Ægir - 01.06.2006, Side 35

35
F I S K I S T O F N A R N I R
hinsvegar út frá því að um
einn stofn sé að ræða í ráð-
gjöf sinni. Á fundi sem lauk
1. júní síðastliðinn fjallaði
ráðgjafarnefndin um ástand
úthafskarfa. Nefndin komst
að þeirri niðurstöðu að ekki
væri hægt að ráðleggja veiðar
á úthafskarfa nema skýrar
vísbendingar komi fram um
aukningu í stofninum eða þar
til nákvæmari upplýsingar
liggja fyrir um veiðiþol. Ráð-
gjöf Alþjóðahafrannsókna-
ráðsins byggir á því að:
• Mikill samdráttur hefur
orðið í afla og afla á
sóknareiningu frá árinu
2003 og útgefið aflamark
flestra þjóða sem stunda
veiðarnar náðist ekki árið
2005.
• Neikvæð þróun hefur ver-
ið í bergmálsmælingum
undanfarinn áratug og
stuttri tímaröð mælinga
með togaðferð. Mælingar
með togaðferð hafa verið
notaðar til að endurspegla
þróun í karfa á meira
dýpi en 600 metrum, þ.e.
á því dýpi sem veiðin á
fyrri hluta árs á sér fyrst
og fremst stað. Einnig var
litið til þess að mikil
óvissa tengist niðurstöð-
um mælinga.
• Mikil fækkun hefur orðið
í fjölda stórkarfa í mæl-
ingum (karfi sem er 40
cm og stærri).
• Óvissa er um stofngerð
karfa.
• Karfi er hægvaxta og
seinkynþroska og er því
viðkvæmur fyrir hugsan-
legri ofveiði. Ef ofveiði á
sér stað og stofninn yrði
mjög lítill gæti tekið lang-
an tíma að ná aftur upp
fyrri framleiðslugetu hans.
Í ljósi þess sem að ofan
segir lagði ráðgjafarnefnd Al-
þjóðahafrannsóknaráðsins til
að engar veiðar verði leyfðar
árið 2007.“
Grálúðan enn á hættusvæði
Talið er að grálúðan við Aust-
ur-Grænland, Ísland og Fær-
eyjar sé af sama stofni. Heild-
arafli grálúðu á
þessu svæði var 24 þús.
tonn árið 2005 og hefur
minnkað um tæp 7 000 tonn
á síðustu þremur árum. Afli á
Íslandsmiðum var um 13
þús. tonn árið 2005 og
hefur ekki verið
minni síðan
1999. Afli
utan ís-
lensku lög-
sögunnar
var rúm 11 þús.
tonn árið 2001, rúm 10
þús. tonn við Austur- Græn-
land og tæp 1 000 tonn við
Færeyjar. Hlutdeild afla á Ís-
landsmiðum var um og yfir
90% af heildaraflanum á ár-
unum 1982-1992 en minnkaði
ört eftir það og hefur verið
50-70% frá árinu 1996.
Almennt er það niðurstaða
Hafró að grálúðustofninn við
Ísland sé áfram á hættusvæði
og því verði að takmarka
sóknina í stofninn áfram.
Sjávarútvegsráðherra fylgdi
ráðgjöf Hafró við ákvörðun
heildarafla á næsta fiskveiði-
ári og verður kvótinn 15 þús-
und tonn eins og í á yfir-
standandi fiskveiðiári.
Góðar horfur í síldinni
Íslenski sumargotssíldarstofn-
inn er sterkur, samkvæmt
mælingum Hafró, og virðist
aldrei hafa verið sterkari.
Talið er að hrygningarstofn-
inn verði í sumar um 670
þúsund tonn og miðað við
kjörsókn verði aflinn á vertíð-
inni í haust 130 þúsund tonn,
en það er sú tala sem Hafró
lagði til að verði veitt af sum-
argotssíldinni á næsta fisk-
veiðiári og ráðherra hefur
staðfest þá tillögu. Þetta er 20
þúsund tonna aukning frá
síðasta fiskveiðiári og er því
klárlega til marks um að vel
hafi gengið að byggja stofn-
inn upp.
Í vaxandi mæli hefur
norsk-íslenska síldin verið að
veiðast innan íslensku lög-
sögunnar, á síðasta ári er
talið að um 2.600 tonn af síld
úr þessum stofni hafi veiðst í
íslenskri lögsögu. Gert er ráð
fyrir að tillaga um hámarks-
afla úr norsk-islenska síldar-
stofninum fyrir 2007 liggi fyrir
í haust þegar vinnunefnd Al-
þjóðahafrannsóknaráðsins
hittist til skrafs og ráðagerða.
Eins og fyrr telur Hafró fulla ástæðu til að fara varlega í veiðar á grálúðunni, enda
virðist stofninn vera veikur. Heimildir eru til veiða á 15 þúsund tonnum af grálúðu
á næsta fiskveiðiári eins og á yfirstandandi fiskveiðiári.
Karfinn er áfram á hættusvæði, að mati Hafró, og leggur stofnunin því til mjög
takmarkaðar veiðar á karfanum á næsta fiskveiðiári. Sjávarútvegsráðherra hefur
staðfest tillögu Hafró.
Vel hefur tekist til með uppbyggingu ýsustofnsins og hann er ágætlega sterkur.
Sjávarútvegsráðherra heimilar ívið meiri ýsuveiði á næsta fiskveiðiári en Hafró
lagði til.
aegirjuni06qxp 7/7/06 1:17 PM Page 35