Neytendablaðið - 01.06.2010, Blaðsíða 23

Nokkur umræða hefur verið í fjölmiðlum um gæði nautahakks
og hefur því m.a. verið haldið fram að kjöttegundum sé bland að
saman. Því ákváðu Landssamband kúabænda og Neytenda­
samtökin að gera gæðakönnun á þessari vöru. Sjávarútvegs­ og
land búnaðarráðuneytið styrkti verkefnið að hluta. Matís sá um
fram kvæmd könnunarinnar, sem náði til nautahakks frá átta
fram leiðendum.
Helstu niðurstöður eru eftirfarandi:
1. Þrátt fyrir fullyrðingar um annað reyndist ekkert sýnanna
innihalda aðrar kjöttegundir en nautakjöt.
2. Ekki fannst sojaprótein í neinu sýnanna, en því hefur einmitt
oft verið haldið fram að kjötiðnaðarstöðvar drýgi nautahakk
með sojapróteini.
3. Í sex sýnum var viðbætt vatn og í einu tilvikanna kom það
ekki fram á umbúðum. Gjarnan er í slíkum tilvikum bætt við
kartöflutrefjum. Fram kemur í skýrslu Matís að endurskoða
þurfi reglugerð um kjöt og kjötvörur og taka bæði samtökin
sem að könnuninni standa undir það. Meðal annars er bent á
að reglugerðin sé óljós varðandi viðbætt vatn.
4. Í of mörgum tilvikum voru merkingar á umbúðum ekki í
samræmi við gildandi reglur. Í tveimur tilvikum vantaði
næringar gildis merkinu
og í fimm tilvikum voru
upplýs ing ar um fram­
leið end ur ekki í samræmi
við reglu gerð. Þessu verða
kjötiðn aðar stöðvar að kippa
í liðinn tafar laust.
5. Í einu tilviki er nafngift vörunnar
nautaveisluhakk. Matís bendir rétti­
lega á að með slíkri nafngift sé gefið til kynna að um aukin
gæði sé að ræða. Því er óeðlilegt að í slíka vöru séu notaðar
kart öflu trefjar.
6. Í tveimur tilvikum reyndist fituinnihald meira en gefið er upp
á umbúðum. Slíkt er að sjálfsögðu óásættanlegt enda varðar
það við lög.
Það er niðurstaða skýrslunnar að flestir þættir sem kannaðir voru
varðandi nautahakk séu í lagi. Þó eru nokkur atriði sem fram leið­
endur þurfa að laga nú þegar. Þá er það skoðun Landssambands
kúa bænda og Neytendasamtakanna að ekki eigi að heimila að
bæta öðrum efnum í nautahakk án þess að slíkt komi skýrt fram í
vöru heiti og innihaldslýsingu. Nánar um könnunina á ns.is
Neytendur á Vesturlöndum drekka gos sem aldrei fyrr. Mörg
heilsu farsvandamál, svo sem tannskemdir, aukin hætta á offitu
og sykursýki, hafa þegar verið tengd mikilli gosdrykkjaneyslu. Á
undan förnum árum hafa einnig komið í ljós aukin tengsl á milli
mikillar neyslu á kóladrykkjum og lágs kalíums í blóði, sem kallast
á fræði máli hypokalaemia. Ef kalíummagn í blóði verður of lágt
getur það leitt til slappleika í vöðvum, allt frá vægum einkennum
til lömunar ástands.
Vísindamenn við háskólann í Ioannina í Grikklandi skoðuðu
nokk ur tilfelli þar sem neysla á kóladrykkjum leiddi til töluverðra
ein kenna. Fólkið sem um ræðir drakk frá tveimur og allt upp í níu
lítra á dag. Þegar fólkið hætti drykkjunni og tók kalíumbætiefni
hurfu einkennin.
Dr. Moses Elisaf, sem fór fyrir rannsókninni, bendir á að einkennin
virðast einskorðast við gos sem inniheldur koffín, frúktósa og lakt­
ósa. Ekki er vitað nákvæmlega hvaða áhrif hvert þessara efna hefur
en talið er að koffínið hafi mest að segja. Hins vegar sé það ekki
eitt ábyrgt fyrir þessum
áhrifum. Vísinda menn­
irn ir benda á að skoða verði
betur hversu mikið magn sé
of mikið.
Dr. Clifford Packer, sérfræð­
ingur frá Louis Stokes Cleve­
land VA Medi cal Center í Ohio,
segir í samtali við BBC að full
ástæða sé til að ætla að tilfellin séu
mun fleiri enda sé vitað að marg ir
drekka mikið af gosi á hverj um
einasta degi. Hann hafi sjálf ur
meðhöndlað til felli þar sem sjúkling ar
kvörtuðu yfir slappleika í vöðum sem
mátti tengja beint við yfirgengi lega
gosdrykkjaneyslu.
Of mikið kóla veikir vöðvana
Gosdrykkjaneysla flýtir fyrir öldrun
Gæðakönnun á nautahakki
Það er ekkert lát á slæmum fréttum fyrir gosþyrsta því ný
könnun, sem gerð var við Harvard­háskólann, hefur leitt í ljós
að mikil gosdrykkjaneysla getur flýtt fyrir öldrun. Ástæðan er
fosfórsýran (E338) sem er notuð í marga gosdrykki, sérstaklega
kóladrykki.
Könnunin var gerð á músum en vísindamennirnir halda því
fram að fosfórsýran geti haft áhrif á fólk ef neyslan á henni er
mjög mikil en sýran flýtir fyrir öldrun húðarinnar og vöðvanna
auk þess sem nýrna­ og hjartasjúkdómar geta versnað.
23 NEYTENDABLA‹I‹ 2. TBL. 2010