Húnavaka - 01.05.1998, Qupperneq 89

H Ú N AVA K A
87
heimarétt og í alla staði góð réttaraðstaða. Við réttina voru 16 dilkar sem
notaðir voru við sauðburð og fleira. Þeir fullnægðu þörfum skilaréttar
fyrir hreppinn. Auðvelt reyndist að ná samkomulagi við eiganda réttar-
innar, Erlend G. Eysteinsson og fá réttaraðstöðu þar næstu 20 árin eða tíl
ársins 1997. Var gerður samningur þar um milli hreppsnefndar og hans.
Hlaut þessi rétt nafnið Giljárrétt.
Það var svo haustið 1995 að riða greindist á Stóru-Giljá í einni kind.
Eftir það fannst ýmsum óráðlegt að beina fé almennings heim að fjár-
húsunum á Stóru-Giljá eða í rétt þar. Hreppsnefnd Torfalækjarhrepps
taldi ekki fært annað en byggja nýja rétt þegar svo var komið málum og
var þegar hafist handa um undirbúning.
Hreppsnefndir Torfalækjar- og Svínavatnshrepps samþykkktu síðan að
byggð skyldi ný rétt og hún reist í nágrenni gömlu Beinakelduréttarinn-
ar á mel vestan við Beitarhúsatúnið austan Reykjabrautar. Réttina teikn-
aði Þorgrímur Pálmason bóndi og smiður í Holti í samráði við oddvita
Torfalækjarhrepps um tilhögun og efnisval.
Hreppsnefnd ákvað að leita eftir tilboðum í réttarbygginguna. Við
opnun tilboða kom í ljós að lægsta tilboðið var frá Þorgrími Pálmasyni.
Samningur var gerður við hann um að byggja réttina sumarið 1996 og
skyldi verkinu lokið fyrir 1. september það ár.
Almenningur réttarinnar er hringlaga og út frá honum eru 15 dilkar.
Við réttina er nátthagi og innrekstrargangur. Réttin stendur á steyptum
sökklum með rörum upp úr sem timbur er skrúfað á. Járngrindur eru í
öllum dyrum og dilkar merktir.
Þegar fé var fyrst réttað haustið 1996 í réttinni var hún vígð og ausin
kampavíni af Ingibjörgu Eysteinsdóttur húsfreyju á Beinakeldu sem gaf
henni nafnið Beinakeldurétt.
Það er von okkar sem að þessari réttarbyggingu stóðum að nú sé þessi
skilarétt loksins komin á varanlegan stað og muni standa þar á föstum
grunni til langrar framtíðar.
ÚR ÖRNEFNASKRÁ:
Réttarhvammur nr. 63, Háibakki nr. 210, Kvíaból nr. 5, Norðlingahvammur nr. 59,
Neshvammur nr. 64, Björnsnef nr. 72, Bekkurinn nr. 105, Klajtfarhólar nr. 137, Beit-
arhúsatún nr. 80,