Skinfaxi - 01.02.2015, Side 25

SKINFAXI tímarit Ungmennafélags Íslands 25
ðslum hafi fjölgað til muna
Golfhópar í ákveðnum æfingum
Gauti hefur undanfarin ár sérhæft sig í að
sinna kylfingum enda er hann sjálfur mikill
áhugamaður um golf. Hann vinnur aðeins
fyrir Golfsambandið en af því leiðir að margir
kylfingar hafa leitað til hans. Gauti segist vera
með golfhópa í ákveðnum æfingum og hann
hafi ennfremur farið til Bandaríkjanna í nám
til að læra hvernig hægt sé að bæta getu
kylfingum í ýmsum atriðum.
„Erlendar rannsóknir segja að 15% kylf-
inga séu meiddir á hverjum tíma. Miðað við
fjölda Íslendinga sem eru í golfi, sem eru um
20 þúsund, þá eru þrjú þúsund kylfingar
meiddir þegar líða tekur á sumarið. Í stað
þess að laga hjá þeim golfsveifluna og bæta
hjá þeim líkamsástandið er alltaf verið laga
það sem fer úrskeiðis. Ég legg mikið upp úr
því að kenna fólki að beita líkamanum rétt
þegar það er að slá golfhöggið og læra að
slá þannig að afleiðingarnar verði ekki
alvarlegar í meiðslum og öðru slíku,“ segir
Gauti.
Álagseinkenni af kyrrsetu
Þegar Gauti er inntur eftir hvort fólk komi
nú fyrr til sjúkraþjálfara en áður segir hann
að á síðustu árum hafi fólk áttað sig á því að
sjúkraþjálfarar geti hjálpað. Þeir geta bæði
komið í veg fyrir kvilla og einkenni. Margir
sjúkraþjálfarar eru farnir að vinna í fyrirtækj-
um, skoða vinnuaðstöðu og sjá m.a. hvernig
tölvur eru staðsettar.
„Kyrrseta hefur aukist sem gerir það að
verkum að meira ber á álagseinkennum.
Gott er að fá sjúkraþjálfara til að athuga
vinnuaðstöðuna og passa upp á það að
maður sitji ekki skakkur allan daginn. Mörg-
um finnst gott að fara til sjúkraþjálfara til að
láta mýkja á sér bakið og hálsinn og fá leið-
sögn við æfingar. Þeir eru margir sem æfa og
gera þær ekki rétt sem kemur síðan niður á
þeim síðar. Það sem sjúkraþjálfarar leggja
áherslu á í þjálfuninni er að þjálfa hina svo-
kölluðu stoðvöðva. Það eru djúpir kviðvöðv-
ar, grindarbotninn, þindin, vöðvar í kringum
herðablöðin, allt saman djúpir vöðvar sem
Nú erum við með fullt af
ungu íþróttafólki sem er
búið að segja að æfa
10 þúsund klukkutíma.
Það er hins vegar betra að
æfa 5 þúsund klukkutíma
og æfa vel heldur en að
æfa mikið og æfa vitlaust.
skipta öllu máli og gefa í rauninni kraftinn til
að framkvæma stóru hlutina. Við getum líkt
þessu við að við setjum ekki fallbyssu í
gúmmíbát heldur verður undirstaðan að
vera góð. Góð undirstaða gefur okkur mögu-
leika til að framkvæma mikla krafta. Flestir,
sem koma til okkar hafa mjög lélegan grunn
og undirstöðu, þrátt fyrir að þeir séu í rækt-
inni alla daga af því að það er ekki verið að
þjálfa þennan svokallaða grunn.“
Höldum eldra fólki gangandi
- Er það orðið lífsmunstur hjá ákveðnum hópi
að fara reglulega til sjúkraþjálfara og halda
skrokknum við?
„Ég segi það ekki alveg. Flestir koma af því
að það heldur þeim gangandi. Við getum
haldið eldra fólki gangandi og gert því kleift
að búa heima, sjá um sig sjálft í stað þess að
fara á hjúkrunarheimili og ef það tekst er það
hagur fyrir samfélagið. Sama gerist ef við get-
um haldið fólki í vinnu, og það fær tekjur og
borgar skatta, þá er það betra en að fólk fari
á örorkubætur svo að af verður kostnaður
og fólkið byrði fyrir samfélagið. Það skiptir
máli að við áttum okkur á því að þeim tíma
og peningum sem er varið í sjúkraþjálfun
borgar sig bæði fyrir samfélagið og einstakl-
inginn sjálfan,“ sagði Gauti Grétarsson í við-
talinu við Skinfaxa.