Morgunblaðið - Sunnudagur - 07.12.2014, Qupperneq 30

Matur
og drykkir
Snætt í háloftum
*Einn skrítnasti veitingastaður í heimi, Dinnerin the Sky, er staðsettur í París, Brussel ogDubai. Veitingastaðurinn býður gestum aðsnæða við glæsilegt matarborð sem hangir íkrana, 50 metra frá jörðu. Til þess að fá borðþurfa gestir að vera nákvæmlega 22 talsins ogþurfa að vera a.m.k. 1,50 m á hæð. Kvöld-
verðurinn kostar sitt því meðalverð fyrir allt
heila klabbið er um það bil 3,5 milljón.
D
esember er tekinn við og það styttist óðum í
jólin. Margir eru eflaust á fullu í jólabakstri
og því er tilvalið að fá uppskrift að dásam-
legum sörum í safnið. Eva Laufey Kjaran
Hermannsdóttir gefur lesendum sunnudagsblaðsins
uppskrift að sörum sem eru í sérstöku uppáhaldi hjá
henni. „Ég er mikið jólabarn, enda eru jólin besti tími
ársins að mínu mati,“ segir Eva Laufey. „Ég hef óskap-
lega gaman af bakstri og þá sérstaklega fyrir jólin. Ég
baka kannski ekki margar sortir en ég baka sömu kök-
urnar aftur og aftur. Súkkulaðibitakökur, spesíur og svo
eru sörur í uppáhaldi.“
Spurð um hefðir á jólunum hjá fjölskyldunni svarar
Eva Laufey því að þær séu þónokkrar sem haldið er í.
„Frá því að ég var lítil höfum við alltaf farið með jóla-
kort og jólapakka til ættingjanna á aðfangadagsmorgun,
þá stoppum við gjarnan og heilsum upp á ættingjana,
en ætli matarhefðirnar heima séu ekki sterkari en aðrar
jólahefðir. Súpan hennar mömmu er alltaf í forrétt og
svo er svínahamborgarhryggur. Ég er hinsvegar sú eina
sem borðar hann ekki, svo ég fæ alltaf sér mat á jól-
unum, bara það sem mig langar í hverju sinni,“ segir
hún og hlær. „Í ár ætla ég að elda Beef Wellington en
það er innbökuð nautalund sem mér þykir afskaplega
góð. Eftir matinn kemur bið að sjálfsögðu og í æsku
minnist ég þess að hún hafi verið endalaus. Svo er boðið
upp á konfekt og kaffi og pakkar opnaðir. Margar litlar
hefðir sem ég gæti ekki sleppt og það væri ómögulegt
að breyta þeim.“
Í haust eignaðist Eva Laufey frumburð sinn, dótturina
Ingibjörgu Rósu, með kærasta sínum Haraldi Haralds-
syni og verða jólin því öðruvísi í ár. „Jólin verða einstök
í ár, ég hlakka mikið til að eyða þeim með Ingibjörgu
Rósu og Hadda mínum,“ segir Eva Laufey að lokum.
HINAR KLASSÍSKU SÖRUR KLIKKA EKKI
Einstök jól
framundan
EVA LAUFEY ER VÖN AÐ BAKA SÖMU TEGUNDIRNAR FYRIR JÓLIN. HÚN
ER MIKIÐ JÓLABARN OG HLAKKAR TIL AÐ NJÓTA FYRSTU JÓLA
NÝFÆDDRAR DÓTTUR SINNAR Í FAÐMI FJÖLSKYLDUNNAR.
Gunnþórunn Jónsdóttir gunnthorunn@mbl.is
Eva hefur un-
un af því að
baka.
BOTN
4 eggjahvítur
230 g heslihnetur (eða möndlur)
230 g flórsykur
Aðferð: Hitið ofninn í 180°C. Hakkið heslihnet-
urnar eða möndlurnar í matvinnsluvél. Stífþeytið
eggjahvíturnar þar til hægt er að hvolfa skálinni án
þess að hvíturnar renni úr. Blandið hnetunum og
flórsykrinum varlega saman við eggjahvíturnar með
sleikju. Mótið kökurnar með teskeið og setjið á
pappírsklædda ofnplötu. Bakið í 10–12 mínútur.
KREM
4 eggjarauður
1 dl vatn
130 g sykur
250 g smjör, við stofuhita
2 – 3 msk kakó
½ tsk vanillusykur eða vanillu extract
1 msk sterkt uppáhellt kaffi
Aðferð: Þeytið eggjarauðurnar. Hitið vatn og sykur
þar til það hitnar og verður að sírópi. Hellið sír-
ópinu saman við eggjarauðurnar í mjórri bunu og
haldið áfram að þeyta. Skerið smjörið í teninga og
bætið út í. Næsta skref er að bæta kakó, vanillu og
kaffi út í kremið. Þeytið í svolitla stund eða þar til
kremið verður silkimjúkt. Það er ágætt að smakka
sig til á þessu stigi. Kælið kremið áður en þið setjið
það á kökurnar. Gott er að sprauta kreminu á kök-
urnar með sprautupoka eða nota teskeiðar til þess
að smyrja kreminu á þær. Það er algjört smekks-
atriði hversu mikið af kremi fer á kökurnar. Kælið
kökurnar mjög vel, helst í frysti, áður en þær eru
hjúpaðar.
HJÚPUR
300 g súkkulaðihjúpur
Aðferð: Bræðið súkkulaðihnappa yfir vatnsbaði.
Dýfið kremhlutanum á sörunum ofan í súkkulaðið.
Gott er að geyma sörurnar í frysti. Njótið vel.
Sörur