Ægir - 01.06.2004, Qupperneq 22

22
L A X E L D I
Guðmundur Valur segir að lax-
inn hafi vaxið mjög vel í Mjóa-
firði, enda séu þar að mörgu leyti
mjög góðar aðstæður til fiskeldis.
„Já, Mjóifjörður er mjög góður til
fiskeldis,“ segir hann. „Inn allan
fjörð eru brattar hlíðar niður á
um 80 metra dýpi. Botninn er
sléttur og vatnsskiptin eru gríðar-
lega mikil, sem er verulegur kost-
ur.“
Eldið í Mjóafirði hefur vissu-
lega ekki gengið áfallalaust.
Þannig hafa marglyttur valdið
verulegu tjóni, en hættan af þeim
er mest á tímabilinu frá miðjum
ágúst og fram í miðjan október.
Guðmundur Valur segir að í fyrra
hafi verið gerðar prófanir með sér-
stakan útbúnað til þess að fyrir-
byggja tjón af völdum marglytta.
„Við erum að útfæra þetta kerfi
betur og það verður tilbúið í
sumar. Kerfið byggir á því að við
búum til einskonar loftgirðingu.
Lofti er dælt í lögn niður á um
tuttugu metra dýpi og segja má
að við búum til girðingu sitt
hvoru megin við kvíaþyrpingarn-
ar. Þegar marglytturnar lenda í
uppstreyminu skjótast þær upp á
yfirborðið og berast með
straumnum frá kvíunum.“
Ekki ósvipaðar aðstæður og í
Norður-Noregi
Öll laxaseiðin sem eru sett út í
kvíar Sæsilfurs koma frá seiðaeld-
isstöðinni Núpum í Ölfusi. Í
sumum tilvikum eru seiðin flutt
beint frá Núpum og austur í
Mjóafjörð, en einnig eru þess
dæmi að þau séu sett tímabundið
í strandeldi í annað hvort Silfur-
stjörnunni í Öxarfirði eða Íslands-
laxi í Grindavík áður en þau eru
flutt austur.
„Mörgum hefur komið á óvart
hversu mikill vöxtur er á fiskin-
um í sjókvíunum í Mjóafirði,
margir höfðu búist við að vegna
þess hversu kaldur sjórinn er við
Ísland myndi vöxturinn verða
helmingi hægari en komið hefur
á daginn. Þessi vaxtarhraði hefur
hins vegar ekki komið mér á
óvart. Sjávarhitinn í Mjóafirði er
svipaður og í Norður-Finnmörku
í Noregi og á upplýsingum úr
fiskeldi þar byggðum við áður en
við fórum af stað með eldið í
Mjóafirði. Ég tel að með frekari
kynbótum á stofninum munum
við ná enn meiri vaxtarhraða,“
segir Guðmundur Valur.
Hlutfallslega vex fiskurinn
mest fyrstu mánuðina eftir að
hann er settur í kvíar. „Ef t.d. er
sett 100 gramma seiði í kvíar í
byrjun júní eru líkur til þess að
það tvöfaldi þyngd sína á tveimur
mánuðum. Ef settur er 3-400
gramma fiskur í kvíar í byrjun
júní má ætla að unnt sé að slátra
5-6 kg laxi úr þeirri kví að þrett-
án til fjórtán mánuðum liðnum.
Bandaríkjamenn kaupa fyrst og
fremst stærri fiskinn, 6-7 kg, en
smærri fiskurinn fer á markaði í
Evrópu.“
Mikill kraftur í laxeldi Sæsilfurs í Mjóafirði:
Slátra hátt í sjö þúsund
tonnum á þessu ári
„Á þessu ári reiknum við með að slátra 6.500
til 7.000 tonnum af laxi, en samkvæmt okkar
starfsleyfi megum við slátra 8.000 tonnum á
ári,“ segir Guðmundur Valur Stefánsson, fram-
kvæmdastjóri laxeldisfyrirtækisins Sæsilfurs í
Mjóafirði.
Laxinn er fluttur með
brunnbátnum Snæfugli
úr kvíum í Mjóafirði til
slátrunar í vinnslustöð
Síldarvinnslunnar í
Neskaupstað.
Hákon Viðarsson, gæðastjóri hjá Síldar-
vinnslunni, við ker með nýslátruðum,
ísuðum laxi.