Austurland - 08.01.2015, Síða 14

MIKIÐ ÚRVAL DEKKJA Á BETRA VERÐI - DEKKJAHOLLIN.IS
iG50 V902AiG35
PF-3D PF-5
Vetrardekkin færðu á
dekkjahollin.is
1. Leitar eftir stærð
2. Setur dekkin í körfu
3. Velur flutningsmáta
4. Gengur frá greiðslu
8. Janúar 201514
Vinnsla hafin hjá
Búlandstindi ehf.
Mánudaginn 5. janúar síðastliðinn mættu 25 starfsmenn til vinnu hjá
Búlandstindi ehf. en í kjölfar brott-
hvarfs Vísis af svæðinu var þetta
gamla nafn endurvakið í nýju fisk-
vinnslufyrirtæki sem hóf vinnslu
formlega að morgni mánudagsins.
Fyrirtækið er í eigu Ósness og Fisk-
eldis Austfjarða.
Af þessu tilefni færði sveitar-
stjóri Elís Hlyni Grétarssyni, fram-
kvæmdastjóra Búlandstinds, gjöf frá
sveitarfélaginu og óskaði honum til
hamingju með þennan merka áfanga.
Þaðan var haldið niður í vinnslusal
þar sem verið var að slátra eldisfiski
úr Berufirði auk þess sem nokkrir
starfsmenn voru að pakka saltfiski.
Elís segir að þegar séu hafin við-
skipti við báta sem munu leggja upp
hjá fyrirtækinu til að byrja með auk
þess sem slátrun á eldisfiski muni
verða stór partur af vinnslunni. Hann
segist vonast til að heildarvinnsla hjá
fyrirtækinu fyrsta árið komi til með
að nema 1700 tonnum af bolfiski og
líklega um 1500 tonnum af eldisfiski.
Heimasíðan óskar Elís og hans
fólki hjá Búlandstindi velfarnaðar í
þessu metnaðarfulla verkefni.
Frétt af www. djupivogur.is
Metár í lönduðum
bolfiskafla í
Djúpavogshöfn
Þegar löndunartölur nóvember-mánaðar lágu fyrir var ljóst að 7 ára gamalt met hafði fallið.
Þar með var árið 2014 orðið metár í
lönduðum bolfiskafla í Djúpavogshöfn
frá upphafi - og var árið þó ekki búið
enn. Samtals hafði verið landað 10.497
tonnum.
Haustið í Djúpavogshöfn var engu
líkt, en það má segja að löndun hafi
verið nánast upp á hvern einasta dag í
september, október og nóvember, oft
2 bátar á dag og stundum 3. Alls var
7.446 tonnum landað á þessum þremur
mánuðum. Það er t.a.m. mun meira en
allt árið 2011 þegar um 5.600 tonnum
var landað. Haustin 2012 og 2013, sem
þóttu mjög góð, gáfu af sér 5.300 tonn
annars vegar og 4.900 tonn hins vegar.
Það er til marks um hversu mikill afl-
inn í haust var í raun.
Sem fyrr segir var gamla metið
sett árið 2007 þegar 10.491 tonni var
landað. 2014 hefur því siglt fram úr
sem nemur 6 tonnum. Fróðlegt verður
að sjá hverjar lokatölur verða þegar allt
árið verður gert upp.
Frétt af www. djupivogur.is
Vinnsla hefst innan skamms
hjá HB Granda á Vopnafirði
Á heimasíðu HB Granda hf., www. hbgrandi.is, er frá því greint að fiskvinnsla hafi ha-
fist á nýju í fiskiðjuverum HB Granda
í Reykjavík og á Akranesi þann 02.
janúar sl. en hlé var gert á vinnslunni
fyrir jól. Á Vopnafirði hefur vinnsla
legið niðri frá því að veiðum á ís-
lensku sumargotssíldinni lauk í lok
október sl. en vonast er til þess að
þar hefjist vinnsla á loðnu fljótlega
á nýju ári. Aðspurður hér að lútandi
tjáði Magnús Þór Róbertsson vinnslu-
stjóri heimasíðu Vopnafjarðar að lík-
lega lægi ákvörðun fyrir um siglingu
uppsjávarskipa félagsins mánudaginn
fimmta janúar. Magnús Þór er bjart-
sýnismaður að eðlisfari og vonast eftir
að vertíðin verði Íslendingum gjöful
en eins og ávallt er óvissa ríkjandi, það
er eðli þessara fiskveiða.
Eftir að síldveiðum lauk kom til
tals að uppsjávarveiðiskipin færu
til kolmunnaveiða um mánaðamót
nóvember-desember en ákveðið
var að slá þeim veiðum á frest. Eru
loðnuveiðar nú næst á dagskrá hjá
HB Granda ásamt vinnslu botnfisks
sem hefur engin áhrif á vinnsluna á
Vopnafirði. Þeim mun mikilvægara er
að loðnuskipin haldi til hafs og skili
afla sínum hingað. Kvótamál skipa
félagsins munu standa með ágætum
en sá er munurinn á loðnu- og fisk-
vinnslu að mannaflsþörfin er minni,
að mestu eru það fastráðnir starfs-
menn sem skila þeirri vinnu sem
þörf er á. Gangi áætlanir eftir stendur
loðnuvertíð fram í marsmánuð eða í
u. þ. b. tvo mánuði.
Það mun vera kunnara en frá
þurfi að segja að staða efnahags-
mála í Rússlandi er afar erfið. Fer
saman fall olíu- og gasverðs ásamt
viðskiptaþvingunum Vesturlanda en
Rússland hefur um langt árabil verið
langmikilvægasti markaður loðnu-
afurða. Sagði Magnús Þór ástandið
eðlilega setja sölu afurða í nokkra
óvissu en það væri gömul saga og ný
að einhver óvissa ríki þegar að ver-
tíð kæmi. Ávallt hefðu málið verið
leyst og félagið sæti ekki uppi með
óseldar afurðir þó í frystigeymslum
þess væri vörur að finna. Sjálfsagt
markar ástand Rússlandsmarkaðar
vertíðina en mögulega verður fókus-
inn á kvenloðnuna og hrognin með
Japansmarkað í huga.
Spennandi tímar eru framundan
því nýju uppsjávarskip HB Granda,
tvö að tölu, munu leysa af gömlu
skipin. Þann 03ja desember sl. var
Venus NS sjósett í Hatsan skipa-
smíðastöðunni í Istanbul í Tyrklandi
og mun samkvæmt Magnúsi Þór að
öllu óbreyttu koma fullbúið til Íslands
í aprílmánuði. Það verður án efa stór-
brotin stund þegar þetta glæsilega fley
siglir inn til hafnar en framundan eru
algjör umskipti á skipaflota félagsins,
uppsjávar og botnfisks. Stefnt er að
hitt uppsjávarskipið, Víkingur AK,
verði tilbúið til afhendingar undir
lok þessa árs en ísfisktogararnir árin
2016 og 2017. Með nýju skipunum
verða umskiptin eðlilega gríðarmikil,
starfsumhverfið það besta sem býðst
meðal sjómanna en einnig einhver
fækkun meðal áhafna.
Frétt af www. vopnafjardarhreppur.is
Samanburðartölur síðustu 9 ára.
Mynd af www.djupivogur.is