Ægir - 01.07.2014, Síða 6

6
Einhvers staðar segir að frændur séu frændum verstir. Í miðri jarð-
skjálftahrinu í Vatnajökli á dögunum hófst önnur skjálftahrina í fjöl-
miðlum þegar færeyska skipið Næraberg kom til hafnar í Reykjavík frá
makrílveiðum við Grænland. Stór orð voru uppi höfð þegar stjórnvöld
bentu réttilega á þær reglur sem gilda um takmörkun þjónustu við
fiskiskip annarra þjóða sem veiða úr sameiginlegum stofnum sem
ekki eru samningar um. Sagt var einmitt í opinberri umræðu að við Ís-
lendingar höfum með þessu verið frændum okkar verstir, neitað
frændþjóð og vinum um þjónustu og þar fram eftir götum.
Það er margsannað mál að í nútímanum eru mál oftar en ekki blás-
in upp með yfirborðskenndum hætti. Þarf ekki að fara út fyrir atvinnu-
greinina sjávarútveg til að sjá dæmi þess þar sem áfellisdómar eru
felldir í opinberri umræðu um fólk og fyrirtæki í greininni sem byggj-
ast á augljósri vanþekkingu. Málið í kringum færeyska skipið
Næraberg er af svipuðum toga. Eða í það minnsta er vonandi að við
Íslendingar sem fiskveiðiþjóð stöndum vörð um það sem við höfum
áunnið á sjávarútvegssviðinu með samstöðu og baráttuþreki. Nægir
að minna á baráttuna fyrir landhelginni, svo eitt sé nefnt. Við eigum
líka í harðri baráttu fyrir því sjálfsagða réttlætismáli að fá stöðu við
borðið þegar kemur að veiðum úr makrílstofninum sem er kominn
með heimilisfesti hér í fiskveiðilögsögunni stóran hluta ársins. Okkar
sjónarmið er að samningar séu besta leiðin að niðurstöðu og Fær-
eyingar hafa einnig sýnt að þeir telja líka árangursríkast að semja um
slík efni, samanber samkomulag þeirra við Evrópusambandið síðasta
vor. Þeir tóku hins vegar þá meðvituðu ákvörðun að semja án aðkomu
Íslendinga og það var og er miður. Undirritaður var staddur í Færeyj-
um sömu sólarhringa og þetta gerðist og þar taldi fólkið á götunni
það einmitt vera afleitt að vina- og grannþjóðirnar stæðu ekki bak í
bak í þessum samningi.
Engum dettur annað í hug en hjálpa erlendum skipum á neyðar-
stundu í nágrenni Íslands, burtséð frá því hvaða veiðar þau stunda. Því
var ekki að heilsa í þetta skiptið. Skipið var ekki í neyð, vistir voru
nægar um borð og olía á tönkum. Íslensk lög eru líka skýr. Eftir stend-
ur að svo virðist sem í þessu máli hafi allt í einu skotist upp á yfir-
borðið það sjónarmið að við eigum að fella niður lagaákvæði þegar
ákveðin þjóð á í hlut. Það væri miður, ekki bara fyrir Íslendinga heldur
Færeyinga líka. Því það er nú einu sinni svo að Færeyingar eru líka
smáþjóð sem heldur betur hefur þurft að berjast fyrir sínu og verja
hagmuni sína, ekki síst á sjávarútvegssiðinu. Þeir þekkja vel að eftir-
gjöf í hagsmunabaráttu er sama og tapa, sama hver á í hlut. Geti
Nærabergsmálið orðið til þess að þjappa þjóðunum saman að borði í
sjávarútvegmálum og að þær geti sem fyrst orðið samherjar í samn-
ingum um makrílveiðar þá væri vel. Það er því miður ekki í sjónmáli
enn.
Ægir er að þessu sinni helgaður nýju fiskveiðiári og úthlutun afla-
marks. Breytingar milli ára eru í raun litlar, svo sem vitað var fyrirfram.
Samdráttur í ýsuveiðum heldur áfram og er áhyggjuefni að sönnu en
styrkur þorskstofnsins að sama skapi ánægjulegur. Þróun í skipastóln-
um er nú vel merkjanleg því úthlutað er til færri skipa og báta í öllum
útgerðarflokkum. Fækkun um fimm togara milli fiskveiðiára er til að
mynda dæmi um þetta en það er líka ljóst að mikil áhersla er nú lögð
á hagræðingu í útgerð til að mæta m.a. háu olíuverði um leið og
löngu tímabærri endurnýjun í flotanum er ýtt úr vör.
Jóhann Ólafur Halldórsson ririfar
Frændsemi og nýtt fiskveiðiár
Út gef andi:
Athygli ehf. ISSN 0001-9038
Rit stjórn:
Athygli ehf. Hafnarstræti 82, Ak ur eyri.
Rit stjór i:
Jóhann Ólafur Hall dórs son (ábm.)
Sími 515-5220. GSM 899-9865.
Net fang: johann@athygli.is
Aug lýs ing ar:
Inga Ágústsdóttir. Sími 515-5206.
GSM 898-8022. Net fang: inga@athygli.is
Suðurlandsbraut 30. Reykjavík.
Hönnun & umbrot:
Athygli ehf.
Suðurlandsbraut 30. Reykjavík.
Sími 515-5200.
Á skrift:
Hálfsársáskrift að Ægi kostar 5100 kr.
Áskriftar símar 515-5200 & 515-5205
ÆG IR kem ur út 11 sinn um á ári.
Eft ir prent un og ívitn un er heim il,
sé heim ild ar get ið.
MAKING MODERN LIVING POSSIBLE
Danfoss hf. • Skútuvogi 6 • 104 Reykjavík • Sími: 510 4100 • veffang: www.danfoss.is
Danfoss stjórnbúnaður fyrir íslenskan iðnað
Rofabúnaður • Mjúkræsar • Segullokar
Hitastillar • Hitanemar
Stjórnbúnaður með áratuga reynslu
við íslenskar aðstæður
Hitaliðar •
Þrýstiliðar • Þrýstistillar • Þrýstinemar
R
itstjórn
a
rp
istilll