Húnavaka - 01.05.1998, Side 39

II Ú N A V A K A
37
Hluti af Alþingishátídarstellinu. Ljósm.: Unnar.
I dag á ég tæplega 300 kaffíbolla ásamt undirskálum og engir tveir eru
eins. Það eru innan við 10 bollar þar sem ekki fylgir undirskál. Eg hef
ekki lagt mig sérstaklega eftir hliðardiskum en tekið þá ef þeir fylgja
með. Þetta eru bæði bollar úr venjulegum kaffistellum og sparistellum.
Eg hélt því lengi vel saman hvaðan ég fékk bollana en er hætt því
núna.
Jú, vissulega eru sumir bollar mér kærari en aðrir. Eg held að mér þyki
einna vænst um tvo bolla, bollann frá ömmu minni og bollann hennar
Bjargar. Björg var kona sem líklega var aldrei rík af veraldlegum auði og
ýmislegt var henni mótdrægt um ævina. En hún var alltaf brosmild og
jákvæð til lífsins. Þegar ég er í leiðu skapi fæ ég mér oft kaffitár úr bollan-
um hennar Bjargar, þá verður mér hugsað til hennar og mér líður betur
á eftir.
Mér áskotnaðist líka einu sinni gamalt 12 manna kaffístell. Á því eru
handgerðar myndir frá Þingvöllum enda voru þau éingöngu gerð fyrir
Alþingishátíðina 1930. Það eru ekki mörg heil til í dag og þegar mér
bauðst þetta þá var ég ekki lengi að hugsa mig um. Það voru tvær gerðir
búnar til af þessum Alþingishátíðarstellum, annað með mynd úr Al-
mannagjá en hitt með mynd af Oxarárfossi. Eg á heilt stell með mynd-
inni úr Almannagjá en bara einn bolla af hinu.
Svo var það líklega árið 1987 að ég fór að safna bjórglösum. Það var nú
engin sérstök ástæða fyrir því, a.m.k. ekki löngunin í bjór því hún hefur
aldrei verið mikil. En þetta einhvern veginn æxlaðist svona og auðvitað