Selfoss - 28.05.2015, Qupperneq 2

2 28. Maí 2015
Tvíeykið, Bjarni og Sigmundur Davíð róa lífróður. Reynslunni ríkari segir kannski einhver en reynslulítlir sagði Matthías Jóhannessen,
fyrrverandi ritstjóri málgagnsins í spjallþætti í næstliðinni viku. Matthías
var ritstjóri Morgunblaðsins um árabil, áratugum saman. Forsætisráðherra
kennir þjóðinni um, hún skilji ekki og viti ekki – hvað stjórnin sé góð
við fólk. Hvað við Bjarni erum mikið happ fyrir þjóðina að eiga. Þjóðin
á að vera glöð. Reynsluleysi segir Matthías.
Haldið er upp á tveggja ára afmæli ríkistjórnarinnar með mótmælum á
Austurvelli. Það hefur tekið forsætisráðherra tvö ár að skilja að verka-
lýðshreyfingin sé pólitísk. Enginn efaðist um að Hannibal Valdimarsson
væri pólitískur sem forseti Alþýðusambands Íslands. Nú tekur það tvö ár
fyrir þá sem „skortir reynslu“ að skilja það sama. Samt er það það þannig
að ASÍ hefur líklega aldrei verið eins ráfandi pólitískt og nú. Hvar hefði
það til dæmis gerst að oddviti stærstu launþegasamtaka landsins hefði
sagt sig úr sósíaldemókratískum flokki? En þannig var það. Gylfi Arm-
björnsson lagðist í fýlu og sagði sig úr Samfylkingunni, bara af því bara.
Þegar þetta er ritað standa piltarnir reynslulitlu frammi fyrir mestu
verkföllum um langa hríð. Og þá er svar þeirra pirringur út í þjóðina.
Þjóðina sem kaus þá. Fjölmiðlar reyna þó að hysja upp um þá. Eyjan/
Pressan og DV eru orðin svæsnustu málgögn Framsóknarflokksins.
Alþýðublaðið, eitt af stórblöðum fyrri tíma má sín lítils í samanbuirði
við umfjöllun þessara miðla. Jóhanni Haukssyni, blaðamanni ársins, var
sagt upp. „Í hagræðingarskyni.“ Hreinsun, ekkert minna!
„Aftaní fundurinn verður dansur,“ las ég einhverju sinni í Dimmalættingi
í Færeyjum. Í dag býður engin(n) tvíeykinu upp í dans.
Brotthvarf ... Brottfall ... Brottkast ...
Skólakerfið stundar brottkast á ungu fólki, segir Sigrún Harðardótt-ir sem hefur rannsakað stöðu þeirra sem standa höllustum fæti í
skólakerfinu. Innt eftir því hvað hún eigi við segir Sigrún í netbréfi til
blaðsins: „Hópurinn sem ég er að vísa til varðandi brottkastið eru þeir
nemendur sem koma úr grunnskóla með tvær eða fleiri greinar undir
viðmiðunarmörkum og eru flestir á eða við tornæmismörk. Aðeins 3,5%
þeirra nemenda hafði lokið framhaldsskóla að fjórum og hálfu ári frá
upphafi þess í minni rannsókn.“
Breytingarnar sem eru framundan í framhaldsskólanum – með styttingu
framhaldsskólans frá og með haustönn 2015 – eiga kannski eftir að
leiða í ljós að „brotthvarfið“ minnki og „brottkastinu“ ljúki. Það mun
tíminn leiða í ljós. Það er vandi að „koma til móts við alla“ eins og það
heitir. Það er kominn tími til að líta heildstætt á stöðu þeirra nemenda
sem eiga erfiðast með „kröfur“ skólakerfisins. Hér duga ekki verkfæri
viðgerðar innan skólans eins. Mikilvægt er að úrræði skólans byggi á
heildarsýn á þarfir nemenda.
Þorlákur Helgi Helgason
Tvíeykið reynslulitla
LEIÐARI
ÞAÐ VAR OG...
Lipur og nett stúlka
fær í reikningi, óskast nú þegar til
að ganga um beina á kaffihúsi.
Ludvig Bruun.
(augl. Í Morgunbl. 13. maí 1915)
Þá voru líka verkföll
Það var fyrir 30 árum. Útskrift í
Fjölbrautaskóla Suðurlands í júní
vegna verkfalla um veturinn. Um 70
nemendur hrökkluðust frá. Starfs-
fólk hætti – allt af því að verkföll
settu strik í reikninginn. Nú er öldin
önnur en ástandið ískyggilegt á fleiri
sviðum.
Sambandsmálið
(gagnvart dönskum)
„Við Ölfusárbrú stóð slagurinn síð-
ast. Sá fundur var á fimtudaginn.
