Reykjanes - 22.04.2015, Síða 2

2 22. Apríl 2015

REYKJANES 8. TBL.  5. ÁRGANGUR 2015
ÚTGEFANDI: Fótspor ehf. Ábyrgðarmaður: Ámundi Ámundason, sími: 824 2466, netfang: amundi@fotspor.is.
Framkvæmdastjóri: Ámundi Steinar Ámundason, netfang: as@fotspor.is.
Auglýsingastjóri: Ámundi Ámundason, Suðurlandsbraut 54,  108 Reykja vík. Auglýsingasími: 578 1190, netfang: auglysingar@fotspor.is.
Ritstjóri: Sigurður Jónsson, netfang: asta.ar@simnet.is, sími: 847 2779. Myndir: Ýmsir. Umbrot: Prentsnið
Prentun: Ísafoldarprentsmiðja. Upplag: 8.000 eintök. Dreifing: Íslandspóstur. Vefútgáfa PDF: www. fotspor.is
REYKJANES ER DREIFT Í 8.000 EINTÖKUM ÓKEYPIS Í ALLAR ÍBÚÐIR Á REYKJANESI.
Frí blað ið Reykja nes vill gjarn an kom ast í sam band við íbúa Suð ur nesja. Seg ið ykk­
ar skoð un með því að senda inn pist il. Send ið inn fyr ir spurn. Vin sam leg ast send ið
okk ur tölvu póst á net fangið asta. ar@sim net.is eða hring ið í síma 847 2779.
VILTU SEGJA SKOÐUN ÞÍNA?
Margir hafa örugglega staðið í þeirri trú að topparnir í bönkum og fjármálafyrirtækjum hefðu ágætis laun og mun betri en margar aðrar stéttir. Hinn venjulegi Íslendingur stendur í þeirri trú að fók
fái greidd laun fyrir að mæta í vinnuna og sinna sínu starfi af samviskusemi.
Auðvitað er það eðliegt að borguð sé góð laun fyrir ábyrgðarmiklar stöður.
En hvers vegna er það ekki nóg? Hvers vegna þurfa bankatoppar og toppar í
fjármálageiranum að fá sérstakar bónusgreiðslur ef þeir sinna sínu starfi. Við
munum að á hinum svokölluðu góðærisárum voru menn á svimandi háuum
launum í þessum geira og fengu svo himinháar bónusgreiðslu til viðbótar.
Starfslokasamningar voru gerðir uppá tugi milljóna. Frægt er dæmið um
bankatoppmanninn sem fékk 300 milljónuir króna í greiðslu fyrir að þiggja
starfið. Öll vitum við hvernig fór. Allt hrundi þrátt fyrir allar bónusgreiðslurnar.
Nú virðist það vera aðalatriðið hjá sumum að hefja leikinn á ný. Menn tala
um að nausðynlegt sé að taka upp bónusgreiðslur sem nemi allt að 200% á
árslaunin. Rökin eru þau að íslenskir toppar í fjármálakerfinu séu svo eftirsóttir
erlendis að til þess að þeir haldist á Íslandi verði þeir að fá launin sín tvö eða
þrefölduð. Þeir sem halda þessu fram hljóta að hafa alveg einstakan húmor
eða vera í allt öðrum heimi heldur en stærsti hluti þjóðarinnar.
Fjármálaráðherra segist sýna mikla hógværð og það sé þrengstu reglur sem
hægt sé að hugsa sér að heimila 25% bónusgreiðslur til bankatoppa. Hvers
vegna? Leiðarahöfundur er sammála Karli Garðarssyni þingmanni og Flokks-
þingi Framsóknarflokksins að það eigi að banna með öllu svona bónusgreislur.
Látum það eiga sig að hefja ballið á nýjan leik.
Þurfum við átta háskóla?
Allir eru sammála að menntun sé af hinu góða. En það hlýtur að mega setja
stórt spurningamerki við það hvort 320 þúsund manna þjóð geti staðið undir
því að reka átta háskóla í landinu. Hvað kostar öll sú yfirbygging?
Það eru til peningar til að hækka lægstu launin.
