Vesturbæjarblaðið - 01.07.2007, Qupperneq 2
Hvað á að rísa á
uppfyllingu við
Ánanaust?
Á fundi borgarráðs nýverið var
lagt fram bréf sviðsstjóra fram-
kvæmdasviðs varðandi landfyll-
ingar í Ánanaustum, og var það
samþykkt með 5 atkvæðum gegn
2. Í tilefni þess óskuðu borgarráðs-
fulltrúar Samfylkingar að bókað
yrði að að það væri ótækt að gefa
framkvæmdaleyfi fyrir fyllingu
við Ánanaust þegar ekki lægi fyr-
ir hvort eða hvað eigi að rísa á
viðkomandi fyllingu, endanleg
stærð liggi ekki fyrir eða svör um
landnotkun. Það veki jafnframt
spurningar um hvort það stand-
ist að uppfyllingin falli ekki undir
lög um umhverfismat. Meirihluti
borgarstjórnar hafði áður boðað
að fallið yrði frá viðkomandi land-
fyllingum en aðalskipulag gerir
ekki ráð fyrir að af uppbyggingu á
þeim verði fyrr en eftir 2012. Borg-
arráðsfulltrúar Framsóknarflokks
og Sjálfstæðisflokks óskuðu að
bókað yrði að framkvæmdaleyfið
væri samþykkt á grunni gildandi
aðalskipulags og kæmi til móts
við brýna þörf fyrir losunarstað
jarðefna í vesturhluta borgarinn-
ar. Næsti mögulegi losunarstaður
jarðefna væri á Hólmsheiði sem
er í um 15 km fjarlægð frá athafna-
svæði hafnarinnar. Það gæfi auga
leið að efnisflutningar úr miðborg
Reykjavíkur að Hólmsheiði hefði
verulega neikvæð umhverfisáhrif
í för með sér auk þess sem kostn-
aður vegna þess væri óheyrilegur.
Borgarráðsfulltrúi Vinstri grænna
og áheyrnarfulltrúi F-lista lýstu yfir
stuðningi við tillöguna á forsend-
um gildandi aðalskipulags sem og
þeim umhverfissjónarmiðum sem
varða vegalengdir og mengun sem
stafar af efnisflutningi. Jafnframt
lögðu þeir áherslu á að í fyllingu
tímans nýttist nýtt svæði í þágu
almennings og þá fyrst og fremst
barna og ungmenna.
Aðkoma að
miðborgarfélagi
Margrét K. Sverrisdóttir, borgar-
fulltrúi F-lista, telur nauðsynlegt
að tryggja með einhverjum hætti
virka aðkomu íbúa miðborgarinn-
ar að hinu nýstofnaða miðborgar-
félagi. Þetta kom fram á borgar-
stjórnarfundi. Margrét telur að
íbúar eigi að koma að skipulagi og
þurfi að vera með alveg frá frum-
hugmynd í gegnum stefnumótun-
arferlið að ákvörðun. Til þess þurfi
að skapa vettvang þar sem íbúar
og stjórnmálamenn starfi saman á
jafnræðisgrundvelli. Sú leið sé ekki
farin með því félagsformi sem liggi
fyrir um miðborgarfélagið. Varar
hún við því að hagsmunaaðilar í
atvinnurekstri fái að ráða meiru
um þróun miðborgarinnar í krafti
fjármagns heldur en íbúarnir.
Deiliskipulag
Nýlendureitar enn
til umræðu
Á fundi Skipulagsráð Reykjavík-
urborgar 11. júlí sl. var tekið enn
á ný fyrir deiliskipulag Nýlendu-
reitar. Tillagan var auglýst frá 2.
maí til og með 13. júní sl. og bár-
ust athugasemdir frá Daða Guð-
björnssyni, Stefáni Guðjónssyni,
Timur Zolotuskiy, Erni Baldurs-
syni, Ástu S. Gísladóttur og Aroni
N. Þorfinnssyni, Sæmundi Bene-
diktssyni, Magnúsi Skúlasyni fh.
