Morgunblaðið - 23.06.2015, Blaðsíða 4

4
MORGUNBLAÐIÐ ÞRIÐJUDAGUR 23. JÚNÍ 2015
Boðað hefur verið til funda í kjaradeilum Bandalags háskólamanna,
BHM, og hjúkrunarfræðinga í dag í húsnæði ríkissáttasemjara. Fundur
samninganefnda hjúkrunarfræðinga og ríkisins hefst klukkan níu en
samninganefndir BHM og ríkisins funda klukkan 15.
Ekki hefur verið fundað í deilu hjúkrunarfræðinga og ríkisins síðan 10.
júní en síðast var fundað í deilu BHM og ríkisins 16. júní.
Fundað í kjaradeilu í dag
HJÚKRUNARFRÆÐINGAR OG BANDALAG HÁSKÓLAMANNA
Þórunn Kristjánsdóttir
thorunn@mbl.is
13 hjúkrunarfræðingar hafa sagt upp
störfum á Heilbrigðisstofnun Suður-
nesja eftir að lög voru sett á verkfall
Félags íslenskra hjúkrunarfræðinga
fyrir rúmri viku. Á kvennafrídaginn
19. júní sl. bættust níu uppsagnir við
þær fjórar sem höfðu þegar borist.
Ef þessar uppsagnir ganga eftir
standa eftir 1,3 % stöðugildi á slysa-
og bráðamóttökunni því allir hjúkr-
unarfræðingarnir nema deildarstjór-
inn auk eins starfsmanns hafa sagt
upp.
„Þessi deild fer alveg á hliðina,“
segir Þórunn Benediktsdóttir, fram-
kvæmdastjóri hjúkrunar á Heil-
brigðisstofnun Suðurnesja. Hún
bendir á að stofnunin hafi ekki farið
varhluta af fjölgun ferðamanna und-
anfarið. „Við sinnum t.d. bráðaþjón-
ustu við ferðamenn sem veikjast fyrir
og eftir flug,“ segir Þórunn til að und-
irstrika mikilvægi deildarinnar.
Uppsagnir annarra hjúkrunar-
fræðinga á stofnuninni eru af öllum
deildum.
198 sagt upp á Landspítalanum
Alls hafa 198 sagt upp störfum á
Landspítalanum að undanförnu, þar
af 167 hjúkrunarfræðingar og 22
geislafræðingar auk ljósmæðra og fé-
laga í Félagi lífeindafræðinga. Flest-
ar uppsagnirnar taka gildi 1. október
en 1. september hjá geislafræðingum
sem sögðu upp störfum nokkru fyrr.
Hjúkrunarfræðingarnir sem hafa
sagt upp störfum starfa á öllum svið-
um spítalans. Margir hafa sagt upp á
deildum sem krefjast sérhæfingar
eins og t.d. á gjörgæsludeild, hjarta-
og lungnaskurðdeild og krabba-
meinsdeild.
„Við höfum áður séð uppsagnir í
tengslum við kjarabaráttu en ekki
þennan fjölda áður. Þegar um semst
dregur fólk oft uppsagnir sínar til
baka en það eru alltaf einhverjir sem
fara og það veldur okkur verulegum
áhyggjum. Við megum ekki missa
fólk því það er fyrirsjánlegur skortur
á heilbrigðisstarfsfólki, bæði hjúkr-
unarfræðingum og öðrum. Þetta er
alvarleg staða,“ segir Sigríður Gunn-
arsdóttir, framkvæmdastjóri hjúkr-
unar á Landspítalanum.
Á Sjúkrahúsinu á Akureyri og á
Heilbrigðisstofnun Austurlands hef-
ur borist ein uppsögn hjúkrunar-
fræðings á hvorum stað. Að sögn
Hildigunnar Svavarsdóttur, fram-
kvæmdastjóra hjúkrunar á Sjúkra-
húsinu á Akureyri, er „mikill órói“ á
meðal hjúkrunarfræðinga og vísaði
hún m.a. til samstöðufunda á meðal
félagsmanna sem haldnir voru í gær.
Enginn hjúkrunarfræðingur hafði
sagt upp starfi sínu á heilbrigðis-
stofnunum á Suðurlandi og Vestur-
landi.
Hafa ekki séð
þennan fjölda
uppsagna áður
 Á landsvísu hafa að minnsta kosti 182
hjúkrunarfræðingar sagt upp störfum
Morgunblaðið/Eggert
Uppsagnir Mikill órói er meðal
hjúkrunarfræðinga vegna laga.
Benedikt Bóas
benedikt@mbl.is
Höllu Þorvaldsdóttur, fram-
kvæmdastjóra Sálfræðingafélags Ís-
lands og aðila að samninganefnd
BHM, blöskra
mismunandi við-
brögð ríkisins og
Samtaka atvinnu-
lífsins við verk-
föllum. Höllu
finnst eins og SA
geri hvað sem er
til að forðast
verkföll á loka-
dögunum fyrir
boðaðar aðgerðir.
Á meðan stefndi
ríkið BHM fyrir félagsdóm og gaf
þannig tóninn í ellefu vikna verk-
falli.
„Þegar ég vaknaði í [gær]morgun
var Þorsteinn Víglundsson í útvarp-
inu að segja að hann reiknaði með
að klára samninga við iðnaðarmenn
og allt yrði gert til að afstýra verk-
föllum. Þegar verkföllin voru yf-
irvofandi hjá BHM var hins vegar
ekkert gert. Engin viðbrögð komu
frá ríkinu önnur en þau að stefna fé-
laginu fyrir félagsdóm,“ segir Halla.