Forystumenn atvinnulífsins og sumir stjórnmálamenn taka undir að það
gangi ekki að hækka lægstu launin uppí 300 þúsund á mánuði. Þá muni allt
fara á hliðina í þjóðfélaginu. Verðbógudraugurinn vakni og óðaverðbólga
verði í landinu. Laun geti ekki hækkað um meira en 3,5%. Hvernig geta svo
sömu aðilar setið og ákveðið að hækka stjórnarlaun í fyrirtækinu sínu um
33,3% á einu bretti úr 150 þúsund krónum á mánuði í 200 þúsund krónur.
Laun stjórnarformanns hækka úr 300 þús króna á mánuði í 400 þús krónur.
Laun formannsins hækka um 100 þús. meira heldur en krafan er að lægstu
launin hækki og þar er talað um á þremur árum. Heita má samt öruggt að
formaðurinn sé í fullu starfi annars staðar á þokkalegum launum.
Fyrirtækið HB Grandi sem hér er um að ræða hefur grætt vel á síðustu árum.
Auðvitað er það af hinu góðu að hagnaður sé til staðar, en er það ekki starfs-
fólkið sem skapar þennan gróða með sínu vinnuframlagi. Nýlega bárust þær
fréttir að HB Grandi greiddi hluthöfum 2,7 milljarða í arð. Auðvitað er það
siðlaust með öllu að hækka stjórnarlaun um 33,3% og greiða hluthöfum 2,7
milljón krónur í arð á sama tíma og þeim lægst launuðu eru boðin 3,5% í
kauphækkun. Það sýnir sig vel að þetta umrædda fyrirtæki færi létt með það
að hækka lægstu launin í 300 þúsund á mánuði. Sömu sögu er örugglega hægt
að segja um mörg önnur fyrirtæki.
Sigurður Jónsson, ritstjóri
Leiðari
Er ballið að
byrja á nýjan leik ?
Reykjanes kemur næst út
fimmtudaginn 7. maí 2015.NÆSTA BLAÐ
Grindavík:
Gerð verði sérstök aðgerðaráætlun
Á fundi bæjarráðs Grindavíkur 7. apríl s. l var ræðð um hlut-fall ófaglærðra á Leikskól-
anum Laut
Nökkvi Már Jónsson sviðsstjóri fé-
lagsþjónustu-og fræðslusviðs kynnti
málið.
Fræðslunefnd hefur fjallað um hlut-
fall leikskólakennara af þeim stöðu-
gildum sem sinna kennslu, umönnun
og uppeldi barna í leikskólanum Laut
og leggur til við bæjarráð að gerð verði
sérstök aðgerðaráætlun til að bregð-
ast við aðstæðunum. Jafnframt leggur
nefndin til að skólastjóra verði heimilt
að auka stjórnunarhlutfall aðstoðar-
leikskólastjóra í 100% tímabundið til
loka skólaársins.
Óskað er eftir viðauka við fjárhags-
áætlun Leikskólans Lautar sem nemur
kr. 1.400.000 á launalið og kr. 350.000
vegna launatengdra gjalda.
Bæjarráð samþykkir að heim-
ilt verði að auka stjórnunarhlutfall
aðstoðarleikskólastjóra til áramóta
og leggur til við bæjarstjórn að
samþykktur verði viðauki við fjár-
hagsáætlun ársins 2015 að fjárhæð
1.750.000 kr. sem komi til lækkunar
á handbæru fé. Jafnframt felur bæj-
arráð stjórnendum leikskólans Lautar
að vinna tillögu að aðgerðaáætlun
sem hafi það að markmiði að auka
hlutfall leikskólakennara við Leik-
skólann Laut. Tillagan verði lögð
fyrir fræðslunefnd fyrir júnífund
nefndarinnar.
Uppbyggingarsjóður Suðurnesja
Samband sveitarfélaga á Suðurnesjum, Atvinnuvega- og nýsköpunarráðuneytið og
Mennta- og menningarmálaráðu-
neytið hafa gert með sér samning um
Sóknaráætlun Suðurnesja sem gildir
frá árinu 2015 til 2019.
Markmið samningsins er að stuðla
að jákvæðri samfélagsþróun, treysta
stoðir menningar og auka samkeppn-
ishæfni landshlutans. Markmiðið er
jafnframt að einfalda samskipti ríkis
og sveitarfélaga og tryggja gagnsæi
við úthlutun og umsýslu opinberra
fjármuna.