Þá átti að láta skríða til skarar, með
þvi að óhöndulega þótti hafa til
tekist á hinum fyrri fundum. Reið
ráðgjafinn þangað sjálfur og hugði
að „kristna" landslýðinn. En eftir
sex stunda fundarþóf, sem mörgum
mun hafa verið farið að leiðast og
því gengnir af fundi, — var samþykt
tillaga með 26 atkv. gegn 13 um að
ganga ékki að frumv. obreyttu. (Á
fundi á Stokkseyri tóku fundar-
menn ... „þessum aðskotasendlum
sem verðugt var og samþyktu með
42 atkvæðum gegn 13 svohljóðandi
tillögu: „Fundurinn tjáir sig mótfall-
inn sambandslaga-uppkastinu, eins
og það er orðað, og telur breytingar
á því sjálfsagðar.“ Fundur á Húsa-
tóftum fór á sama veg.)
(Heimild: Ingólfur, 5.7. 1908.
http://timarit.is/view )
Bannið símana?
Enskir hafa rannsakað áhrif farsíma
(og slíkra apparata) á nám. Bornir
voru saman skólar sem annars vegar
bönnuðu notkun tækjanna og hinna
sem leyfðu. Kom í ljós að árangur
„slakari“ nemenda var 14,2% lægri
í skólum þar sem nemendur fengu
að hafa síma. Áhrif á nemendur sem
höfðu góðar einkunnir fyrir voru
ekki marktæk.
Stunda skólarnir brottkast?
Miklar breytingar eru framundan á framhalds-skólakerfinu. Hátt ber
umræðuna um styttingu námstíma
í 3 ár. Olga Lísa Garðarsdóttir skóla-
meistari í FSu segir skólann laða sig
að breytingunum eftir bestu geti.
Það er auðvitað ekki vitað hvernig
útkoman verður samanborið við
núverandi kerfi. Hún telur þó að
sveigjanleiki sé aukinn, t.d. sé val
nemenda á margan hátt meira í nýja
kerfinu. Við brautskráningu í FSu sl.
sagði Olga Lísa að á „þjóðfundi“ í
FSu í október hefði „Rauður þráður
í ábendingum varðandi námsfram-
boðið var meira valfrelsi . . .“ Nú
geti nemandi valið yfir mörk gömlu
brautanna. Ferlið í gegnum námið
að lokaáfanga sé markvissara.
Sigrún Harðardóttir lektor við HÍ
segir „að skólarnir stundi ákveðið
brottkast á ákveðnum hópi nemenda
sem slakast standa við lok grunn-
skóla.“ Djúpt tekið í árinni. Innt eft-
ir því hvað hún eigi við segir Sigrún
í netbréfi til blaðsins: „Hópurinn
sem ég er að vísa til varðandi brott-
kastið eru þeir nemendur sem koma
úr grunnskóla með tvær eða fleiri
greinar undir viðmiðunarmörkum
og eru flestir á eða við tornæmis-
mörk. Aðeins 3,5% þeirra nemenda
hafði lokið framhaldsskóla að fjórum
og hálfu ári frá upphafi þess í minni
rannsókn.“
Sjá fréttaskýringu á síðu 8 í blaðinu.
ÞHH
Ölfusárbrú í allt öðrum búningi en
1908. Myndin er tekin 2015.
Ágúst Sigurðsson
Ferðamenn í Rangárþingi margir:
Kemur á óvart
Við birtum niðurstöður könnunar á ferðalöngum í Rangárþingi. Kom á óvart
hversu mjög þeim fjölgar. „Það kom
okkur nú dálítið á óvart hve ferða-
menn með viðkomu í Rangárþingi
eru gríðarmargir. Fjöldinn er því til
staðar og mikil tækifæri liggja í því
að þeir stoppi meira hjá okkur. Það
þarf að vera gott framboð á gistingu
og veitingaþjónustu og möguleik-
um til fjölbreyttrar afþreyingar og
það þarf að huga betur að mark-
aðsmálum og kynningu á svæðinu,“
segir Ágúst Sigurðsson sveitarstjóri í
Rangárþingi ytra.
Samtímalist
og samfélagið
Áhugaverð sýning stendur yfir í Listasafni Árnesinga. Sirra Sig-
rún Sigurðardóttir, myndlistarmaður
frá Selfossi sýnir samtímaverk. Sýn-
ingin sem ber yfirskriftina GEYMAR
var til umræðu á sérstakri samkomu sl.
laugardag. Lagt var út af sýningunni:
samtímalistin og samfélagið sem hún
sprettur úr. Hér er Sirra við eitt verka
sinna á sýningunni í Hveragerði.
Ljósmynd: ÞHH