Vesturbæjarblaðið - 01.01.2007, Blaðsíða 14

14 Vesturbæjarblaðið JANÚAR 2007
Ragnheiður Ragnarsdóttir,
einn besti sundmaður landsins
og íþróttamaður KR 2006, hóf
að æfa sund aðeins 6 ára gömul.
Hún var fyrst í stað nánast í öll-
um íþróttum, s.s. körfubolta, fót-
bolta, handbolta, frjálsum íþrótt-
um og fimleikum en síðan fannst
henni skemmtilegast í sundinu
og þar voru hennar helstu vin-
konur, svo valið milli íþrótta-
greina varð ekki svo ýkja erfitt.
Hún kemur úr mikilli íþróttafjöl-
skyldu, allir fjölskyldumeðlimir í
íþróttum, og hún segir að foreldr-
ar hennar hafi snemma kvatt hana
til að velja þá íþrótt sem henni
þótti skemmtilegust. Foreldrar
Ragnheiðar eru Ragnar Marteins-
son og Sigríður Anna Guðjónsdótt-
ir sem stunda íþróttir daglega,
sem og systir hennar.
- Hefur aldrei á þessum árum
sem þú efur verið að æfa íþróttir
hvarflað að þér að hætta sundiðk-
un, hvort sem er vegna þess hversu
miklum tíma er varið í æfingar eða
einfaldlega vegna leiðinda?
“Jú, oft og á hverju einasta ári!
Það er kannski helst þegar lengst-
ur tími líður milli móta og ekkert
framundan nema þrotlausar æfing-
ar og verið er að fórna félagslífinu.
Það var ekki sist erfitt þegar ég
var að byrja í menntaskóla og gat
kannski ekki tekið þátt í einhverju
sem var skemmtilegt og vakti
mikla tilhlökkun hjá skólafélögum
mínum. Ég fór í Menntaskólann í
Hamrahlíð, MH, en lauk stúdents-
prófi frá Fjölbraut í Garðabæ, FG.
Segja má að nú snúist lífið um
sund, æfa og keppa í sundi, kenna
sund og fleiri greinar hjá barna-
skóla Hjallastefnunnar að Vífils-
stöðum og vinna hjá APPLE.”
Árangur í sundi næst
með þolinmæði
- Hefur sundiðkendum fjölgað síð-
an þú hófst keppni um 10 ára aldur-
inn og keppni harðnað?
“Það hætta margir þegar þeir
ná ekki þeim árangri sem þeir
stefna að. Mörgum skortir einnig
þolinmæði, halda að þetta komi
bara tiltölulega fljótt svo kepp-
endum á sundmótum er ekki að
fjölga mjög mikið, og ekki í takt
við bætta aðstöðu eins og t.d.
nýja innilaugin í Laugardalnum
veitir. En ég vona að það breyt-
ist og þegar er mikil aukning í
hópi yngstu barnanna. Keppnin
hér heima hefur alltaf verið mikil
og svo komst ég fljótt til keppni
erlendis á unglingamótum. Nú eru
það Evrópumótin og heimsmeist-
aramótin sem ég stefni á þátttöku
í. Ég hef ekki ákveðið að hætta
keppni eftir ákveðið alþjóðlegt
sundmót, en í dag er stefnan sett
á þátttöku á Olympíuleikana í Pek-
ing í Kína árið 2008. Í marsmánuði
nk. hefst baráttan við að ná lág-
mörkum í tímatöku til að öðlast
þáttöku á Olympíuleikunum. Það
jafnast ekkert á við það að keppa
á Olympíuyleikum, en ég tók þátt í
Olympíuleikkunum í Aþenu í Grikk-
landi 2004, og keppti þar í 50 og
100 metra skriðsundi. Ég stefni
að ná lágmarkinu í þeim greinum
fyrir Kínaleikana, en kannski reyni
ég líka að bæta mig í fjórsundinu
og ná einnig lágmarkinu þar. Ég
hef verið að keppa í fjórsundi í 25
metra laug. Ég held að ég sé að ná
svipuðum árangri í 25 metra laug
eins og í 50 metra laug, en æfingar
miðast svolítið við að hvaða móti
er stefnt og í hversu langri laug á
að keppa í. Í desembermánuði sl.
var t.d. keppt í 25 metra laug á Evr-
ópumeistaramótinu, og auðvitað
miðuðust æfingar við það. Eftir
tvö mánuði er HM í 50 metra laug
í Melbourne í Ástralíu, og ég er
búinn að tryggja mér keppnisrétt
þar ásamt Jakobi og Erni, en von-
andi ná fleiri lágmörkunum.”
- Þú hefur ekki alltaf keppt undir
merkjum KR. Með hvað félögum
kepptir þú áður?
“Ég bjó fyrstu árin á Reynimeln-
um en hef búið lengst af í Garða-
bæ og hóf að keppa með Stjörn-
unni. Síðan lá leiðin í Breiðabllik,
síðan í SH og þaðan til Bandaríkj-
anna í hálft ár og ég keppti þar
með bandarísku háskólaliði. Ég fór
aftur í SH þegar ég kom til baka en
í ársbyrjun 2005 fór ég í KR. Mér
leist vel á æfingaplanið hjá KR og
þjálfarann, Mads Claussen frá Dan-
mörku, en einnig þekkti ég nokkra
krakka í KR sem mig langaði að
æfa með.”
