Fréttablaðið - 07.09.2015, Blaðsíða 44

Ástkær eiginmaður minn, faðir,
tengdafaðir og afi,
Guðni Frímann Guðjónsson
byggingatæknifræðingur,
lést á heimili sínu þann 26. ágúst.
Útför hans fer fram frá Háteigskirkju
miðvikudaginn 9. september klukkan 13.00.
Alda Guðrún Friðriksdóttir
Friðrik Guðjón Guðnason
Anna Soffía Gunnlaugsdóttir
Guðni Viðar og Gunnlaugur Dan
1191 Menn Ríkarðs sigra
Saladín í orrustunni við
Arsuf.
1822 Brasilía lýsir yfir sjálf-
stæði.
1901 Boxarauppreisninni í
Kína lýkur.
1953 Níkíta Krútsjov er kjör-
inn aðalritari kommún-
istaflokks Sovétríkj-
anna.
1953 Mohammad Daoud
Khan verður forsætis-
ráðherra Afganistan.
1972 Ísland og Belgía gera
með sér samning um
heimildir fyrir belgíska
togara til fiskveiða inn-
an 50 mílna markanna
í tvö ár.
1973 Mósaíkmynd eftir Gerði
Helgadóttur á vegg Toll-
stöðvarhússins í Reykja-
vík er afhjúpuð.
1992 Haraldur 5. og Sonja,
konungshjón Noregs,
koma í opinbera heim-
sókn til Íslands.
1996 Skotið er á bíl rapparans
2Pac í Las Vegas. Hann
deyr sex dögum síðar.
1998 Larry Page og Sergey
Brin stofna Google.
Merkisatburðir
Guðrún Helgadóttir er áttræð í dag, en
hún fæddist í Hafnarfirði þann sjöunda
september árið 1935. Í gegnum árin hafa
störf Guðrúnar sett svip sinn á íslenska
menningu, jafnt ritstörf sem þingstörf.
Hún er einn af okkar ástsælustu rithöf-
undum og hefur gefið út fjölda bóka,
einkum fyrir börn og unglinga. Þá hafa
verk hennar einnig verið kvikmynduð og
hefur hún hlotið fjölda verðlauna.
Fyrsta bók Guðrúnar var Jón Oddur
og Jón Bjarni og kom hún út árið 1974.
Bókinni var vel tekið en hún fjallar um tví-
burana sem bókin er nefnd eftir og ævin-
týri þeirra. Í kjölfarið fylgdu tvær bækur
um þá til viðbótar og leikstýrði Þráinn
Bertelsson kvikmynd um þá bræður.
Þá hefur Guðrún einnig skrifað barna-
bækurnar Sitji Guðs englar, Saman í
hring og Sænginni yfir minni og voru þær
nýlega gefnar út á ný, allar saman í einni
bók. Að auki skrifaði hún barnabókina
Undan illgresinu og hlaut fyrir hana
Norrænu barnabókaverðlaunin. Þau eru
ekki einu verðlaunin sem Guðrún hefur
hlotið en hún hlaut árið 2005 Verðlaun
Jónasar Hallgrímssonar fyrir framlag sitt
til íslenskrar tungu.
Afmælisbarnið hefur einnig skrifað
eina skáldsögu fyrir fullorðna, Oddaflug,
auk nokkurra leikrita. Það vinsælasta er
án efa Óvitar, sem var frumflutt í Þjóðleik-
húsinu 1979 og hefur einnig verið sett á
svið í Færeyjum og Noregi.
Ritstörfin eru eins og áður sagði ekki
það eina sem Guðrún hefur afrekað en
hún markaði tímamót í kvenréttinda-
baráttu Íslendinga árið 1988 þegar hún
var kjörin forseti Alþingis, fyrst kvenna.
Guðrún var á þeim tíma þingmaður
Alþýðubandalagsins en áður hafði hún
verið borgarfulltrúi flokksins.
„Það var mjög ánægjulegt að verða
þessa heiðurs aðnjótandi og þá spillti ekki
fyrir að varaforsetarnir komu úr röðum
kvenna. Það var ánægjulegt og óvænt,“
hafði DV eftir Guðrúnu daginn eftir
kjörið. Varaforsetar hennar voru Salóme
Þorkelsdóttir og Valgerður Sverrisdóttir.
Meðal frumvarpa sem Guðrún lagði
fram á Alþingi var frumvarp um stofn-
un embættis umboðsmanns barna.
Þá var hún einnig flutningsmaður
þingsályktunar tillagna um bann við
kjarnorkuvopnum á íslensku yfirráða-
svæði, að kanna hvort starfsmenn lög-
reglu virði ekki friðhelgi einkalífsins og
um undirbúning notkunar á blýlausu
bensíni hér á landi. thorgnyr@frettabladid.is
Barnabókahöfundur
fagnar áttræðisafmæli
Rithöfundurinn og stjórnmálakonan Guðrún Helgadóttir fagnar áttræðisafmæli í dag.
