Ægir - 01.04.2006, Blaðsíða 27
27
Æ G I S V I Ð T A L I Ð
hann. „Ég er líka með þennan litla, sem
er á vagni hér úti á planinu.
Tengdapabbi átti þennan bát og ég
keypti hann af honum. Hann er með
smá kvóta, svona 12 tonn og byggða-
kvóta til viðbótar þannig að þetta eru
svona 16-18 tonn. Ég geri hann aðeins út
á færi en ég ætla að leika mér að því að
setja lítið línuspil í hann núna. Ef það
skyldi koma ýsa hérna inn á fjörðinn þá
er gaman að prófa að leggja línu fyrir
hana og þessi bátur væri góður í það,“
segir hann. Kalli hefur ekki verið í vand-
ræðum með mannskap á bátana en tveir
menn róa fast á öðrum þeirra en einn á
hinum og stundum maður með honum.
„Ég hef verið heppinn með mannskap.
Það eru eiginlega búnir að vera sömu
mennirnir á bátunum frá byrjun eða frá
því að ég fór út í fiskverkunina.“ Hann
segir kannski erfiðara að fá beitningar-
fólk. „Það sleppur til með því að vera
með mikla línu í gangi. Við erum t.d.
með um 200 bjóð í frosti á mína báta og
með því er hægt að vinna þetta upp í
brælum. Það eru nú ekki nema þetta 4-6
beitningarmenn hér á staðnum og þeir
hjálpast að, þannig að þegar búið er að
beita upp hjá einum fara þeirra að beita
hjá öðrum, þannig að þetta bjargast
svona með hjálpsemi.“ Kalli segist ekki
hafa leitt hugann að beitningarvél. Hann
hafi aðeins prófað trekt en ef hann ætl-
aði að fá beitningavél þyrfti að stækka
bátana. „Það er eiginlega lágmark að
það séu 15 tonna bátar með þessar vél-
ar,“ segir hann.
En hvernig kom það til að Kalli gerð-
ist gæsaslátrari og hætti síðan í því og
fór út í fiskverkun?
„Við byggðum þetta saman við Birgir
Björnsson frá Geitavík. Við byrjuðum að
rækta aligæsir, vorum með þetta heima
og fórum svo að slátra til að selja fólki
smávegis. Þetta gekk þangað til að heil-
brigðiseftirlitið í Reykjavík komst að
þessu og þótti þetta ekki hollt,“ segir
Kalli og hlær. „Þá var okkur stillt upp
við vegg og annað hvort fyrir okkur að
skjóta þetta allt saman eða að byggja al-
vöru sláturhús. Sem við gerðum og þetta
gekk ágætlega í byrjun. Við lóguðum
5.000 fuglum þegar mest var en síðan
kom sölutregða á þessum markaði sem
varð til þess að við urðum að hætta og
slátruðum þessu öllu saman. Við fengum
fugl til slátrunar víða að, allt frá Áltafirði
í suðri, af Berufjarðarströnd, Breiðdal,
Stöðvarfirði, Seyðisfirði og víða af Hér-
aðinu. Þetta var mikil vinna. Við vorum
ekki með mikinn vélakost en lögðum
okkur fram við að gera þetta vel, enda
var gæsin frá okkur yfirleitt hátíðarmatur.
Manni finnst nú ekkert sniðugt ef maður
kaupir jólagæs að þurfa að byrja á því
að plokka mesta fiðrið af henni.“
Engin grásleppa síðustu tvær vertíðirnar
En Kalli hafði áður farið í Fiskvinnslu-
skólann og meðan á gæsatímabilinu stóð
gerði hann líka út einn bát. Það lá því
beinast við hjá honum að nýta námið og
reynsluna. Og framhaldið hefur verið
hægt og sígandi. Sjálfur hefur hann yfir
að ráða um 200 tonna kvóta en segir
mjög misjafnt hvernig Borgfirðingar séu
staddir með kvóta. „Ég held að menn
séu nú alveg á tæpasta með kvóta til að
gera út stærstu og nýjustu bátana, en
þeir geta jú aðeins bætt sér það upp
með grásleppunni. Frá árinu 1994 hafa
að jafnaði verið gerðir út 3 bátar á grá-
sleppu frá Borgarfirði, það eru mínir bát-
ar tveir og Eydís NS hans Ólafs Hall-
grímssonar, þar til í fyrra að við lögðum
ekki út af hrognaverði og það er enn
lægra í ár. Það er jú góð veiði á Bakka-
firði núna en það er ekki beint að
marka, bátarnir eru helmingi færri en
venjulega. Þannig að það er rýmra um
þá sem eftir verða.“
Karl Sveinsson, sér ekki fram á annað
en Fiskverkun Kalla Sveins verði rekin
áfram með svipuðu sniði og verið hefur.
„Það er svo erfitt að reka þetta öðruvísi.
Saltfiskvinnslan er fljótvirkasta aðferðin
til að koma fiskinum ferskum í vinnslu
við þessar aðstæður. Það geta komið allt
upp í 100 tonn á einni viku og ekkert í
mánuð á eftir. Í saltfiskinum skapast
meiri jöfnuður, þá er hægt að nota
bræludagana til að pakka og ganga frá
fiskinum.“
Gengi íslensku krónunnar hefur verið
útflutningsgreinum erfitt síðasta árið.
„Þetta er að komast í jafnvægi núna og
ef þetta helst svona þá verður þetta í
lagi.“ Kalli segir síðasta ár hafa verið sér-
staklega erfitt. Aðspurður um hvort Fisk-
verkun Kalla Sveins hafi alltaf verið rek-
in réttu megin við núllið segir hann:
Árið um kring er líflegt um að lítast á hafnarsvæðinu á Borgarfirði eystra, enda er þar öflug smábátaútgerð.
aegirapril-48breitt.qxp 5/11/06 12:45 PM Page 27