Húsafriðunarnefndar, Ólöf & Jon
ehf. fh. Grétars Guðmundssonar,
Áshildi Haraldsdóttur, Sveinbirni
Gunnarssyni, Heimi M. Péturssyni
og Sigurlaugu E. Gunnarsdóttur
og Kristjáni S. Árnasyni. Auglýst
tillaga var samþykkt með þeim
breytingum sem fram koma í
umsögn skipulagsstjóra, og með
þeirri breytingu að koma skal fyrir
kvöð á lóðinni nr. 20 við Nýlendu-
götu um bílastæði neðanjarðar.
Þar hefur Rétttrúnaðarkirkjan
á Íslandi fengið leyfi til að reisa
kirkju.
Hótel rís að
Laugavegi 4-6
Kaupangur eignarhaldsfélag
ehf. hefur sótt um leyfi til að rífa
núverandi hús nr. 4 og nr. 6 við
Laugaveg ásamt stigahúsi húss nr.
1A við Skólavörðustíg og byggja
fjögurra hæða steinsteypt hótel-
og verslunarhús með samtals 50
hótelherbergjum í nýbyggingu og
á 2.-5. hæð hússins Skólavörðu-
stíg 1A sem sameinað verður húsi
að Laugavegi í einn matshluta allt
einangrað að utan og múrhúðað á
lóð nr. 4-6 við Laugaveg og 1A við
Skólavörðustíg. Umsókninni var
vísað til umsagnar rýnihóps um
útlit bygginga í miðborginni.
Barðinn byggir á
Granda
Á fundi skipulagsráðs var tekið
fyrir umsókn Eignarhaldsfélagsins
Barðans vegna Fiskislóðar 23-25,
austan stórhýsis BYKO og Krón-
unar sem er að rísa á svæðinu,
til að byggja stálgrindarhús með
millilofti í hluta húss fyrir versl-
un og þjónustu. Skipulagsráð ger-
ir ekki athugasemd við að veitt
verði byggingarleyfi þegar teikn-
ingar hafa verið lagfærðar í sam-
ræmi við athugasemdir á umsókn-
areyðublaði og því var málinu vís-
að til afgreiðslu byggingarfulltrúa.
Við Fiskislóð er að rýsa annað stór-
hýsi fyrir fyrirtækið Geymslur ehf.
Felix Bergsson tals-
maður Samfylking-
arinnar í málefnum
Vesturbæjarins
Borgarstjórnarflokkur Samfylk-
ingarinnar hefur skipað talsmenn
í einstökum málaflokkum sem á
að stuðla að markvissum málflutn-
ingi Samfylkingarinnar í öllum
málaflokkum og að ábyrgð, for-
ysta og verkaskipting innan borg-
arstjórnarflokksins í stefnumótun
og upplýsingamiðlun sé skýr. Með-
al talsmanna má nefna að Dagur
B. Eggertsson verður talsmaður
um stjórn borgarinnar og í skipu-
lags- og samgöngumálum; Björk
Vilhelmsdóttir í velferðarmálum
og málefnum Faxaflóahafna; Odd-
ný Sturludóttir í menntamálum og
málefnum miðborgarinnar; Sigrún
Elsa Smáradóttir í leikskólamál-
um; Stefán Jóhann Stefánsson í
íþrótta- og tómstundamálum og
Felix Bergsson í málefnum Vestur-
bæjarins.
Nýr skrifstofustjóri
borgarstjóra
Borgarráð Reykjavíkur hefur
samþykkt tillögu borgarstjóra um
ráðningu Magnúsar Þórs Gylfa-
sonar, viðskiptafræðings, í stöðu
skrifstofustjóra borgarstjóra til
eins árs. Magnús Þór gegnir starf-
inu í leyfi Kristínar A. Árnadótt-
ur sem utanríkisráðuneytið hefur
ráðið til að leiða framboð Íslands
til Öryggisráðs Sameinuðu þjóð-
anna. Borgarráð samþykkti ein-
nig að Magnús Þór gegni starfi
borgarritara þar til ráðið hefur
verið í stöðuna. Umsóknarfrestur
um hana hefur verið auglýstur til
28. ágúst nk. Magnús Þór Gylfa-
son gegndi starfi skrifstofustjóra
og verkefnisstjóra á skrifstofu
borgarstjóra síðasta vetur og sit-
ur í starfshópi borgarstjóra um
bættan rekstur Reykjavíkurborg-
ar. Hann var framkvæmdastjóri
borgarstjórnarflokks Sjálfstæðis-
flokksins á árunum 2002 til 2006
og framkvæmdastjóri Sambands
ungra sjálfstæðismanna á árunum
2000 til 2002.