Oft boðið upp í dans
Hún segir að BHM hafi oft boðið
ríkinu upp í dans en ríkið hafi varla
kveikt á tónlistinni, samningsviljinn
var enginn. „Það er nákvæmlega
sama hvaða boltum við höfum kast-
að upp til að ná sátt í deilunni, þeir
grípa engan.“
Hún skilur ekki af hverju ríkið
sýnir jafnmikið ábyrgðar- og áhuga-
leysi gagnvart starfsmönnum sínum
innnan BHM því það hafi sýnt kjark
og þor þegar framfarasamningur
við lækna var undirritaður.
„Ef það verður boðið meira hjá
ríkinu en almenna markaðnum
bresta samningar og því eru þeirra
hagsmunir metnir meiri en þeir
hagsmunir að móta þokkalegt
vinnuumhverfi ríkisstarfsmanna.
Svo horfir maður á Þorstein leggja
allt kapp á að koma í veg fyrir þau
skaðlegu áhrif sem verkfall hefur á
atvinnurekendur en á meðan lætur
ríkið þann skaða viðgangast í tíu
vikur,“ segir Halla.
Ríkið lætur verkfallsskaðann viðgangast
 Mismunandi viðbrögð Samtaka at-
vinnulífsins og ríkisins við verkföllum
Morgunblaðið/Styrmir Kári
Verkfall Starfsmenn ríkisins innan BHM voru í verkfalli í hartnær ellefu vikur. Fundur er boðaður í dag.
Halla
Þorvaldsdóttir
Benedikt Bóas
benedikt@mbl.is
Sjúkraliðafélag Íslands (SLFÍ),
Stéttarfélög í almannaþjónustu
(SFR) og Landssamband lögregl-
unnar (LL) bíða þolinmóð á hliðar-
línu kjaraviðræðna og bíða eftir að
röðin komi að
þeim. Félögin
standa saman í
viðræðum við rík-
ið og ætla að bíða
meðan storminn
um BHM og
hjúkrunarfræð-
inga lægir. Félög-
in hafa hins vegar
ekki endalausa
þolinmæði og
hittast í dag til að
fara yfir sérmál félaganna.
„Við erum með eina viðræðuáætl-
un, eina kröfugerð og svo sérkröfur
félaganna,“ segir Kristín Á. Guð-
mundsdóttir, formaður SLFÍ. Hún
segir að félögin hafi fyrir töluverðu
síðan vísað viðræðunum til ríkis-
sáttasemjara og hafi komist að til að
kynna sérkröfurnar. Ekkert svar
hafi hins vegar borist frá ríkinu.
„Við erum ekki komin svo langt að
tala um aðgerðir. Við viljum ná
samningi og viljum ekki stefna öllu í
verkfall. Við viljum heldur ekki
trufla viðræður með verkfalls-
aðgerðum heldur bíða aðeins. En við
verðum ekki róleg lengi. Við erum á
hliðarlínunni og viljum semja, þess
vegna á morgun,“ segir hún.
Högg á heilbrigðiskerfið
Kristín segir að heilbrigðiskerfið
verði fyrir enn einu högginu fari
SFR og SLFÍ í verkfall en lögreglu-
menn hafa ekki verkfallsrétt.
„Ef SFR og SLFÍ fara í verkfall
óttast maður afleiðingarnar fyrir
heilbrigðiskerfið. Við vonum auðvit-
að að það komi ekki til verkfalls, að
það sé hægt að komast að samkomu-
lagi þegar eitthvað fer að skýrast
með launaliðinn og aðra hluti sem
ríkið þarf að taka sig taki með.“
Þá bendir Kristín á að viðræðurn-
ar snúist ekki bara um launaliðinn.
„Sjúkraliðar vinna mjög óreglulega;
fjóra tíma þennan daginn, níu tíma
þann næsta, þrjá og svo 15. Ég hef
sagt að þetta séu kafbættir lopa-
sokkar því það er verið að fylla upp í
skröltandi vakt. Þetta viljum við laga
því þetta auðvitað gengur ekki leng-
ur. Það er ekki hægt að bjóða mann-
eskjum eða heilli stétt upp á svona
starfsumhverfi. Ég hef verið að
benda samninganefndinni á og lagt
fram gögn um það að hópar af
sjúkraliðum eru að sækja um hjá
VIRK – starfsendurhæfingarsjóði
vegna stoðkerfisvandamála. Það eru
svo fáir á vakt í einu að álagið er slíkt
að enginn stendur undir slíku.
Ég mun ekki standa upp með
gerðan kjarasamning fyrr en það er
búið að koma skikki á þetta. Þetta er
stórt mál, ekki síður en launaliður-
inn,“ segir hún ákveðin.
Morgunblaðið/Golli
Sjúkraliðar Félögin SFR, LL og SLFÍ hafa vísað viðræðum sínum við ríkið til ríkissáttasemjara.
„Bíðum þolinmóð
en ekki endalaust“
 Engar viðræður milli ríkisins og SFR, LL og SLFÍ
 Félögin bíða á hliðarlínunni  Verkfall ekki rætt
Kristín A.
Guðmundsdóttir
Kjaradeilur á vinnumarkaði