Húnavaka - 01.05.1998, Qupperneq 151

H Ú N A V A K A
149
Auður og Hjalti slitu samvistir. Hún giftist aftur. Var síðari eiginmaður
hennar Stefán Benediktsson en þau bjuggu lengst af í Reykjavík að
undanskildum skömmum tíma er þau stunduðu búskap í Skefilsstaða-
hreppi. Þau slitu samvistir skömmu eftir 1980. Eftir það bjó Auður í
Reykjavík ásamt syni sínum og tengdadóttur.
Fyrir utan húsmóðurstörfin vann Auður
ýmis störf í verslun og iðnaði. A síðari árum
vann hún í Múlakaffi og á Hótel Sögu þar
sem hún starfaði lengst. Síðast vann hún í
Múlalundi.
Arið 1991 flutti hún til Skagastrandar á
Dvalarheimilið Sæborgu en þá hafði Guð-
laugur, sonur hennar, flutt norður með fjöl-
skyldu sína. Seint á árinu 1996 lagðist hún inn
á Fjórðungssjúkrahúsið á Akureyri og lést þar.
Auður átti alla ævi við vanheilsu að stríða,
erfiðan sjúkdóm sem ágerðist hægt og
bítandi, olli þjáningum og svipti hana möguleikum sem hún annars
hefði haft. Samt kvartaði hún ekki og bar meiri umhyggju fyrir annarra
líðan en sinni eigin. Hún var heilsteypt kona og sterkur persónuleiki og
yfir henni var reisn sem hún hélt allt til þess að ævi hennar lauk.
Þrátt fyrir mikið andstreymi í lífinu tamdi hún sér að hlúa að lífsgleð-
inni innra með sér og bjó yfir mikilli kímnigáfu. Hún hafði næmt eyra
fyrir tónlist og kunni ógrynnin öll af ljóðum, lögum og textum. Hún var
örlát, gefandi og góður félagi. A heimili hennar í Reykjavík var mikill
gestagangur enda sóttist jafnt ungt fólk sem þeir eldri eftir félagsskap
hennar.
Utför hennar var gerð frá Askirkju í Reykjavík 28. janúar.
Sr. Egill Hallgrímsson.
Helga Ásta Ólafsdóttir, x
Blönduósi
Fœdd 5. júní 1932 - Dáin 23. febrúar 1997
Helga Asta Olafsdóttir fæddist og ólst upp í Vesturbænum í Reykjavfk.
Hún var dóttir sjómannshjónanna, Margrétar Guðmundsdóttur og Olafs
Þorbjörns Olafssonar og næstyngst sjö systkina. Elstur var hálfbróðirinn
Haraldur sem lést á fyrsta ári en alsystkinin voru: Guðrún sem lést 1992,