Dagblaðið Vísir - DV - 09.07.2008, Blaðsíða 29

DV Fólkið miðvikudagur 9. júlí 2008 29
GullfalleG
Eric Brevig, leikstjóri kvikmyndarinnar Jo-
urney to the Center of the Earth, hrósar íslensku
leikkonunni Anítu Briem hástöfum í nýlegu við-
tali við vefsíðuna Comingsoon.net.
„Það var frábært að finna hana. Ég talaði við
fullt af leikkonum, sem er það besta við þetta
starf. Leikkonan þurfti að vera íslensk og með
hreim. Ég var áhyggjufullur yfir að ég þyrfti að
eyða miklum tíma með talþjálfara ef ég hefði val-
ið bandaríska leikkonu,“ útskýrir Brevig. „Þegar
Aníta kom til mín vissi ég að vandamálið væri
afgreitt. Hún las fyrir mig handritið nokkrum
sinnum. Hún er frábær leikkona, lærð í London.
Hún er ótrúlega nett, gullfalleg, tekur sig vel út
fyrir framan myndavélina og best af öllu, hún og
Brendan Fraser passa vel saman,“ segir leikstjór-
inn enn fremur.
Leikstjórinn hætti ekki þar „Það að hún er
ekki þekkt er það besta við Anítu. Þig langar að
trúa henni og mér finnst hún hafa svo mikið for-
skot á aðrar þekktari leikkonur þar sem hún hef-
ur mestmegnis unnið á Íslandi. Hún er ferskt
andlit í þessum bransa. Það þurfti mikla sann-
færingu af minni hálfu að fá að ráða hana í hlut-
verkið, en það tókst á endanum,“ segir Bevig. „Á
hverri einustu prufusýningu talaði fólk um hvað
það elskaði hana. Þegar það var spurt „Hver
var uppáhaldskarakterinn þinn?“ svöruðu allar
stelpurnar „Hannah“. Strákarnir svöruðu líka all-
ir á sama hátt.“
hanna@dv.is
AnítA Briem:
730-klíkan
á netið
Sjónvarpsstjarnan Helgi Seljan
opnaði síðu á Facebook nýlega
sem tileinkuð er Reyðarfirði.
Helgi Seljan, eins og flestir vita,
er ættaður að austan og þykir
gjarnan stoltur af uppruna sín-
um. Síðan heitir Reyðarfjörð-
ur AKA Búðareyri 730 og hefur
Helgi verið duglegur að sanka
að sér vinum, en þeir eru orðnir
þrjátíu og fjórir talsins í dag. Á
síðunni má meðal annars finna
Baldur Beck íþróttablaðamann
og Einar Ágúst Víðisson söngv-
ara. Andri Freyr Viðarsson út-
varpsmaður er þó hvergi sjáan-
legur á síðunni. Kappinn virðist
ekki vera komin með Facebook
– annars væri hann örugglega
þarna fremstur meðal jafningja..
Björn Jörundur og Daníel Ágúst tóku upp lag saman í fyrsta skipti í 12 ár:
náttúra frá nýdanskri
kayne
hrósar
íslend-
inGi
Það vita allir að Kayne West finnst
mjög skemmtilegt að blogga. Kayne
er eins og versti Íslendingur þegar
kemur að blogginu hans. Hann tuð-
ar og kvartar yfir öllu. Kayne má þó
eiga eitt. Hann er smekkmaður og
hefur gaman af fallegum hlutum. Á
blogginu tekur hann fram sérstak-
an áhuga á Gísla Ara Hafsteinssyni,
hárgreiðslumanni og förðunar-
meistara. Það er greinilegt að Gísli
Ari mun fá mikla athygli á næstunni
þar sem blogg Kaynes West er víða
lesið og ótrúlega vinsælt.
Eric Bevig, leikstjóri
myndarinnar Journey to
the Center of the Earth,
fer fögrum orðum um
íslensku leikkonuna.
oG uppáhald allra
Hljómsveitin Nýdönsk tók upp
nýtt lag í vikunni en það kallast
Náttúra. Þar syngja þeir Daníel
Ágúst og Björn Jörundur saman
en þetta er í fyrsta skipti í ein 12 ár
sem þeir taka upp lag saman. Það
er Björn Jörundur sem semur lag-
ið sem er komið í fulla spilun en
það fjallar um náttúru mannsins
og nauðsyn þess að virkja hana
við sem flestar aðstæður.
Þetta eru mikil gleðitíðindi fyr-
ir aðdáendur sveitarinnar sem
höfðu eflaust flestir verið löngu
búnir að gefa það upp á bát-
inn að félagarnir myndu taka
upp nýtt lag aftur. Daníel Ágúst
gekk hins vegar aftur til liðs við
sveitina í tilefni af 20 ára starfs-
afmæli hennar og hafa fimm-
menningarnir verið önnum
kafnir undanfarið við að semja
efni á væntanlega plötu. Upp-
tökur á henni hefjast í septemb-
er þótt lagið Náttúra sé forskot
á sæluna.
Hljómsveitin verður á ferðinni
um verslunarmannahelgina en
þá mun hún spila á Einni með
öllu á Akureyri, Þjóðhátíð í Vest-
mannaeyjum og loks á Neista-
flugi í Neskaupstað.
asgeir@dv.is
Fullkomin í hlutverkið Eric Brevig, leikstjóri

myndarinnar, segir karakter anítu hafa ver
ið
uppáhald allra í myndinni.
Aníta Briem leikstjóri myndarinnar journey to the Center of the Earth féll kylliflatur fyrir hæfileikum og fegurð anítu Briem.
Björn Jörundur Samdi lagið Náttúru.