Ægir - 01.06.2009, Blaðsíða 16

16
F I S K M A R K A Ð I R
„Á þessu ári hefur verið svolít-
ill samdráttur hér á markaðn-
um í Reykjavík sem helgast
fyrst og fremst af því að okkar
aðal viðskiptabátur, togarinn
Stefnir, hefur ekki verið að
fiska karfa eins og undanfarin
ár og þar af leiðandi ekki
landað hér á markaðinn. En
svona er þetta sveiflukennt og
getur allt eins orðið upp á við
á síðari hluta ársins og næsta
vetur,“ segir Örn Smárason
hjá Fiskmarkaði Íslands við
Reykjavíkurhöfn.
Ferskfiskvinnslurnar
mikilvægar
„Ég hef verið með í viðskipt-
um tvo stærstu bátana sem
landað hafa á fiskmarkaði
hérlendis að jafnaði, togarana
Stefni ÍS og Steinunni SF.
Stefnir var til að mynda að
selja á þriðja þúsund tonn hér
á markaðnum í fyrra þannig
að við finnum fyrir því þegar
hann fer í önnur verkefni. En
þetta sýnir að það er öll
skipaflóran að nýta sér fisk-
markaðina, ekki bara smærri
bátarnir,“ segir Örn en uppi-
staðan í lönduðum afla hjá
Fiskmarkaði Íslands í Reyka-
vík er karfi, ýsa og steinbítur.
„Þetta er fiskur sem aðallega
er að fara í ferskfiskvinnsluna
eða gáma beint í útflutning.
Kaupendaflóran er breið og
kemur alls staðar af landinu.
Þetta er bara spurning um
hvar kaupandinn fær það
verð sem hann er sáttur við
og hvenær hann þarf fisk.
Þannig eru vinnslurnar hér
syðra að sækja fisk á markað-
ina úti á landi alveg á sama
hátt og landsbyggðarvinnsl-
urnar sækja hingað suður ef á
þarf að halda. En verðið ræð-
ur mestu og það er hærra hér
á suðvestursvæði landsins
sem skýrist af því að hér er
þorrinn af þeim vinnslum
sem kaupir á mörkuðum til
ferskfiskútflutnings með flugi.
Ég held að við Íslendingar
værum ekki að gera stóra
hluti í dag ef við hefðum ekki
komið vel undir okkur fótun-
um í ferskfiskútflutningi.
Hann skiptir þjóðarbúið
miklu í dag,“ segir Örn.
Hagkvæmt fyrir bæði
kaupendur og seljendur
Hjá FMÍ við Reykjavíkurhöfn
leggja um 50 bátar upp á árs-
grundvelli, virkir söluaðilar ef
svo má segja. Það sem af er
ári hafa farið um 2500 tonn
um markaðinn, sem Örn segir
talsvert minna en á síðasta
ári. Undanfarin ár hafa farið
um markaðinn á bilinu sex til
níu þúsund tonn árlega „en
við þekkjum þessar sveiflur í
gegnum söguna og fáum
reglulega bæði toppa og
lægðir. Það þarf ekki nema
eitt stórt skip í fasta löndun til
að breyta miklu og staðreynd-
in er að margar stórar útgerð-
ir eru að nota fiskmarkaðina.
Þetta kerfi er mikilvægur
hlekkur í því að bæði útgerð-
ir og vinnslur geti leitað hag-
kvæmustu leiða hverju sinni í
sölu og kaupum á hráefni.
Þannig eru margir að sérhæfa
sig í stærðum á fiski eftir því
hvaða fiskafurðir þeir eru að
framleiða. Allt grundvallast
þetta á því að um borð í skip-
unum sé vandað til hráefnis-
meðhöndlunar og flokkunar,
samkvæmt þeim kröfum sem
við gerum á mörkuðunum.
Ég tel að þau atriði séu al-
mennt í góðu lagi. Við værum
að fá ábendingar frá kaup-
endum ef svo væri ekki en
fáum sjaldan athugasemdir.
Sjómenn eru meðvitaðir um
að hafa gæðin í fyrirrúmi,“
segir Örn Smárason hjá Fisk-
markaði Íslands við Reykja-
víkurhöfn.
Fiskmarkaður Íslands við Reykjavíkurhöfn selur að jafnaði 6-8000 tonn á ári:
Allt frá togurum niður í smá-
báta í föstum viðskiptum
Örn Smárason hjá Fiskmarkaði Íslands. „Kaupendaflóra okkar er breið og alls staðar af landinu.“
Afla landað í Reyjavíkurhöfn.