Vesturbæjarblaðið - 01.10.2006, Blaðsíða 12

Ég er í framboði í prófkjöri Sam-
fylkingarinnar 11. nóvember nk.
En af því að ég bið ekki um tiltekið
sæti, mun ekki opna kosningaskrif-
stofu, sendi ekki út litprentaðan
auglýsingabækling og ónáða ekki
kjósendur með skipulögðum hring-
ingum, hefur sá orðrómur komist
á kreik að ég meini lítið með þessu
framboði.
Það er misskilningur.
Mér er full alvara með þátttöku
minni og sækist eftir fylgi. Í hvaða
sæti sem er. Ég býð mig fram til að
veita jafnaðarstefnunni lið en legg
ekki síður áherslu á að vera fulltrúi
eldri kynslóðarinnar. Kem enda
úr hennar röðum. Málefni eldri
borgara hafa mjög verið í umræð-
unni undanfarin misseri og ekki að
ástæðulausu. Þjónustu hrakar og
er að mörgu leyti til vansæmdar.
Tekjuskerðingar almannatrygginga
eru óréttlátar ef ekki beinlínis alvit-
lausar. Lífeyri aldraðra er langt fyr-
ir neðan velsæmismörk og skatt-
ar af almennum lífeyrisgreiðslum
eiga að vera þeir sömu og skattar
af fjármagnstekjum. Fyrir því mun
ég sérstaklega berjast.
Þá er kominn tími til að gera
atlögu að þeirri ósvinnu lífeyris-
sjóðanna, að lífeyrisgreiðslur til
maka lífeyrisþega séu skornar við
trog, þegar lífeyrisþegi fellur frá.
Þannig að það er af mörgu að
taka.
Þær hugmyndir hafa verið á
lofti að eldri borgarar bjóði fram
sérstakan lista við næstu alþingis-
kosningar. Ég er að vísu efins um
skynsemi þess. Ég held að það
framboð muni ekki hafa erindi sem
erfiði. Tilteknir aldurshópar eiga
ekki að einangra sig frá flokkun-
um og annari pólitískri umræðu.
Nær er að stjórnmálaflokkarnir fái
sjálfir að axla þá ábyrgð og skyldu
að hleypa fulltrúum eldri kynslóð-
arinnar að. Við skulum láta á það
reyna.
Ég held líka að það sé tilraunar-
innar virði að fara í framboð án
þess að eyða milljónum króna í
auglýsingaherferð um eigið ágæti.
Þær milljónir hef ég svosum ekki
tiltækar og mér geðjast held-
ur ekki að því að fá aðra til að
borga undir mig herkostnaðinn.
Auk þess að oftast eru þetta óekta
glansmyndir.
En fyrst
og s íðast
e r e r i n d i
m i t t i n n
á þennan
vettvang að
leggja þeim
málstað lið,
sem berst
fyrir sam-
félagslegri
á b y r g ð ,
manneskju-
l e g u m o g
ö f g a l a u s -
um áhrifum jafnaðar og réttlætis.
Vinda ofan af græðginni og gróð-
anum. Skapa leikreglur sem bæði
ríkir og fátækir geta sætt sig við.
Þjóðin þarf á því að halda. Það
er engum til góðs að langvar-
andi völd safnist á sömu hendur.
Hvorki valdhöfunum né þegnun-
um. Það er komi tími til breytinga.
Þess vegna er ég í framboði, af
því mig varðar um framtíð barna
minna og barnabarna. Og það er
full alvara.
Ellert B. Schram
Kirkjugarðurinn við Suðurgötu,
Hólavallagarður, er „stærsta og
elsta minjasafn” Reykjavíkur, seg-
ir Björn Th. Björnsson listfræðing-
ur á í bók sinni Minningarmörk í
Hólavallagarði. Það er mikilvægt
að varðveita garðinn fyrir kom-
andi kynslóðir. Til eru lög um varð-
veislu gamalla húsa en ekki garða.
Ég hef lagt til á Alþingi ásamt tólf
öðrum þingmönnum að tryggð
verði varðveisla, uppbygging og
kynning á þeim menningarverð-
mætum sem fólgin eru í Hólavalla-
garði svo komandi kynslóðir fái
notið hans. Í fyrra var garðurinn
eina tilnefning Íslands til umhverf-
isverðlauna Norðurlandaráðs.
