins besta - 23.08.2012, Blaðsíða 14
14 FIMMTUDAGUR 23. ÁGÚST 2012
Auglýsing um skipulagslýsingu vegna deili-
skipulagsgerðar í Vesturbotni í Vesturbyggð
Gerð hefur verið svokölluð lýsing vegna fyrirhugaðrar deiliskipulags í
frístundabyggð í Vesturbotni Skipulagslýsingin er nú til kynningar í sam-
ræmi við 30 gr. skipulagslaga nr. 123/2010.
Fyrirhugað deiliskipulag nær yfir hluta jarðarinnar Vesturbotn sem er í
eigu Vesturbyggðar. Skipulagssvæðið er um 80 ha að stærð. Helsta mark-
mið með gerð deiliskipulagsins er að bjóða upp á lóðir í fallegu umhverfi
þar sem áhugasamir einstaklingar eða félagssamtök geta m.a. unnið að
uppgræðslu og landbótum. Ennfremur verði lögð áhersla á að mynda
heildstætt frístundahúsahverfi, sem fellur sem best að umhverfinu. Öll
mannvirki, sumarbústaðir, lóðamörk og bílastæði verði eins lítið áberandi
og frekast er kostur.
Skipulagslýsingin er á heimasíðu Vesturbyggðar www.vesturbyggd.is
og hjá tæknideild Vesturbyggðar að Aðalstræti 75 frá 15. ágúst til 5. september 2012. Athuga-
semdir við skipulagslýsinguna skulu berast Skrifstofu Vesturbyggðar, Aðalstræti 63, 450 Patr-
eksfirði eigi síðar en 5. sept. 2012 og skulu þær vera skriflegar.
Eftir kynningu á skipulagslýsingunni verður fjallað um deiliskipulagið og það kynnt samkvæmt
skipulagslögum nr. 123/2010.
Ármann Halldórsson, byggingarfulltrúi Vesturbyggðar.
„Þessi tillaga er gjörsamlega
forkastanleg og mun hafa mikil
og neikvæð áhrif. Ekki síst á
Vestfjörðum og annars staðar á
landsbyggðinni. Þar er vandinn
sem við glímum við sá að tíminn
sem ferðamenn koma á er alltof
stuttur,“ segir Einar Kristinn
Guðfinnsson þingmaður Sjálf-
stæðisflokksins í Norðvestur-
kjördæmi. Einar er ósáttur við
áætlan stjórnvalda að hækka
virðisaukaskatt á gistingu á næsta
ári úr sjö prósent yfir í 25,5 prós-
ent. Einar segir að nýtingin á
fjárfestingum í ferðaþjónustu á
landsbyggðinni sé of lítill nú
þegar. „Vetrarferðamennska og
komur ferðamanna utan háanna-
tíma hefur aukist á síðustu árum,
en gallinn er sá að það skilar sér
í alltof litum mæli út á lands-
byggðina.“
Einar telur fyrirhugaða skatta-
hækkun stjórnvalda sérlega al-
varlega fyrir ferðaþjónustuna á
landsbyggðinni. „Og rökin fyrir
þessu eru ekki upp á marga fiska.
Það er bent á að aukning sé í
ferðaþjónustu og hún njóti góðs
af lægra gengi. Það er rétt. En á
það ekki við um aðrar greinar?“
segir Einar og bendir á endur-
greiðslu á sköttum vegna kvik-
myndagerðar sem laða að stór-
stjörnur. „Er þá ætlunin að hverfa
frá því? Matvæli eru í lægra þrepi
virðisaukaskatts og innlend mat-
vælaframleiðsla hefur styrkt
samkeppnisstöðu sína með lægra
gengi. Er þá ætlun ríkisstjórnar-
innar að hækka virðisaukaskatt á
matvæli?“
Ferðaþjónustu er ekki hægt að
tala um aðeins á tyllidögum og
setja henni svo stólinn fyrir dyrn-
ar að mati Einars, sem telur að
hækkunin muni komi illa við
vestfirska ferðaþjónustu „Ríkis-
stjórnin gumar af því að komum
ferðamanna hafi fjölgað vegna
þess að lagt hafi verið í markaðs-
átak með tilstyrk stjórnvalda.
Þessar boðuðu skattahækkanir
eru margöld sú upphæð sem ríkis-
sjóður lagði í það verkefni. Þetta
heitir því að taka það með vinstri
hendinni sem hin hægri réttir, og
margfalt það,“ segir Einar Krist-
inn Guðfinnsson.
– gudmundur@bb.is
Ósáttur fyrirhugaða hækkun
Hækkun virðisaukaskatts kemur
illa fyrir vestfirska ferðaþjónustu
„Ísland er ekki eini áfangastað-
urinn í heiminum og þar sem er
val er verð borðið saman. Það er
algerlega ljóst að þetta mun skila
sér út í verðlagið,“ segir Gústaf
Gústafsson framkvæmdastjóri
Markaðsstofu Vestfjarða. Stjórn-
völd áforma nú að hækka virðis-
aukaskatt á gistingu í maí á næsta
ári úr lægra skattþrepi, sem er
sjö prósent, í hærra skattþrepið
sem er 25,5 prósent. Samtök
ferðaþjónustunnar hafa mótmælt
áformum ríkisstjórnarinnar harð-
lega og segja að með þeim sé
dregið úr samkeppnishæfni ís-
lenskrar ferðaþjónustu. Gústaf
segir líklegt að ferðaþjónustan á
Vestfjörðum muni ekki þola slíka
hækkun.
„Það kæmi mér verulega á
óvart að þessi hækkun kæmi vel
við jafn árstíðabundin ferðaþjón-
usta og er á Vestfjörðum. Hlut-
verk opinberra aðila ætti frekar
að hlúa að þeim vaxtarsprota sem
að ferðaþjónustan er,“ segir Gúst-
af, sem telur ferðaþjónustuna
vera það mikla innspýtingu í hag-
kerfið að hún sé mun verðmætari
heldur en umrædd skattahækkun.
„Það kemur ekki vel við okkur
að hækka verðið núna. Án þess
að vera með nákvæmar tölur fyrir
framan mig tel ég að sú litla
upphæð sem er afgangs hjá ferða-
þjónustuaðilum á Vestfjörðum sé
notuð í uppbyggingu á mann-
virkjum og aðrar fjárfestingar.“
Oddný G. Harðardóttir fjár-
málaráðherra hefur sagt að nú sé
mikill vöxtur í ferðaþjónustunni
í landinu, en mikilvægt sé að
greinin vaxi á raunverulegum for-
sendum en ekki á grundvelli um-
bunar umfarm aðrar greinar.
Oddný vísar þar í 7% undanþágu
skattþrepið sem ferðaþjónustan
hefur verið í síðan árið 2007.
Gústaf telur að breytingar sem
þessar verði hinsvegar að gera
varlega. „Það er vissulega ekki
réttlætanlegt að ferðaþjónustan
skili minni til samfélagsins en
aðrar þjónustugreinar, en skattar
eru ekki eina leiðin til þess eða
eini mælikvarðinn á það. Því fer
fjarri. Hér á Vestfjörðum bætir
ferðaþjónustan og eykur menn-
ingar- og þjónustustig svo um
munar og eykur þannig styrk hag-
kerfisins,“ segir Gústaf.
– gudmundur@bb.is
Fjölmargir ferðamenn sækja Vestfirði heim á hverju ári.