Húnavaka - 01.05.1998, Page 158

156
H Ú N AV A K A
jónsdóttir frá Rútsstöðum. Þau eignuðust fjóra syni: Gunnar, búsettur á
Hvammstanga, Oskar, Haukur og Kjartan, búsettir í Reykjavík.
Eftirlifandi maður Ragnheiðar er Sigfús Sigfússon frá Forsæludal. Þau
hófu búskap sinn í húsmennsku í Þórormstungu árið 1950. Síðan voru
Jiau fimm ár í Seljahlíð í Eyjafirði, þrjú ár á Orrastöðum, þá aftur í Þór-
ormstungu í finrm ár, uns þau keyptu Gröf
árið 1964 og bjuggu þar upp frá því.
Elsta dóttir Ragnheiðar var Sigrún Asgríms-
dóttir, búsett í Olafsfirði, nú látin. Maður
hennar var Egill Sigvaldason. Börn Ragnheið-
ar og Sigfúsar eru: Helga á Marðarnúpi. Mað-
ur hennar er Helgi Ingólfsson (bróðursonur
Ragnheiðar). Benedikt býr í Gröf 2 ásamt son-
um sínum tveimur.
Skúli býr í Gröf 1. Jóhanna er búsett á
Laugarbakka. Maður hennar er Erlendur Sig-
tryggsson. Jónas var yngstur systkinanna, en
hann drukknaði 18 ára gamall. Ragnheiður
og Sigfús ólu einnig upp dótturdótturina
Ragnheiði Þórsdóttur sem býr í Gröf 1.
Ragnheiður var dugleg og vinnusöm kona. Hún var alltaf að og gat
alltaf bætt við verkefnum, hvort sem um var að ræða heimilisstörf, bú-
störf, garðrækt, sláturhússtörf, fisk- eða rækjuvinnslu en þau síðartöldu
stundaði hún seinni árin, fyrst á Hvammstanga og síðan lengi á Blöndu-
ósi.
Heimilið var hefðarsetur Ragnheiðar og þar var hún höfuð hópsins.
Fjölskyldan var hennar stolt og hún áleit það skyldu sína að annast hana
vel með stjórnsemi og kærleika. I áföllum og erfiðleikum sem mættu,
stóð Ragnheiður ávallt við hlið þeirra sem áttu bágt og studdi lítilmagn-
ann. Sjálf var hún oft beygð en hún vann sig upp með hörku og vinnu-
átaki og með hjálp vina og fjölskyldu.
Ragnheiður tók þátt í kvenfélagsstarfi í Vatnsdal og hún söng í
kirkjukór og hafði mikla ánægju af söng og tónlist.
Arið 1984 gekkst Ragnheiður undir hjartaaðgerð og var þrekminni
upp frá því. Hún vann þó enn í mörg ár í Særúnu á Blönduósi og var þá
lengi til heimilis hjá dótturdótturinni Ingibjörgu Jónsdóttur. Síðustu t\’ö
árin lét Ragnheiður sér nægja heimilisstörfm í Gröf. Með margvíslegum
hætti varð Ragnheiður til að veita öðrum gleði. Sú gleði mun lifa áfram í
lífi þeirra sem áttu hana að vini.
Utför Ragnheiðar fór fram frá Undirfellskirkju 23. júlí.
Sr. Stína Gísladóttir.