Einn merkasti
kirkjugarður í Evrópu
Garðurinn var aðalkirkjugarður
Reykjavíkur frá árinu 1838. Minn-
ingarmörkin segja sína sögu um
þróun bæjarins og fólkið sem lifði
þar og bjó fyrrum. Margir legstein-
ar hljóta að hafa kostað stórfé
þegar þeir voru settir upp og sýna
hvernig fyrri kynslóðir mátu minn-
ingu látinna. Hverfi minnismerkin
hverfur einnig hluti sögunnar.
Í skýrslu um þau segir að á því
leiki vart vafi að garðurinn sé
með merkustu kirkjugörðum hér-
lendis og jafnvel þótt víðar væri
leitað í Norður-Evrópu. Fyrir því
eru nokkrar ástæður. Fyrst ber
að nefna að engin meiriháttar
röskun hefur orðið á garðinum
frá því að hann var vígður. Garður-
inn heldur því sínum upphaflega
svip frá því að fyrst var grafið og
þar til lokið var við síðustu stækk-
un hans í upphafi fjórða áratugar
síðustu aldar. Ólíkt því sem sjá
má í eldri kirkjugörðum á Norður-
löndum hefur elsti hluti garðsins
verið látinn algerlega óhreyfður.
Gönguferð milli minningarmarka
í garðinum er sem ferð í tíma
þar sem sjá má þróunina í gerð
þeirra, auk þess sem garðurinn er
heimild um list- og táknfræði, per-
sónusögu og ættfræði og stefnur
í byggingarlist, auk annars sem
nefna mætti. Á mörgum legstein-
um frá því um miðbik síðustu ald-
ar eru lágmyndir af þeim sem þar
hvíla og eru
m a r g a r
þeirra merk-
a r h e i m -
i l d i r u m
listamenn-
ina Einar
Jónsson og
Ríkarð Jóns-
son. Hóla-
vallagarður
er mjög gró-
inn og er
þar að finna
hátt á annað
hundrað plantna, en grasafræðin
er eitt af því sem full ástæða væri
að rannsaka og þá gildi garðsins
sem grasagarðs.
Sögulegar heimildir á
hverju strái
Annað sem gerir Hólavallagarð
mjög merkan er mikið af járn-
steyptum minningarmörkum,
aðallega krossum, auk fjölda járn-
steyptra grindverka. Hlutfallslega
eru mörg slík minningarmörk
varðveitt hér á landi, en erlendis
hafa pottjárnskrossar og -girðing-
ar oft farið forgörðum. Víða var
öllu járni í kirkjugörðum safnað
saman í styrjöldum og það brætt
til hergagnagerðar. Hólavallagarð-
ur er því söguleg heimild um ýms-
ar iðngreinar.
Vegna þess hve garðurinn er
einstakur hefur hann aðdráttarafl
fyrir erlenda ferðamenn sem inn-
lenda. Það hefur komið vel í ljós í
skipulögðum göngum um garðinn
undanfarið. Skálda-, ljóða-, sögu-
og listagöngur gætu orðið fastur
liður hjá komandi kynslóðum ef
garðurinn fær að haldast óbreytt-
ur og menningarverðmæti sem
hann hefur að geyma verða varð-
veittar. Hann er þjóðargersemi í
Vesturbænum.
Ásta Ragnheiður Jóhannesdótt-
ir er þingmaður Reykjavíkur og
Vesturbæingur.
Hún stefnir á 4. sæti í prófkjöri
Samfylkingarinnar 11. nóvember
nk.
12 Vesturbæjarblaðið OKTÓBER 2006
Frábær ferðadragt
Þær einfaldlega
krumpast ekki
Mörg snið
stærðir 36-48
Verslaðu glæsilegan
fatnað þar sem
gæði og þjónusta
skipta máli.
Laugavegi 63 • Sími 5514422
BASIC DRAGTIN
ALLTAF KLASSÍSK, ALLTAF FLOTT
Skoðið Basic bæklingin á Laxdal.isSkoðið Basic bæklinginn á Laxdal.is
Framboð í fullri alvöru
Ellert B. Schram
Hólavallagarður - ger-
semi í Vesturbænum
Ásta Ragnheiður
Jóhannesdóttir.
Nudd - heilun - hómópatía - fótsnyrting
Höfuðbeina og spjaldhryggsjöfnun
Aðstaða (herbergi) til leigu fyrir slíka eða álíka starfsemi í
vesturbænum. Sameiginleg lítil móttaka, snyrting, sturta,
gufubað og ljósabekkur. Nuddari starfandi á staðnum.
Upplýsingar í síma 563 9900 Auður og 892 0394 Guðmundur.