Skinfaxi - 01.02.2015, Page 10

10 SKINFAXI tímarit Ungmennafélags Íslands
G rindavík er mikill íþróttabær og Ung-mennafélag Grindavíkur hefur á að skipa íþróttafólki í fremstu röð. Félagið
átti í febrúar sl. 80 ára afmæli, en það var
stofnað 1935 sem Íþróttafélag Grindavíkur.
Félagið var endurvakið 1963 og nafni þess
breytt í Ungmennafélag Grindavíkur. Á síð-
ustu árum hefur vakið athygli glæsileg upp-
bygging íþróttamannvirkja og er öll aðstaða
til íþróttaiðkana fyrsta flokks. Í Grindavík er
fjölnota íþróttahús, knattspyrnuvöllur með
góðri aðstöðu fyrir áhorfendur, nýlegur 18
holu golfvöllur og reiðhöll. Uppbyggingu er
hvergi lokið, íþróttahúsið verður stækkað og
aðstaða fyrir félagsstarf bætt til muna.
Til fróðleiks um uppgang innan félagsins
má nefna að 1977 voru fjórar deildir starf-
ræktar, knattspyrnu-, körfuknattleiks-, júdó-
og handknattleiksdeild. Sunddeild var stofn-
uð 2001, fimleikadeild 2005 og taekwondo-
deild 2006, svo eitthvað sé nefnt. Þá hafa
Grindvíkingar um árabil átt körfu- og knatt-
spyrnumenn í efstu deild. Fyrsti formaður
félagsins var Jón Tómasson en núverandi
formaður er Gunnlaugur Hreinsson.
Ný íþróttamiðstöð – öflug viðbót
Íþróttamiðstöð Grindavíkur, sem tekin verð-
ur í notkun í apríl, er hugsuð sem öflug við-
bót við íþróttamannvirkin á svæðinu. Bygg-
ingin er í raun miðstöð eða hjarta sem teng-
ir saman íþróttahús, sundlaug og íþrótta-
svæði utanhúss. Byggingin mun örva sam-
Starf Ungmennafélags Grindavíkur stendur með blóma:
Framtíðin getur ekki annað en verið björt
nýtingu og tengsl húsanna sem fyrir eru um
leið og hún er mikilvæg viðbót í æskulýðs-
og unglingastarfi bæjarins og aflgjafi fyrir
almenna íþróttaiðkun. Íþróttamiðstöðin verð-
ur nýtt hjarta íþróttaiðkunar í Grindavík.
Byggingin er áfangi í uppbyggingu svæðis-
ins og þarf að geta tengst frekari uppbygg-
ingu sem líkleg er á svæðinu í náinni framtíð.
Sjö deildir með um fimm
hundruð iðkendur
„Ungmennafélag Grindavíkur er með um
500 iðkendur og í dag eru starfandi sjö deild-
ir, knattspyrnu-, körfuknattleiks-, júdó-,
taekwondo-, sund-, fimleika- og skotdeild.
Knattspyrnan er stærst með í kringum 300
iðkendur og síðan kemur körfuboltinn þar á
eftir. Við erum með 350 börn á grunnskóla-
aldri sem greiða æfingagjöld af tæplega 500
skólabörnum. Við getum sagt að það hafi ver-
ið mjög sterk hefð fyrir íþróttum í Grindavík
sl. fjörutíu ár. Fyrir þann tíma var erfitt að halda
íþróttastarfi úti enda fóru flestir á síld fyrir
norðan og austan og bærinn var tómur á
sumrin. Ungmennafélagið var endurvakið
1963 en þá var flest búið að vera í ládeyðu í
um tvo áratugi,“ sagði Gunnlaugur Hreins-
son, formaður Umf. Grindavíkur.
Gunnlaugur segir Grindvíkinga geta verið
stolta af íþróttafólki sínu. Hann segir íþrótta-
líf í bænum búa við það að eiga sterka og
öfluga styrktaraðila og fyrirtæki sem styðja
vel við bakið á öllu íþróttalífi.
Fyrsta félagsheimilið
„Aðstaða til keppni og íþróttaiðkana hefur
verið góð en nú er svo komið að íþróttahúsið
er sprungið. Núna erum við að skoða hvort
við eigum að stækka íþróttahúsið eða byggja
nýtt. Við tökum síðan í notkun í apríl nýja
íþróttamiðstöð og með því má segja að ung-
mennafélagið sé í raun að eignast sitt fyrsta
félagsheimili í tugi ára. Með tilkomu þess lít-
um við björtum augum til foreldrastarfs og
annars starfs sem mun eflast til muna. Við
höfum innan vébanda okkar góða þjálfara,
sterkar deildir og öflug fyrirtæki sem styðja
vel við bakið á okkur, að ógleymdu sterku
bæjarfélagi og bæjarstjórn. Með þessa sterku
aðila á bak við okkur getur framtíðin ekki
annað en verið björt,“ segir Gunnlaugur.
Gunnlaugur Hreins-
son, formaður Umf.
Grindavíkur.