Dagblaðið Vísir - DV - 09.07.2008, Blaðsíða 16
miðvikudagur 9. júlí 200816 Golf DV
Þrumur og eldingar
tefja evrópumót
„Það voru þrumur og eldingar hér í
morgun og alveg til hádegis, því var
ekki byrjað á mótinu í dag. Deginum
var aflýst en eftir fyrsta daginn verður
raðað í riðla,“ sagði Arnar Már Ólafs-
son, þjálfari piltalandsliðsins.
Í gær hófst Evrópumót unglinga
á aldrinum fjórtán til átján ára og
stendur til laugardags. Evrópumót
piltalandsliðsins fer fram á elsta golf-
velli í Slóveníu en hann var opnaður
árið 1937. Hann var síðan endurbyggð-
ur árið 1972 af Donald Harridine.
Fyrirkomulag mótsins er eins og í
Evrópukeppni karla. Fyrst eru leiknir
tveir átján holu hringir og niðurstaða
höggleiksins ræðst af því hvaða riðli er
spilað í.
Í íslenska piltalandsliðinu eru þeir
Andri Már Óskarsson GHR, Andri
Þór Björnsson GR, Axel Bóasson GK,
Haraldur Franklín Magnús GR, Pétur
Freyr Pétursson GR og Rúnar Arnórs-
son GK. Liðsstjóri strákalandsliðsins
er Ragnar Ólafsson og þjálfari liðsins
er Arnar Már Ólafsson.
Evrópumót stúlknalandsliða fer
fram á golfvellinum Murcuar Links
sem er norðan við Aberdeen í Skot-
landi. Klúbburinn var stofnaður árið
1909. Fyrirkomulag mótsins er það
sama og í öðrum liðakeppnum Evr-
ópumótanna, það eru tveir hringir
höggleikur og síðan raðað í riðla eftir
skori. Nítján þjóðir taka þátt í keppn-
inni að þessu sinni. Keppendur ís-
lenska stúlknalandsliðsins eru þær
Eygló Mirra Óskarsdóttir GO, Ingunn
Gunnarsdóttir GKG, Ólafía Þórunn
Kristinsdóttir GR og Signý Arnórsdótt-
ir GK. Liðsstjóri stúlknalandsliðsins er
Steinunn Eggertsdóttir.
„Við sendum út tvö landslið, bæði
pilta- og stúlknalið,“ segir Stefán Garð-
arsson, markaðsmaður Golfsambands
Íslands. „Þetta er landsliðskeppni en
ekki einstaklingskeppni. Það þurfa all-
ir að standa saman þegar um lands-
liðið er að ræða. Það er allt annað að
keppa sem einstaklingur en lið.“
berglindb@dv.is
Evrópumót unglinga í golfi hófst í gær og stendur til laugardags.
Tvö íslensk lið keppa á Evrópumótunum. Piltalandsliðið keppir í
Bled í Slóveníu og stúlknalandsliðið í Skotlandi. unglingarnir eru á
aldrinum fjórtán til átján ára.
Golfarar í Flórída njóta þeirra miklu fríðinda að
geta leigt sér lengsta golfbíl í heimi í gegnum heima-
síðuna golfcartlimo.com. Það er Peter Nee sem á
golflimmóinn svokallaða en Guinness World Rec-
ords staðfesti bílinn sem þann lengsta af sinni gerð,
5,81 metri á lengd.
Golflimminn er ekkert slor því hann inniheldur
vínrekka, DVD-spilara, hleðslutæki fyrir GSM og far-
tölvu, klakavél, kampavínsfötu, öflugt hljóðkerfi og
skilrúm vilji farþegar frá frið frá bílstjóranum. Þrátt
fyrir allt þetta komast bara tveir golfpokar á eðal-
vagninn.
Vagninn hefur verið notaður við ýmsa aðra við-
burði en þá sem tengjast golfi en hann er mikið leigð-
ur út fyrir brúðkaup, skrúðgöngur og samkvæmi þó
svo að hann sé alltaf vinsælastur á golfvöllunum. Þá
hefur bíllinn einnig verið notaður í sjónvarpi og ber
þar helst að nefna MTV Music Awards.
Því miður er bara til einn í heiminum en það er
vonandi að einhver athafnamaður hér á landi fjár-
festi í slíkum grip til þess að lífga upp á golfmótin.
asgeir@dv.is
Samkvæmt heimsmetabók Guinness er lengsti golfbíll í heimi í Flórída:
6 metra langur golfbíll
Eygló Mirra óskarsdóttir
Hún spilar með golfklúbbnum Oddi.
Það breytir litlu fyrir golfara hvort sé
spilað á sléttu eða í blómum.
ólafía Þórunn kristinsdóttir
Hún spilar með golfklúbbi reykjavíkur.
Hér sýnir hún flotta sveiflu.
Haraldur franklín Magnús Hann
spilar með golfklúbbi reykjavíkur. mikla
einbeitingu þarf til að spila golf og hér
sést hvað Haraldur vandar sig mikið.
andri Þór Björnsson Hann
spilar með golfklúbbi reykjavík-
ur. Hér sýnir hann flotta sveiflu.