Skinfaxi - 01.02.2015, Side 3
SKINFAXI tímarit Ungmennafélags Íslands 3
U m þessar mundir eru 10 ár liðin frá því að fyrsti hópurinn dvaldi við leik og störf í Ungmenna- og tómstundabúðum Ungmenna-félags Íslands á Laugum í Sæl-
ingsdal. Tímamótanna var minnst með sér-
stakri afmælishátíð á Laugum þann 17. janúar
sl. Um 100 manns mættu í veislukaffi og nutu
þess sem í boði var.
Ungmenna- og tómstundabúðirnar eru
reknar af Ungmennafélagi Íslands og eru þær
ætlaðar nemendum 9. bekkjar grunnskól-
anna en þeir eiga möguleika á að dvelja þar
frá mánudegi til föstudags við leik og störf.
Nemendur úr heimabyggð (Dalabyggð),
Varmárlandi og Borgarnesi dvöldu fyrstu
vikuna á sínum tíma og mættu þau til leiks
þann 17. janúar 2005.
Ungmenna- og tómstundabúðir UMFÍ á Laugum fagna tímamótum:
Umgjörðin er alltaf að verða
betri og staðurinn sjálfur flottari
„Starfið í ungmennabúðunum hefur bara
verið að eflast með hverju árinu. Umgjörð-
in er alltaf að verða betri og staðurinn sjálf-
ur að verða flottari. Við erum afskaplega
hamingjusöm með hvernig hefur gengið
og búðirnar eiga tvímælalaust bjarta fram-
tíð fyrir höndum,“ sagði Anna Margrét
Tómasdóttir, forstöðumaður Ungmenna-
og tómstundabúða UMFÍ að Laugum, í
spjalli við Skinfaxa.
Að sögn Önnu Margrétar sækja um tvö
þúsund ungmenni búðirnar á þessu starfs-
ári. Það er fjölgun frá því í fyrra og segir
Anna Margrét veturinn þann stærsta í
sögu búðanna. Aðspurð um hverju megi
þakka velgengni búðanna segir hún að
það sé fyrst og fremst gott starf og góður
andi. Krakkar sem þar dvelja eru almennt
ánægðir og þetta spyrst út en allt saman
helst þetta í hendur.
„Staðurinn er flottur í alla staði. Stað-
setningin er góð og aðstaðan með íþrótta-
húsi og sundlaug er frábær. Við höfum
ennfremur verið að byggja upp útisvæðið
og bændurnir, sem taka á móti krökkun-
um, gera dvölina í búðunum skemmtilega
og eftirminnilega. Sömu skólarnir koma ár
eftir ár og alltaf eru nýir að bætast við. Það
er uppörvandi að starfa við þetta þegar
vel gengur og gaman í vinnunni hjá okk-
ur. Starfið verður bara betra og öflugra
með hverju árinu,“ segir Anna Margrét.
Veturinn sá stærsti í sögu ungmennabúðanna
Nokkrir viðburðir eru enn
á sínum stað
Margt hefur breyst á þeim tíma sem liðinn
er en þó eru nokkrir viðburðir á sínum stað.
Eiríksstaðir, Tungustapi og sundlaugarpartý
eru meðal þeirra viðburða sem enn eru á
dagskrá í búðunum. Þá hefur dagskráin þró-
ast með því starfsfólki sem er þar hverju
sinni og því sem þátttakendur hafa að segja
um starfið. Almenn ánægja er með starfið á
Laugum og hafa aldrei fleiri þátttakendur
bókað sig til leiks og í ár. Á þessum tímamót-
um hafa um 16 þúsund nemenda grunnskól-
anna dvalið í búðunum og fengið að upplifa
þvílík dásemd er að dvelja í Sælingsdal.
Staðsetning búðanna að Laugum í Sæl-
ingsdal er einmitt kjörin til þessarar starf-
semi og vel við hæfi. Á Laugum eru góðar
vistarverur, fallegt umhverfi, sundlaug, íþrótta-
hús, Lillulundur og fleira og í nágrenninu
margir sögufrægir staðir.
Frá vinstri: Jóhannes Haukur Hauksson, odd-
viti Dalabyggðar, Anna Margrét Tómasdóttir,
forstöðumaður ungmennabúðanna, og Sveinn
Pálsson, sveitarstjóri Dalabyggðar.