Neytendablaðið - 01.06.2009, Blaðsíða 5

á að líða skulu að minnsta kosti tíu dagar milli viðvörunar og bréfs
eða milli bréfa.
Löginnheimta
Ef krafan er enn í vanskilum eftir milliinnheimtu má skuldari búast
við því að löginnheimta taki við. Kröfuhafi getur krafist þess að
fjárnám verði gert í eignum skuldara ef hann greiðir ekki kröfuna
innan tiltekins frests. Dugi fjárnámið ekki til þess að greiða skuldina
getur innheimtuferlið endað með því að bú skuldara verður tekið til
gjaldþrotaskipta, en sú aðgerð getur haft mjög alvarlegar afleiðingar
í för með sér. Á þessu stigi getur kostnaðurinn virkilega farið að
hlaðast upp, enda er krafan venjulega komin úr höndum kröfuhafa
og lögfræðingur hefur tekið að sér innheimtu hennar. Innheimtu­
lögin gilda ekki um löginnheimtu og því er ekkert tiltekið þak á
þeim kostnaði sem hægt er að leggja á kröfu eftir að hún er komin
í löginnheimtu.
Heimilt að innheimta dráttarvexti
Þess ber að geta að kröfuhafa er ennþá heimilt að krefja skuldara
um dráttarvexti af ógreiddri peningakröfu frá og með gjalddaga
og fram að greiðsludegi, hafi gjalddagi verið fyrirfram ákveðinn.
Dráttarvextir er almennt hugsaðir sem nokkurs konar bætur sem
skuldara ber að greiða vegna vanskila á greiðslu peningakröfu.
Sundurliða skal höfuðstól og viðbótarkröfur, svo sem dráttarvexti
og innheimtuþóknun. Þannig getur skuldari lagt mat á hvort
vanskilakostnaðurinn standist ofangreindar reglur.
Hvaða þýðingu hefur þetta?
Eins og sjá má af umfjölluninni hér fyrir ofan getur innheimtuferli
hjá kröfuhafa eða innheimtuaðila haft miklar fjárhagslegar afleið­
ingar í för með sér, þrátt fyrir nýja og betri innheimtuhætti. Í því
árferði sem nú ríkir skiptir hver króna miklu máli og því er mikil­
vægt að bregðast við í tæka tíð ef allt stefnir í óefni.
GBR
L´Oréal fyrir rétt í Svíþjóð
Snyrtivöruframleiðandinn L´Oréal staðhæfir í auglýsingum fyrir
hrukkukrem að hrukkur minnki eða hverfi jafnvel alveg með
notkun kremsins. Umboðsmaður neytenda í Svíþjóð, sem jafnframt
er forstjóri sænsku neytendastofnunarinnar, kallaði því eftir
gögnum frá L´Oréal þar sem sýnt væri fram á að fullyrðingarnar
væru sannar. Gögnin þóttu ófullnægjandi og því hefur L´Oréal nú
verið stefnt.
Í auglýsingu fyrir Lancôme High Resolution lætur Dr. Ruggiero hafa
eftir sér að eftir mánaðarnotkun hafi hrukkur minnkað um 70% . Í
annarri auglýsingu, fyrir Vichy Liftactiv Pro, er staðhæft að notkun
kremsins minnki hrukkur um 43% og að í vissum tilfellum hverfi
þær jafnvel alveg.
Samkvæmt umboðsmanni neytenda í Svíþjóð er eðilegt að setja
háar kröfur þegar markaðssetning á kremum er farin að taka á sig
allt að því læknisfræðilegt yfirbragð. Þá er einnig talið mikilvægt
að fá það á hreint hvaða gögn verði að liggja til grundvallar hjá
fyrirtækjum sem auglýsa með þessum hætti.
Lántökugjald á að vera föst
krónutala
Neytendasamtökin hafa í gegnum árin gagnrýnt þjónustugjöld
hjá bönkum og sparisjóðum. Þannig hafa samtökin ítrekað
gagnrýnt að lántökugjald er jafnan lagt á sem föst og fyrirfram
ákveðin prósentutala. Samtökin telja eðlilegra að lántökugjald sé
skilgreint sem ákveðin upphæð sem endurspegli þann kostnað sem
viðkomandi lánastofnun hefur af lánveitingunni. Slíkur kostnaður
kemur t.d. til vegna vinnu við að meta láns­ og veðhæfni og
frágangs á lánsskjölum.
Bankar í Svíþjóð hafa haft sama fyrirkomulag hjá sér, þ.e.
reiknað lántökugjald sem fasta prósentutölu af upphæð lánsins.
Umboðsmaður neytenda í Svíþjóð hefur haldið því fram að þessi
háttur við að reikna lántökugjald af lánum sé ósanngjarn og því
óréttmætur. Umboðsmaður ákvað því að höfða mál gegn einum af
sænsku bönkunum fyrir sænska markaðsdómstólnum. Nú liggur
dómur fyrir og skemmst er frá því að segja að umboðsmaðurinn
vann málið. Niðurstaða dómsins var sú að ólöglegt væri að reikna
lántökugjald sem fasta prósentutölu af lánsupphæðinni. Þessi
niðurstaða er að sjálfsögðu stefnumarkandi fyrir aðrar lánastofnanir
í Svíþjóð.

Neytendasamtökin hvetja íslenskar lánastofnanir til að breyta
lántökugjaldinu í samræmi við kröfur samtakanna. Verði þær ekki
við þessu áskilja Neytendasamtökin sér rétt til að leita allra leiða til
að rétta við hlut neytenda hvað þetta varðar.
 NEYTENDABLA‹I‹ 2. TBL. 2009