Með samningi þessum verða
gerðar breytingar á fyrirkomulagi
styrkveitinga. Samband sveitar-
félaga á Suðurnesjum hefur veitt
styrki til menningarmála í gegnum
Menningarsamning Suðurnesja og
til þróunar- og nýsköpunarverkefna
í gegnum Vaxtarsamning Suðurnesja.
Báðir þessir sjóðir eru nú sam-
einaðir í einn styrktarsjóð sem
nú heitir Uppbyggingarsjóður
Suðurnesja.
Uppbyggingarsjóður er samkeppn-
issjóður og hlutverk hans er að styrkja
menningar-, atvinnu- og nýsköp-
unarverkefni, auk annarra verkefna
sem falla að sóknaráætlun lands-
hlutans. Sjóðurinn styrkir að jafnaði
ekki meira en 50% af heildarkostnaði
verkefna.
Uppbyggingarsjóður Suðurnesja
mun auglýsa eftir styrkhæfum verk-
efnum þann 16. apríl nk. og verður
umsóknarfrestur til 30. apríl 2015.
Umsóknareyðublöð ásamt öðrum
gögnum sem umsækjendur þurfa á
að halda við ritum umsóknar verða
aðgengileg á vef sambandsins www.
sss.is næstu daga.
Hugmyndir um
fegrun Hafnargötu
Á fundi Umhverfis-og skipulags-ráðs Reykjanesbæjar 8. apríl s.l.
kynnti framkvæmdarstjóri k stöðu
mála í framtíðarsýn þ. á. m stöðu mála
á Hafnargötu
Framkvæmdastjóra falið að
koma með kostnaðargreiningu á
framkomnum hugmyndum um
fegrun Hafnargötunnar á næsta fund
ráðsins.
Molafréttir úr Garðinum
Gaman að lesa Molafréttir Magnúsar Stefánssonar bæjarstjór í Garði
á heimasíðu sveitarfélagsins, en þær birtast alla föstudaga. Við litum á
nokkra molapunkta síðasta föstudag.
Það er ljóst af samskiptum við skólabörn
í Garði, hvort sem er í Gerðaskóla eða
Gefnarborg, að framtíðin er björt. Börnin
taka virkan þátt og stunda nám og starf
af miklum áhuga. Ein af forsendum þess
er að sjálfsögðu gott framlag starfsfólks
skólanna, sem bera uppi skólastarfið af
áhuga og alúð. Fyrir þetta allt ber að
þakka.
Sveitarfélagið og Ægir hafa átt gott sam-
starf í langan tíma, enda er öflug og vel
búin björgunarsveit mikilvæg í okkar
samfélagi. Fjölmörg dæmi sanna það. Það
er í raun ótrúlegt hvað við eigum öflugar
björgunar-og hjálparsveitir í landinu,
sem byggjast nánast alfarið á sjálfboða-
liðastarfi fjölmargra einstaklinga sem
þær skipa. Í samstarfssamningnum við
Ægir felast m.a. ýmis verkefni sem Ægir
tekur að sér að sinna fyrir sveitarfélagið
og í sveitarfélaginu, en sveitarfélagið
leggur Ægi til fjármagn til starfseminnar.
Sem gamall björgunarsveitarmaður er
bæjarstjórinn ánægður með gott samstarf
við Björgunarsveitina Ægir í Garði.
Í liði Víðis í dag eru leikmenn sem eru
afkomendur gamalla kempa úr Víði, víst
er að þeir vilja ekki vera eftirbátar þeirra
sem gerðu garðinn frægan með Víði hér
áður fyrr. Það er mikill metnaður í fé-
laginu, meðal leikmanna og ekki síður
hjá þeim sem bera félagsstarfið uppi með
miklum myndarbrag. Garðbúar hvetja
leikmenn Víðis til glæsilegra dáða á kom-
andi leiktíð !
Markmiðið er að auðvelda íbúum sveitar-
félaganna vorverkin og koma frá sér alls
kyns úrgangi. Með samstilltu átaki allra
munum við bæta ásýnd sveitarfélaganna
og gera umhverfið snyrtilegra. Sveitar-
félögin og Sorpeyðingarstöðin munu
kynna verkefnið fyrir íbúunum með
góðum fyrirvara.