Húnavaka - 01.05.1998, Qupperneq 167

HÚNAVAKA
165
1947 og lauk námi við Hjúkrunarskóla íslands í október 1953. Hún vann
sem hjúkrunarkona við Fæðingardeild Landspítalans nokkra mánuði
1954, starfaði við Sjúkrahús Neskaupstaðar frá 1. júlí 1963 og yfirhjúkr-
unarkona þar frá 1. maí 1966 til 1. nóvember 1967.
Hún lauk framhaldsnámi í geðhjúkrun við Nýja hjúkrunarskólann í
mars 1981. Starfaði síðan sem hjúkrunarkona
á nokkrum stöðum þó lengst af við Héraðs-
hæli Austur-Húnvetninga á Blönduósi. Hún
var ráðin heilsugæsluhjúkrunarkona við
Heilsugæslustöðina á Blönduósi 1975 og
hjúkrunarforstjóri þar frá 1982 - 1991. Síðast
gegndi hún hjúkrunarstörfum á Hrafnistu í
Reykjavík og starfaði til 1. ágúst 1997.
Eyrún átti við mikil veikindi að stríða um
langt skeið. Engu að síður lét hún þau ekki
aftra sér frá störfum. Þegar Heilsugæslustöðin
á Blönduósi var stofnuð var hún ráðin fyrsta
heilsugæsluhjúkrunarkonan og síðar hjúkr-
unarforstjóri eins og áður er sagt. Atti hún
stóran þátt í að byggja upp heilsugæsluna í Austur - Húnavatnssýslu.
Þau hjón eignuðust tvö börn en þau eru: Arnór, grunnskólakennari
við Arbæjarskóla í Reykjavík en hann er kvæntur Astu Rögnvaldsdóttur
bókasafnsfræðingi sem starfar hjá Ríkisútvarpinu og Hildur hjúkrunar-
fræðingur en eiginmaður hennar er Pétur Böðvarsson, skipatæknifræð-
ingur, búsett í Reykjavík.
Eyrún var mikil húsmóðir og bar heimili þeirra hjóna ætíð vott um
listfengi hennar og smekkvísi. Síðustu ár æfi sinnar dvaldi hún lengst af í
Reykjavík vegna veikinda. Hún lést á Sjúkrahúsi Reykjavíkur eftir mikil og
ströng veikindi, 66 ára að aldri.
Með Eyrúnu Gísladóttur er horfin sjónum vorum glæsileg kona og
minnisstæð. Hún var hógvær og hljóðlát. Hún var góð móðir barna sinna
og barnabarna. Hún var hollráð og sá ætíð björtu hliðarnar á hverju
máli. Starfi sínu sinnti hún ætíð af alúð og kostgæfni. „Eitt af hennar að-
aleinkennum var sú hlýja og mildi, sem hún sýndi skjólstæðingum sín-
um og samstarfsfólki, enda leið öllum vel í návist hennar“ eins og ein af
samstarfskonum hennar á Blönduósi komst að orði við lát hennar.
Utför hennar var gerð frá Fossvogskapellu þann 10. desember.
Sr. Sigfinnur Þorleifsson.