Víkurfréttir - 03.05.2012, Qupperneq 10

10 FIMMTUDAGURINN 3. MAÍ 2012 • VÍKURFRÉTTIR
ATVINNUÁTAK
Sumarátaksstörf fyrir námsmenn og atvinnuleitendur.
Atvinnuátak Reykjanesbæjar og Vinnumálastofnunar
vegna sumarstarfa atvinnuleitenda og námsmanna
hefst 1. júní nk. Námsmenn verða að vera skráðir í nám
á vorönn 2012 og haustönn 2012.  Skila þarf inn
staðfestingu frá viðkomandi menntastofnun þar um.  
Umsóknarfrestur í öll átaksstörf er 11. maí og eingöngu
er hægt að sækja um rafrænt á vefsíðu Reykjanes-
bæjar undir laus störf.
http://www.reykjanesbaer.is/stjornkerfi/laus-storf. 
Eldri umsóknir óskast endurnýjaðar.
NJARÐVÍKURSKÓLI
70 ÁRA
Í tilefni af 70 ára afmæli Njarðvíkurskóla þann 4. maí er
efnt til sýningar í skólanum.
Til sýnis verða verkefni í tengslum við afmælið ásamt
öðrum verkefnum sem nemendur hafa unnið að í vetur.
Verið hjartanlega velkomin til að fagna afmæli skólans
með okkur.
Nemendur og starfsfólk Njarðvíkurskóla.
SUMAR Í
REYKJANEBÆ
Íþrótta- og tómstundasvið mun setja á vef bæjarins
vefritið SUMAR Í REYKJANESBÆ 2012. Ef þitt
félag/klúbbur áformar að bjóða börnum og ungmennum í
Reykjanesbæ upp á tómstunda- og /eða leikjanámskeið
eða aðra afþreyingu fyrir ungmenni í sumar, biðjum við
um að upplýsingar verði sendar til framkvæmdastjóra
íþrótta- og tómstundasviðs Reykjanesbæjar á netfangið:
stefan.bjarkason@reykjanesbaer.is fyrir 8. maí 2012.
Íþrótta- og tómstundasvið
AÐSTOÐAR-
SKÓLASTJÓRI
Í HOLTASKÓLA
Starfssvið:
Menntunar- og hæfniskröfur:
innan skólans
að framkvæmd framtíðarsýnar Reykjanesbæjar í
skólamálum
Holtaskóli er samfélag sem einkennist af virðingu,
ábyrgð, virkni og ánægju. Holtaskóli hefur innleitt
PBS (stuðning við jákvæða hegðun) innan skólans.
Innan hans er starfandi deild fyrir börn með
einhverfu. Greinaskipt kennsla er frá 5. - 10. bekk.
Mikið starf hefur verið unnið við endurskipulagningu
skólastarfsins með það í huga að bæta árangur
nemenda skólans.
www.reykjanesbaer.is undir laus störf. Eingöngu er
tekið við rafrænum umsóknum og umsóknarfrestur er
til 18. maí nk.
Mi ðstö ð s ímenntunar á Suðurnesjum hefur undan-
farin 3 ár boðið upp á námsleið-
ina Menntastoðir sem er undir-
búningsnám fyrir Háskólabrú
Keilis og frumgreinadeildir H.R.
og Bifrastar. Særún Rósa Ástþórs-
dóttir heldur utan um námið og
segist hlakka mikið til að útskrifa
hátt í 60 nemendur á vordögum
auk þess að undirbúa komu
námsþyrstra einstaklinga með
haustinu. Frá 2009 hafa um 155
nemendur lokið Menntastoðum
og um 70% þeirra haldið áfram
í meira nám. Hluti útskrifaðra
nemenda hefur nú þegar hafið há-
skólanám á hinum ýmsu sviðum.
Víkurfréttir settust niður með Sæ-
rúnu og fræddust um þetta náms-
tækifæri á Suðurnesjum.
Hvað eru Menntastoðir og hvernig
byrjaði þetta allt saman?
Námsleiðin var unnin í samstarfi
MSS, Keilis og Fræðslumiðstöðvar
atvinnulífsins. Vorið 2009 lá mikið
á hér á Suðurnesjum að bjóða upp
á aukið námsframboð, sérstaklega
fyrir þá sem voru án atvinnu. Það
má því segja að Stoðirnar hafi orðið
til sem svar við kreppunni og at-
vinnuleysinu eftir hrun.
Menntastoðir eru í grunninn 55
eininga undirbúningsnám fyrir
Háskólabrú og frumgreinadeildir
svo nemendur okkar eru að stíga
fyrsta skrefið að frekara námi. Hér
taka þeir grunnfögin sem samsvara
fyrstu áföngum í framhaldsskóla og
hljóta stuðning og aðstoð við nám
og sjálfstyrkingu.
Nú er þetta þriðja kennsluárið,
hefur námið tekið miklum breyt-
ingum á þeim tíma?
