Breiðholtsblaðið - 01.11.2006, Blaðsíða 14
Sjálfboðastarf Reykjavíkurdeildar Rauða-
krossins, kirknanna í Breiðholti og félags-
starfsins í Gerðubergi er að fara af stað en
markmið þess er að finna fólk í Breiðholts-
hverfi sem hefur litla eða enga umgengni
við annað fólk og halda sambandi við það.
Fyrsti fundur þessara aðila vegna sjálfboða-
starfsins fór fram í Gerðubergi á dögunum
og næsti fundur verður í félagsmiðstöðinni
Árskógum þriðjudaginn 21. nóvember kl.
15.00. Undirbúningur gengur vel en enn
vantar fleiri sjálfboðaliða til þess að sinna
þessu mikilvæga verkefni. Störf sjálfboða-
liðanna verða einkum fólgin í heimsóknum
til fólks, ræða við það, lesa eða fara með
því í gönguferðir en miðast að sjálfssögðu
einnig við persónubundnar þarfir hvers og
eins. Sjálfboðaliðar fá ákveðna þjálfum og
leiðbeiningar um hvernig best sé að ynna þetta starf af hendi og hefur Pálína Jónsdóttir, kennari annast leið-
beiningastarf fyrir væntanlega sjálfboðaliða. Myndin var tekin af fundinum í Gerðubergi á dögunum.
14 Breiðholtsblaðið NÓVEMBER 2006
Níutíu Æringar kepptu á unglingamóti
Tæplega níutíu Ægiringar
kepptu á unglingamót Ármanns
sem fór fram í Laugardalslaug
fyrir nokkru og syntu þar alls
356 sund. Árangurinn í heildina
er góður þar sem margar góðar
bætingar litu dagsins ljós. Stór
hópur yngri sundmanna tók þátt
í mótinu og margir að prófa nýjar
greinar. Þetta gerðu þau öll frá-
bærlega og aðeins fjórar ógilding-
ar voru hjá 10 ára og yngri af 98
sundum, sem er frábær árangur.
Kristín Þóra úr Silfurhóp náði
frábærum áfanga þegar hún bætt
sig verulega í 50 metra flugsundi
og tryggði sér þátttökurétt á ÍM-
25, en hún hefur bætt sig um 8
sek. í þessari grein á tímabilinu.
Nokkrir sundmenn úr Gullhóp
voru að ná lágmörkum í hina
ýmsu hópa hjá landsliðinu þrátt
fyrir mjög harðar æfingar síðustu
vikur, en þeir sem syntu lengst
syntu 168 km. síðustu þrjár vik-
urnar frá Vísmóti Ægis, sem gerir
alls 56 km. að meðaltali á viku
eða 6,2 km. að meðaltali á æfingu.
Olga Sigurðardóttir náði lágmarki
í 200 metra skriðsundi fyrir NMU,
en hún hafði náð áður í 800
metra skriðsundi. Jóhanna Gerða
Gústafsdóttir náði lágmarki fyr-
ir C-stig Unglingalandsliðs, en
hún hefur nú þegar tryggt sér
þátttökurétt á EM-25. Þau Anja
Ríkey, Auður Sif, Árni Már, Jakob
Jóhann og Kolbrún Ýr náðu lág-
mörkum fyrir C-1 í Afrekslandslið
í einni eða fleiri greinum um helg-
ina. Viktor Máni Vilbergsson kom
heim frá Ungverjalandi og keppti
á mótinu og stóð sig hreint frá-
bærlega. Gaman var að sjá hann
aftur í lauginni og við þökkum
honum fyrir góðar stundir um
helgina.