- Ef þú værir ekki að æfa sund, í
hvaða íþrótt værirðu þá að keppa?
“Ég veit það satt að segja ekki,
en líklega ekki í boltaíþróttum
vegna þess að mig skortir eitthvað
á samhæfingu handa og bolta.
Kannski mundi ég fylgja fjölskyld-
unni og keppa í golfi!
Ég er einnig fyrst og fremst ein-
staklingsíþróttamanneskja svo
kannski væri ég í hlaupum í frjáls-
um íþróttum. Ég á erfitt með að
stóla á einhvern annan til árang-
urs, eins og nauðsynlegt er í
flokkaíþróttum. Best er að treysta
á sjálfan sig og geta ekki eða hafa
möguleika á að kenna einhverjum
öðrum um ef t.d. leikur tapast.”
- Hvers virði var það að verða
valinn íþróttamaður KR árið 2006?
“Það var sérstaklega gaman en
í KR er mikið af góðum íþrótta-
mönnum svo það var mér mikils
virði að vera valin. Það sýnir hvað
sunddeild KR er sterk og hefur á
að skipa frábærum forsvarsmönn-
um,” segir Ragnheiður Ragnars-
dóttir, sunddrottning.
Nýlega var Ragnheiður valin
íþróttamaður Garðabæjar 2006
og sundkona ársins af Sundsam-
bandi Íslands.
Ý M I S Þ J Ó N U S T A
Hreinsum allan fatnað,
sængur, millidýnur og gardínur
á athyglisverðu verði.
EFNALAUGIN
DRÍFA
Hringbraut 119 • Rvk.
ÖLL ALMENN PRENTUN
SÍMI 561 1594
895 8298
HRÓLFSSKÁLAVÖR 14
NETFANG: NES@ISHOLF.IS
AUGL†SINGASÍMI
511 1188
895 8298
Netfang:
borgarblod@simnet.is
Stefnir á þáttöku á OL í Kína 2008
Dómkirkjan býður upp á fjöl-
breytta dagskrá fyrir þá sem
þangað vilja sækja. Þar má
nefna að á hverjum sunnudegi á
meðan messu stendur eru barna-
stundir á kirkjulofti Dómkirkj-
unnar. Þar eru barnasálmarnir
sungnir, bænir beðnar, frásög-
ur af Jesú sagðar í leik og með
myndum. Krakkarnir fá „Kirkju-
bók” og lita síðan og lesa með
vinum, systkinum og foreldrum.
Djús og léttar veitingar eru eftir
stundina.
Kvöldkirkjan í miðborg
Reykjavíkur
Á hverju fimmtudagskvöldi er
Dómkirkjan sem opinn faðmur í
miðborg Reykjavíkur. Öllum er
frjálst að koma í kirkjuna, tendra
bænaljós, skrifa kveðju eða hug-
leiðingu í þar til gerða bók, skrifa
bæn og taka þátt í helgistundum.
Þeir sem hafa komið tala flestir
um þá nærveru og kyrrð sem
mætir manni að kvöldi í helgidóm-
inum. Kvöldkirkjan er þessi vett-
vangur kyrrðar og nærveru þar
sem fólk fær næði til að hugsa,
íhuga og biðja. Kvöldkirkjan býð-
ur upp á samtal við prest og fyrir-
bænir. Starfsfólk og prestar Dóm-
kirkjunnar ásamt sjálfboðaliðum
sameina krafta sína á þessum mik-
ilvæga vettvangi. Ef þú sem lest
þessi orð hefur áhuga á því að
gerast sjálfboðaliði í starfi kvöld-
kirkjunnar getur þú haft samband
við presta kirkjunnar eða annað
starfsfólk. Slóðin á netinu er www.
domkirkjan.is
Helgihald í Kolaportinu
Síðasta sunnudag í hverjum
mánuði eru guðsþjónustur í Kola-
portinu klukkan 14.00. Aðstaða
helgihaldsins er á kaffihúsinu Kaffi
Port, þar sem ilmandi kaffi og
góðar veitingar eru í boði. Mikil
nálægð skapast í þessu andrúms-
lofti og þátttaka í guðsþjónustu
á þessum vettvangi er merkileg
upplifun. Þorvaldur Halldórsson
leiðir tónlistina í helgihaldinu. En
klukkan 13:30 leikur hann af fingr-
um fram sígild dægurlög í bland
við sálma. Að helgihaldinu koma
margir prestar og djáknar, en við
hverja athöfn eru venjulega þrír
til þjónustu auk tónlistarfólks.
Næsta guðsþjónusta í Kolaport-
inu er sunnudaginn 28. janúar kl.
14.00
Dómkirkjan býður
m.a. upp á helgihald
í Kolaportinu
Sundkonan og íþróttamaður KR 2006, Ragnheiður Ragnarsdóttir, á
bakka Sundlaugar Vesturbæjar. Þar æfir hún reglulega ásamt því að
æfa í viðurkenndum keppnislaugum.
Þorvaldur Halldórsson og Sigrún Óskarsdóttir við helgihald á vegum
Dómkirkjunnar í Kolaportinu.