Húnavaka - 01.05.1998, Qupperneq 142

RAGNHEIÐUR BLONDAL, Birkihlíd:
Agrip af sögu Kvenfélags
Vatnsdæla
Þann 9. júlí 1927 komu konur úr sveitinni saman á Hofi í Vatnsdal og
ákváðu að bindast samtökum um að stofna kvenfélag. Voru mættar svo til
allar húsmæður í sveitinni. Svo var það 21. september sama ár að félag
var stofnað formlega á fundi að Hofí. Voru þá fimm konur komnar til
viðbótar svo félagatala var um 25 í byrjun. Fyrstu syórnina skipuðu:
Rannveig Stefánsdóttir Flögu, formaður, Theódóra Hallgrímsdóttir
Hvammi, gjaldkeri og Kristín Vilhjálmsdóttir Blöndal Kötlustöðum, rit-
ari.
Hlaut félagið nafnið Kvenfélag Vatnsdæla og hét svo um nokkurra ára
bil. Seinna var það skírt upp og hét þá Kvenfélagið Björk fram til ársins
1962 að aftur var skipt yfir í upprunalega nafnið, þ.e. Kvenfélag Vatns-
dæla og heitir svo enn í dag.
Mikil bjartsýni ríkti á þessum fyrsta fundi hjá konunum og jafnvel rætt
um að setja upp gamanleikrit og halda samkomu með söng og dansi.
Voru oft á þessum fyrstu árum haldnar samkomur á bæjum þeim er helst
höfðu húsrými svo sem: Hvammi, Gilsstöðum og Hofi. Seinna kom svo
samkomuhúsið á Asbrekku til sögunnar. A þessum samkomum var jafnan
reynt að hafa ræðumann og bögglauppboð. Má geta nærri að ekki hafi
verið úr miklu að spila fjárhagslega og gefur klausa úr fundargjörð frá
1932 það til kynna en þar stendur: „... að samkoman skuli haldin ef
hveiti, sykur og kaffi fáist út.“ En þeim peningum er inn komu var jafnan
varið til líknarmála og hefur félagið reynt að styrkja bágstadda og gefið
dl annarra líknarmála svo sem í áhaldasjóð Héraðshælisins og margvís-
legar gjafir þangað og í hina og þessa velgjörðastarfsemi sem of langt
yrði upp að telja.
Mikill áhugi ríkti á fyrstu árum félagsins fyrir hvers kyns heimilisiðn-
aði. Rætt var um á fyrstu fundum að hafa árlegar heimilisiðnaðarsýning-
ar og í framhaldi af því voru munir sendir á landssýninguna 1930 frá
heimilum á félagssvæðinu. Þá var reynt að hafa handavinnukennslu í