Símaver borgarinnar
sannar sig
Umtalsverð aukning varð í þjón-
ustu Símavers Reykjavíkurborgar
milli áranna 2006 og 2007. Þegar
borinn er saman fjöldi símhring-
inga fyrstu sex mánuði ársins
2007 og fyrstu sex mánuði ársins
á undan kemur í ljós að meðaltali
20% fjölgun símtala á milli ára.
Auk þess hefur þjónusta Síma-
versins við borgarbúa aukist tölu-
vert á síðustu misserum. Símaver
Reykjavíkurborgar var stofnað fyr-
ir tveimur árum. Meginhlutverk
þess er að tryggja íbúum borgar-
innar greiðari aðgang að upplýs-
ingum um þjónustu Reykjavíkur-
borgar í einu símanúmeri, 4 11 11
11. Símaver Reykjavíkurborgar er
allsherjar upplýsinga- og þjónustu-
ver fyrir borgarbúa. Starfsmenn
símaversins veita íbúum upplýs-
ingar og leysa úr fjölbreyttum
erindum. Íbúar fá aðstoð við að
fylla út umsóknir á vef borgarinn-
ar, svara fyrirspurnum og erind-
um um starfsemi borgarinnar, t.d.
viðburði og gatnaframkvæmdir.
Símaverið er stærsta upplýsinga-
veita landsins á sviði opinberrar
þjónustu og stjórnsýslu.
2 Vesturbæjarblaðið
Útgefandi: Borgarblöð ehf.
Vesturgötu 15 • 101 Reykjavík
Sími: 511 1188 • 561 1594
Fax: 561 1594
Ritstjóri: Geir A. Guðsteinsson, Sími 564 5933, 898 5933
Netfang: geirgudsteinsson@simnet.is
Auglýsingasími: 511 1188 • 561 1594 • 895 8298
Netfang: borgarblod@simnet.is
Framkvæmda- og auglýsingastjóri: Kristján Jóhannsson
Umbrot: Valur Kristjánsson
Prentun: Prentsmiðja Morgunblaðsins
Dreifing: Íslandspóstur
7. tbl. 10. árgangur
Vesturbæjarblaðinu er dreift í hvert hús í Vesturbæ og Miðborg.
S T U T T A R
B O R G A R F R É T T I R
H vað á að gera við Gröndalshús sem er að grotna niður við Vesturgötuna á baklóð þar sem enginn sér húsið eða getur notið þess? Sagt er að búið sé að gefa það Rithöfundasambandi Íslands sem hyggist nota það sem
gestahús fyrir erlenda rithöfunda sem hingað vilja koma og skrifa, og eflaust mun
andinn koma í ríku mæli yfir þá í þessu andans húsi. Það þýðir hins vegar að húsið
fer ekki upp á Árbæjarsafn, sem eflaust er það eina skynsamlega í stöðunni, vegna
þess að ekki er hægt er vera með vinnuaðstöðu inni á miðju sýningarsvæðinu uppi
á Árbæjarsafni. Ekki virðist mikil skynsemi í því að fara með það í Grjótaþorpið og
taka þar með upp eina útivistarsvæðið sem um hálft hundrað íbúa Grjótaþorps-
ins hefur til útivistar á svæðinu. Það virðist komið í tísku að mótmæla þéttingu
byggðar en væri það ekki í sátt við flesta ef Gröndalshúsi yrði komið fyrir á auðri
lóð í Vesturbænum, t.d. við Bræðraborgarstíginn, Lynghaga, Grenimel eða neðan
Ægisíðu nálægt grásleppuskúrunum þar sem það virkilega fengi að njóta sín. Nú
fer fram mikil umræða og breytingar á deiliskipulagi Grandans þar sem m.a. eru að
rísa verslunarstórhýsi og stórhýsi þjónustufyrirtækja. Væri ekki bara heppilegt að
koma Gröndalshúsi fyrir úti á Granda, þar yrði það sýnilegt mörgum þeim sem um
Grandannn fara, bæði Íslendingum og erlendum ferðamönnum. Kannski er pláss
fyrir Gröndalshúss við Mýrargötuna, í nágrenni við kirkju rússnesku Rétttrúnað-
arkirkjunnar sem þar á að rísa. Hver svo sem niðurstaðan verður er ljóst að sam-
staða verður að ríkja um framtíðarstaðsetningu þessa sögufræga húss.