Sundfélagið Ægir
Í október síðastliðnum fóru 13
nemendur úr fjölmiðlafræði í FB
í vettvangsferð til Grindavíkur, en
ferðin er hluti af verkefni sem er
unnið í áfanganum, FLM 2136. Til-
gangur ferðarinnar var að fá heild-
aryfirsýn af Grindavík, einskonar
þverskurð af mann- og atvinnulíf-
inu þar. Hópnum var skipt niður í
minni hópa og átti hver hópur að
sjá um ákveðin viðfangsefni. Mik-
ill undirbúningur var fyrir ferðina
því það þurfti að búa til spurning-
ar og hafa samband við viðmæl-
endur áður en lagt var af stað svo
allt myndi smella saman.
Nemendurnir mættu um morg-
uninn í skólann og svo var lagt af
stað á einkabílum til Grindavíkur.
Hópurinn hittist svo á veitingar-
staðnum Brim þar sem nemendur
dvöldu á milli viðtala. Þar gátu
nemendurnir unnið úr efni sem
komið var áður en haldið var af
stað í næsta viðtal.
Eftir að nemendurnir komu til
baka í bæinn fóru þeir beint í skól-
ann til að klára að slá inn viðtölin,
flokka ljósmyndir o.fl., en að sjálf-
sögðu var pöntuð pítsa því allir
þurftu að fá næringu í kroppinn.
Líf og fjör í góðri Grindavíkurferð
Breiðholtsskóli varð í síðasta mánuði sigurvegari í grunnskólamóti
Knattspyrnuráðs Reykjavíkur.
Efri röð frá vinstri: Prabin Robin Gurung, Elvar Snær Guðmundsson,
Árni Indriðason, Sævar Ingi Sigurðsson, Davíð Már Stefánsson,
Eyþór Guðnason kennari og Eyþór Ernir Oddsson.
Miðröð frá vinstri: Sigurður Rúnar Rúnarsson, Brynjar Ingi Erluson,
Gent Hoda, Gísli Karl Ingvarsson og Hrólfur Smári Pétursson.
Markmaðurinn Ásgeir Kári Ásgeirsson er fremstur.
Smiðjuvegi
Hér
er ég!
Þarna er fjölmiðlahópurinn ásamt kennurunum samankomin af
aflokinni Grindavíkurferð.
Bókaútgáfan Hólar í Breiðholti
hefur sent frá sér bókina Án lyfseð-
ils sem inniheldur gamansögur af
læknum, hjúkrunarfólki og sjúk-
lingum. Bjarni Jónsson, læknir hef-
ur safnað sögunum saman. Hólar
hafa á undanförnum árum gefið út
nokkrar bækur þar sem gamanmál
af hinum ýmsu stéttum þjóðfélags-
ins eru dregin fram í dagsljósið.
Þótt stundum geti verið um vinnu-
staðaskop og frásagnir af daglegri
háttu fólks, sem er lagið við að sjá
skoplegar hliðar á tilverunni að
ræða, þá spanna þessar frásögur
oft nokkuð víðara svið mannlegra
mistaka, misskilnings og annars
sem upp kann að koma í samskipt-
um fólks. Sumar þessara sagna
hafa lifað með fólki sem einskonar
þjóðsögur, oft innan tiltekinna sté-
tta, en aðrar eru nýjar af nálinni.
Án lyfseðils er engin undantekn-
ing að þessu leyti og er hressileg
lesning sem kitlar hláturtaugarnar.
Hólar hefur einnig sent frá sér
útilífsbókina Úr útiverunni - Geng-
ið og skokkað eftir Bjarna E. Guð-
leifsson, náttúrufræðing og úti-
vistarmann. Bjarni er fjölfróður
um náttúruna og landslag okkar
Íslendinga og þekkir ýmis útivistar-
svæði vel af eigin raun. Hann þekk-
ir einnig vel til þess hvernig best
er að búa sig til útivistar, hvort
sem ætlunin er að hlaupa, skok-
ka, ganga eða njóta útiverunnar
með öðrum hætti. Úr útiverunni
- Gengið og skokkað er bæði fróð-
leg og skemmtileg aflestrar og lær-
dómsrík fyrir þá sem eru á leið út
í skokkið.
Bókaútgáfa í Breiðholti