Í gegnum tíðina hefur hún skrifað fjölmargar bækur, einkum fyrir börn og unglinga.
Þá varð hún fyrst íslenskra kvenna til þess að gegna embætti forseta Alþingis.
Larry Page og Sergey Brin.
Velferðarvaktin hefur lagt til við Eygló Harðardóttur, félags- og
húsnæðismálaráðherra, að ráðist verði í tilraunaverkefni sem
miðar að því að styrkja stöðu einstæðra foreldra sem eru not-
endur fjárhagsaðstoðar, með hagsmuni barna þeirra að leiðar-
ljósi. Siv Friðleifsdóttir, formaður Velferðarvaktarinnar, gerði
ráðherra grein fyrir tillögunni á fundi í velferðarráðuneytinu
fyrir helgi.
Tilraunaverkefnið sem Velferðarvaktin leggur til að ráðist
verði í byggist á niðurstöðu rannsóknar sem Rannsóknar-
stofnun í barna- og fjölskylduvernd gerði í samstarfi við Félags-
vísindastofnun Háskóla Íslands. Niðurstöður rannsóknarinnar
sýna meðal annars að börn efnaminni foreldra taka síður þátt
í skipulögðu íþrótta- og tómstundastarfi, eru síður á leikskóla
og hafa síður aðgang að félagslegu tengslaneti almennt saman-
borið við börn efnameiri foreldra. - jhh
Aukin áhersla á börn
Guðrún Helgadóttir, rithöfundur og fyrrverandi alþingismaður.
Fyrsta bók Guðrúnar var
Jón Oddur og Jón Bjarni og kom
hún út árið 1974. Bókinni var
vel tekið en hún fjallar um
tvíburana sem bókin er nefnd
eftir og ævintýri þeirra.
Kvikmyndin Íslenski draumurinn í leikstjórn
Róberts Douglas var frumsýnd þennan dag
fyrir fimmtán árum. Myndin er byggð á sam-
nefndri skáldsögu Guðmundar Andra Thors-
sonar og var hún tilnefnd til fernra Eddu-
verðlauna en hlaut engin.
„Íslenski draumurinn er gamanmynd sem
fjallar um ungan athafnamann sem á það til
að byggja sér skýjaborgir. Hann á sér draum
um frægð og frama í viðskiptum en þarf að
glíma við þær truflanir sem fylgja hversdags-
lífinu eins og að vera helgarpabbi og spila
fótbolta í frístundum,“
sagði á sínum tíma í
tilkynningu frá Kvik-
myndafélagi Íslands.
Athafnamaðurinn
sem um ræðir heitir Tóti.
Með hlutverk Tóta fór
Þórhallur Sverrisson en með
honum léku meðal annars Jón Gnarr og Haf-
dís Huld.
„Ég bara man ekki hvernig ég fékk hug-
myndina að Íslenska draumnum. Maður fær
bara hugmyndir og ákveður að framkvæma
þær en ég veit ekki hvaðan þær koma. Jú,
þær koma oftast út úr einhverjum pirringi.
Annaðhvort pirrar mig eitthvað í þjóðfélag-
inu eða það er eitthvað að í einkalífinu.
Þá koma hugmyndirnar. Það þarf að vera
ákveðið þunglyndi í manni ef maður ætlar
að gera góða gamanmynd. Maður þarf að
hafa húmor fyrir hlutunum sem eru ekki að
ganga upp,“ sagði Róbert við Morgunblaðið
eftir frumsýningu myndarinnar fyrir fimmtán
árum. - þea
Þ ETTA G E R Ð I ST :
7 . S E P T E M B E R 2 0 0 0
Íslenski draumurinn var frumsýndur
»
Siv Friðleifsdóttir er formaður Velferðarvaktarinnar. Fréttablaðið/Ernir
TÍMAMÓT 7 . S E P T E M B E R 2 0 1 5 M Á N U D A G U R
0
6
-0
9
-2
0
1
5
2
3
:1
1
F
B
0
5
6
s
_
P
0
5
3
K
.p
1
.p
d
f
F
B
0
5
6
s
_
P
0
4
4
K
.p
1
.p
d
f
F
B
0
5
6
s
_
P
0
0
4
K
.p
1
.p
d
f
F
B
0
5
6
s
_
P
0
1
3
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
5
F
E
-3
D
6
C
1
5
F
E
-3
C
3
0
1
5
F
E
-3
A
F
4
1
5
F
E
-3
9
B
8
2
7
5
X
4
0
0
.0
0
1
3
B

F
B
0
5
6
s
C
M
Y
K