Námið er í sífelldri þróun og hefur
breyst töluvert frá upphafi. Unnið
er eftir námskrá Fræðslumið-
stöðvar atvinnulífsins en þarfir og
eftirspurn í nemendahópnum móta
sömuleiðis leiðina. Við höfum verið
í samstarfi við Keili og reynum að
skapa samfellu í náminu þannig
að nemendur okkar byggi ofan á
þá þekkingu sem þeir tileinka sér
í Menntastoðum. Í námi fullorð-
inna skiptir það höfuðmáli að fyrri
reynsla sé tekin til greina og byggt
sé ofan á það sem á undan hefur
komið, það má alls ekki líta fram
hjá því mikilvæga veganesti sem
einstaklingur hefur lært á vinnu-
markaði og í lífinu sjálfu. Heldur er
nauðsynlegt að nýta þá reynslu til
þess að læra að læra á bókina.
Hvað tekur við hjá nemendum eftir
útskrift úr Menntastoðum?
Útskrifað er úr Menntastoðum
tvisvar á ári eftir 6 eða 10 mánaða
nám og eins og áður sagði munu
að öllum líkindum 60 nemendur
útskrifast í júní. Stærstur hluti
hópsins fer í Háskólabrú Keilis en
í raun geta nemendur einnig nýtt
Menntastoðir – námstækifæri
›› Miðstöð símenntunar á Suðurnesjum:
Menntastoðir til þess að ná sér í
grunn fyrir iðnnám í framhalds-
skólum eða á aðrar sambærilegar
brautir. Framhaldsskólum ber að
meta námið til eininga og fyrir
liggja drög að mati hjá Fjölbrauta-
skóla Suðurnesja sem telja Mennta-
stoðir til 34 eininga inn í nám hjá
sér. Leiðin getur því legið í ýmsar
áttir að loknum undirbúningnum í
Menntastoðum.
Hver er reynslan af námsleiðinni
hingað til og sérðu fyrir þér að
þetta námstækifæri muni hafa
mikil áhrif hér á Suðurnesjum?
Reynslan er mjög góð. Fyrir utan
fjölda nemenda og mikla eftirspurn
hafa nemendur borið náminu góða
sögu. Við leggjum mikið uppúr því
að heyra álit og skoðanir nemenda
bæði á meðan á náminu stendur og
svo eftir að þeir hafa kvatt okkur.
Við viljum fylgjast með því hvert
nemendur okkar halda og hvernig
þeim vegnar á næstu stigum náms.
Það er mjög athyglisvert að skoða
svör þeirra sem hafa lokið námi í
Menntastoðum og haldið áfram
upp í Keili. Nemendur okkar nefna
nær allir að undirbúningurinn hafi
skilað sér í auknu sjálfstrausti og
að þeir voru lausir við óöryggi sem
þeir höfðu áður gagnvart námi.
Tækifæri sem þetta gerir nám að
aðgengilegri kosti t.d. fyrir Suður-
nesjabúa og það getur ekki verið
annað en jákvætt að efla mennt-
unarstig og auka möguleika okkar
sem hér búum.
Fyrir hverja eru Menntastoðir?
Eitt af aðalsmerkjum Menntastoða
að sögn Særúnar er fjölbreytni
nemendahópsins svo segja má að
þær séu fyrir alla eldri en 20 ára.
Aldursdreifing er yfirleitt frekar
mikil og hefur yngsti nemand-
inn verið um tvítugt en sá elsti í
kringum sextugt. Þessi mikla
dreifing hefur jákvæð áhrif og til
verða samskipti sem miða að því að
nemendur læri hver af öðrum. Stór
hluti nemenda í Menntastoðum
hefur átt við einhverja námsörðug-
leika að stríða og einhverra hluta
vegna ekki gengið nægilega vel í
hefðbundnu skólakerfi. Þá skiptir
máli að nemendur fái aðstoð við
að yfirstíga og vinna með þessar
hindranir í náminu og þar spilar
gott aðgengi að náms- og starfs-
ráðgjafa lykilhlutverk. Mikið er lagt
upp úr því að skapa góða hópkennd
meðal nemenda og í allri kennslu
er lagt upp með að nýta styrkleika
hvers og eins og nemendur hvattir
til þess að aðstoða hvern annan.
Nú hefur verið opnað fyrir um-
sóknir í Menntastoðir og geta
áhugasamir sótt um á vefnum
www.mss.is. En eru einhver inn-
tökuskilyrði í Menntastoðir?
Nei, í rauninni ekki. Einu skilyrðin
eru að viðkomandi sé 20 ára eða
eldri og hafi áhuga og vilja til þess
að stunda námið. Við gerum engar
forkröfur og gerum í raun ráð fyrir
að flestir þeir sem til okkar koma
hafi jafnvel ekki setið á skólabekk
í langan tíma og þurfi að læra að
læra. Hins vegar má líka benda á
að náminu fylgir nokkuð álag og
því þarf viðkomandi að vera til-
búinn til þess að einbeita sér og
leggja á sig vinnu á meðan á því
stendur. Annars eru að sjálfsögðu
allir eldri en 20 ára velkomnir í
Menntastoðir.