Komið til móts við óskir íbúa
H anna Birna Kristjánsdóttir, forseti borgarstjórnar og formaður skipu-lagsráðs borgarinnar, segir m.a. í viðtali hér í blaðinu að tillaga að nýju deiliskipulagi að Keilugranda 1 komi til móts við óskir um minni nýtingu
á lóðinni með lækkun á nýtingarhlutfalli og með því að lækka byggingar. Þannig
sé hæð húsana sem næst standa íbúðabyggðinni aðeins fjórar hæðir en fer mest
upp í níu hæðir við Eiðsgranda þar sem áður hafði verið gert ráð fyrir þrettán
hæðum. Forseti borgarstjórnar segist ekki útiloka að gerðar verði einhverjar
breytingar á þeirri tillögu sem nú er í auglýsingu, enda auglýsingatíminn til þess
ætlaður að fá enn frekari viðbrögð úr umhverfinu. Forseti borgarstjórnar telur
tillöguna mæta ágætlega því markmiði að byggja þarna íbúðabyggð í góðu sam-
hengi við það sem fyrir er í þessum hluta borgarinnar.
Er íbúalýðræði
birtingarmynd valdhroka?
V ið kjósum konur og karla í lands- og sveitastjórnir út frá þeirri pólitísku hugsjón og stefnu sem þau og flokkar þeirra standa fyrir. Við treystum þessu fólki til að setja sig vel inn í einstök málefni og að það taki upplýstar ákvarðanir sem eru í
takt við þá hugsjón og stefnu sem það stendur fyrir. Við höfum ekki atvinnu af og fæst
tíma til að setja okkur vel inn í einstök mál, sérstaklega þegar flækjustig er hátt og hags-
munir miklir. Erum við almenningur betur í stakk búinn til að taka ákvarðanir í einstaka
málefnum sem við höfum veitt öðru fólki umboð til og borgum því fyrir að leiða til
lykta? Er hægt að tryggja að við sem höfum annað hvort takmarkaðan tíma eða áhuga
til, skoðum meira en toppinn á ísjakanum í einstaka málefnum? Er eðlilegt að þeir full-
trúar sem við réðum í það starf að veita okkar eigin hugsjónum brautargengi á hinum
pólitíska vígvelli, leggi niður störf og segi að við eigum að bjarga okkur sjálf, þeir taki
ekki afstöðu? Eru þeir stjórnmálamenn sem tala fyrir auknu íbúalýðræði raunverulega
að tala fyrir bættri stjórnsýslu og auknum gæðum ákvarðanatöku eða eru þeir að fiska
eftir atkvæðum með því að þykjast treysta almenningi í verkið? Erum við með aukinni
kröfu um íbúalýðræði að meta okkar hæfni til þátttöku í stjórnmálum rétt eða er þetta
bara birtingarmynd valdhrokans sem blundar, í misjöfnum mæli þó, innra með okkur
öllum? Þessar spurningar, og reyndar margar fleiri er rétt að hafa í huga þegar deilt er
við kjörna fulltrúa í sveitarstjórnum og Alþingi um deiliskipulag og þéttingu byggðar,
um framtíðaráform í menntamálum eða byggingu nýs grunnskóla, um fjárhagslegan
stuðning við starfsemi íþróttafélaga sem snertir stóran hluta allra íbúa eða bara um við-
hald gatna sem stundum verður hitamál, sérstaklega þegar um ræða þá götu sem við-
komandi býr við. Íbúalýðræði er gott, en það gefur ekki sjálfkrafa leyfi til að mótmæla
nánast öllu sem kjörnir fulltrúar samþykkja og hrinda í framkvæmd.
Geir A. Guðsteinsson
Framtíð Gröndalshúss
Vesturbæingar
Á ekki bara að
flytja Gröndalshús í
Hljómskálagarðinn?
JÚLÍ 2007